換畫了!黃宗澤新女曝光

換畫了!黃宗澤新女曝光

娛聞

廣告

前度胡杏兒去年尾搵到終身幸福,黃宗澤今年3月被爆戀上日模Jun,當大家替佢高興之際,今日有報道指,黃宗澤已經換畫,新女原來係澳門賭場女揸fit人Twin!據知二人啱啱撻着,網上更流出二人頭貼頭、嘟嘴合照,好煙韌!

 
其他文章:

重提《城寨》隊生蛋 李嘉︰黃膽水都劏埋

慘絕人寰!《城寨英雄》鑫鑫遭輪姦慘死

新女來頭勁

有指黃宗澤本來今年3月同日模Jun拍拖後,大家好啱嘴形,就算黃於沙田寓所附近嘅酒店,租房供築愛巢同居,可惜二人經常分隔兩地,見面漸少致感情最後無疾天終!據知,黃宗澤今次呢位新歡Twin姐係中國、印尼混血兒,而且來頭好勁,報道指Twin姐約30歲,於澳門某賭場高層,更係菲律賓長灘島嘅獨家賭場生意嘅C.O.O.(營運總監)!據知,二人喺年前由友人介紹認識,初時以姐弟相稱,但其實二人互相有好感,黃宗澤不時口花花氹對方,而Twin又經常抽空由澳門來港,專誠去黃宗澤間蠔吧探對方,二人亦匿喺VIP房撐枱腳!

奶奶政策得米

報道指Twin係醒目女,得知黃宗澤係孝順仔,為博對方好感,Twin實行「奶奶政策」,經常買禮物送俾黃媽媽,氹得長輩不知幾冧!奶奶政策得米後,Twin同黃宗澤打得更火熱,二人不時selfie晒甜蜜合照,據知黃宗澤身邊朋友,都見怪不怪!

與圈中人稔熟

Twin姐除了係女強人之外,其實亦天生一副明星相,而且身材惹火,據知佢於00年曾經做過model,而甚有生意頭腦的她,亦有搞護膚品代理生意,贊助唔少藝人朋友,所以於圈中人脈甚廣,與李彩華、姚子羚、趙學而、周家蔚同嚴淑明等私交甚篤。問到新戀情,黃宗澤例牌否認:「呢個係我識咗十幾年嘅契家姐嚟,完全係看圖作文啦!」

全文完