家燕媽媽

家燕媽媽獻出從影第一次! 熒幕出浴網民大讚:幾白淨!

娛聞

廣告

黎諾懿努力多年終於成功「入屋」,除近年人氣急升密密接劇,今次更第一次孭飛節目《懿想得到》。首次孭飛個人節目黎諾懿自然非常落力,大打人情牌邀得不少星級嘉賓,緊接鄭伊健就有薛家燕,二人越洋日本拍攝外景,家燕媽媽更首次在熒幕出浴。到底看頭有多大?網民又點睇呢?

撰文:海月丨圖片:TVBFacebook

黎諾懿首次孭飛!家燕媽媽為友情義氣出浴

黎諾懿首次孭飛個人節目《懿想得到》在本周初開播,來到第二集(7月2日)繼續邀得星級嘉賓。繼鄭伊健後就到「大家的可愛媽媽」薛家燕,及「鼎爺」李家鼎三人行前往日本福岡「尋歡」。雖然二人歲數加埋過百,不過仍童心未泯大玩VR恐怖遊戲。

 

不過要數節目「重頭戲」,就絕對是家燕姐浸溫泉「出浴」一幕。今次是家燕姐獻出從影幾十年來第一次「出浴」,直言「好似做咗皇帝、楊貴紀出浴一樣」,更自封「登基燕」。配上filter後畫面仙氣滿載,引來不少網民收看,更大讚「家燕姐幾可愛」、「腳啊~~」、「家燕姐其實幾白淨」。

 

不過原來「風光」背後,家燕姐是帶病拍攝,所以部份鏡頭黎諾懿亦勸對方不需上陣都,但家燕姐表示「最緊要你首次孭飛嘅節目好睇!」。雖然出浴畫面時熒幕打有格,不過其實家燕姐並非全裸,而是有以肉色打底,不過首次拍攝「出浴」的家燕姐還是怕羞,所以拍攝時所有男人一樣要清場。

 

其實二人相熟緣於2017年TVB劇集《燦爛的外母》,黎諾懿劇中與湯洛雯飾演夫妻,卻與「外母」薛家燕最多「床戲」。劇中黎諾懿甚至整蠱家燕姐,「因為家燕姐誤會我鍾意玩SM,結果我就整蠱佢,騎喺佢身上玩SM!」。其實家燕姐在多套電影及劇集,都深得網民鐘愛,可塑性極高,所以亦有不少以家燕姐為主題的惡搞圖及片段,你最有印象又是哪個呢?

 

網民多年來曾為家燕媽媽創作過不同惡搞圖,不過因為質素及人氣相當高,家燕姐也相當受落,後期更應網民而創出Captain Nancy造型。