糖妹150cm都無、鄧紫棋16歲後無再高過!娛樂圈女哈比人逐個look

娛聞

廣告

娛樂圈唔係個個都手長腳長model身形,都有的的骰骰嬌小玲瓏嘅哈比人。事實證明事業發展同身形高矮並冇直接關係,只要有才華性格又討好,一樣發光發亮做宇宙最強。

撰文、圖片:東方新地

鄧紫棋 157cm

16歲已經出道,16歲以後亦都再冇長高過,G.E.M. 嘅例子話畀大家知,人生得細粒但係肺可以生得好巨。

糖妹150cm都無、鄧紫棋16歲後無再高過!娛樂圈女哈比人逐個look

糖妹 149cm

150cm都冇只得149cm嘅糖妹(黃山怡),的骰身形加埋招牌瀏海同甜美童顏,已經成為個人標記。

糖妹150cm都無、鄧紫棋16歲後無再高過!娛樂圈女哈比人逐個look

鄭融 157cm

出道17年,鄭融最出名梗係健康膚色又夠wild人稱小野貓,生得細粒咋,無阻佢上山下海熱愛運動同長跑。

糖妹150cm都無、鄧紫棋16歲後無再高過!娛樂圈女哈比人逐個look

林欣彤 158cm

都係人仔細細個肺好巨,講到身高呢個話題,林欣彤都曾經以前老闆王祖藍做例子,話生得矮一樣可以好有頭腦好有成就。

糖妹150cm都無、鄧紫棋16歲後無再高過!娛樂圈女哈比人逐個look

何雁詩 157cm

新婚幸福人妻何雁詩都係出名生得細細粒,不過佢經常著短裙仔亮相,懂得晒腿拉長身形比例,睇落唔似咁矮。

糖妹150cm都無、鄧紫棋16歲後無再高過!娛樂圈女哈比人逐個look

黃美棋 160cm

香港觀眾個個睇住黃美棋長大,不過淨係年紀有增長,但外形同身高就好似冇分別,依然停留喺小芬女階段。

糖妹150cm都無、鄧紫棋16歲後無再高過!娛樂圈女哈比人逐個look

鄺潔楹 155cm

生得細細粒,不過勝在樣貌夠甜美,鄺潔楹喺無綫一樣機會多多,佢仲識得換轉角度睇輸蝕身形:「可能就係因為我嘅身形,所以特別容易被人記得呢?」

糖妹150cm都無、鄧紫棋16歲後無再高過!娛樂圈女哈比人逐個look

黃凱儀 157cm

喺節目《 後生仔傾吓偈 》中人稱「 波波 」嘅黃凱儀嬌滴滴,但身材勁爆,曾被網友質疑佢上圍係潛建出嚟,又被指經常背住男友偷食,勁多負皮!

糖妹150cm都無、鄧紫棋16歲後無再高過!娛樂圈女哈比人逐個look

鄧卓殷 160cm

2018香港小姐亞軍兼最上鏡小姐,鄧卓殷可算是三甲哈比港姐嘅佼佼者!除咗身形矮小成標記,最令人難忘嘅,一定係佢當年參選時幫農夫起外號為「播種的機」。

糖妹150cm都無、鄧紫棋16歲後無再高過!娛樂圈女哈比人逐個look

阮小儀 148cm

糖妹原來唔係全行最矮,仲有小儀比佢再矮多1cm。可能人生得嬌小特別可愛有助凍齡,剛剛過完50歲生日嘅小儀,竟然容貌同三十多年前嘅學生look冇乜分別。

糖妹150cm都無、鄧紫棋16歲後無再高過!娛樂圈女哈比人逐個look

林穎彤 163cm

林穎彤都上榜其實係想幫佢洗底,皆因入行多年都令人有細細粒既定形象,自稱163cm又被指講大話,事實係 《娛樂大家》 現場幫Bella、糖妹同何雁詩度高,Bella真係最高嗰個真係有163cm高。

糖妹150cm都無、鄧紫棋16歲後無再高過!娛樂圈女哈比人逐個look

譚嘉儀 154cm

譚嘉儀話自細外國長大,外國人鍾意佢細細粒夠可愛,不過入行拍劇影相,就經常要墊完木箱著埋高踭鞋至可以襯得起對手。

糖妹150cm都無、鄧紫棋16歲後無再高過!娛樂圈女哈比人逐個look