韓國出晒名整容技術一流，唔少明星闊太都會定期飛去執一執。日前網上流傳一段短片，內容係今年中一個韓國真人騷節目《Produce 101》，講101個少女練習生為成為職業歌手進行一系列比賽，最終排名最高嘅11位可以簽約正式出道。而片段主角係排第10嘅任娜英，佢得知入圍後勁感動，喊到鼻涕都流埋出嚟，正當佢下意識用隻手捏一捏個鼻時，竟然兩邊鼻翼凹晒，當眾塌鼻！