21歲「寸嘴Ivy 」賴琦媛落選後是非未停過 男伴車輪轉被爆係蒲精
所謂三歲定八十,今年21歲落選港姐賴琦媛,年紀輕輕已經好有機心,參選港姐以來,經常被指囂張目中無人,在港姐首輪網上面試已經爆出「名車論」,大口氣話:「如果Benz都係名車,咁我真係成日坐!」貪慕虛榮浮晒上面,火速被網民封做「寸嘴Ivy 」,更連環被揭黑歷史,被指虛報學歷、曾經整容、是煙民、隨街掉煙頭兼拜金愛黐富二代,是非一大籮,最終落敗收場。
撰文、圖片:東方新地
賴琦媛男伴車輪轉 被爆係蒲精
不過,即使港姐十二強止步,仍無阻賴琦媛繼續自我膨脹,不甘心落選的她,更將落選歸咎遭人抹黑,又揚言隨時明年會捲土重來再參選,更謂想加入主持《後生仔傾吓偈》,當正自己好受歡迎!據知情者透露:「寸嘴Ivy咁自以為是,被foul出十二強梗係唔忿氣,不過,佢好快就收拾心情,好清楚自己要啲乜!就算入唔到決賽都唔緊要,佢最著緊要增加知名度,不知幾想入娛樂圈,成日出口術想人簽佢!」





