林二汶為紀念盧凱彤、鄭中基為遮蓋當年「愛的紋身」!欣宜紋牡丹紀念肥姐 揭露藝人紋身的背後故事
廣告
時代唔同,紋身一早唔再局限於左青龍右白虎公仔佬必然就係壞人嘅年代,今時今日紋身除咗為靚為潮,每個紋身背後仲有一段故事、代表一段歷史,好有意義㗎!
撰文、圖片:東方新地
鄭中基遮蓋蔡卓妍「愛的紋身」
今時今日已變成暖男爸爸嘅鄭中基,有傳其實喺06年因為拍戲與蔡卓妍撻著閃婚。愛得天崩地裂時,鄭中基喺手臂內側紋上大大隻「Charlene」,結果10年離婚後將這「愛的紋身」剷走,重新紋上其他圖案遮蓋。

張繼聰一家人一條心
13年謝安琪同陳奕迅傳出緋聞,有指張繼聰為咗宣示主權,在右手內側紋上大面積紋身,有「K&J」亦有兒子名字「James」,代表一家人一條心。
樂宜雀鳥圖案突顯好身材
最鍾意晒身材著泳衣,IG 女神樂宜腰間大幅紋身大家一定都唔陌生,雀鳥圖案由臀部包到上近肚臍,構圖巧妙地突顯樂宜嘅好身材。
鄭秀文平凡之中尋找不平凡
19年舉行13場演唱會,眼利觀眾發現 Sammi 身上多了不少紋身,Sammi 表示左邊腰間紋身係之前整親腳跑唔到步,放棄咗10年跑步,想勉勵自己而紋,而右邊腰間就係想可以有個唔一樣嘅演唱會,想喺平凡之中尋找不平凡而紋。
杜汶澤源於宗教原因
06年經歷過事業低潮、得罪無數老闆和藝人,杜汶澤從此信奉佛教,為人處事作風亦大變,據悉右手手臂嘅新紋身源於宗教原因。
陳山聰曾為箍女友而紋
12年同何家千金何超雲拍拖時,離離又合合,陳山聰為箍女友,喺右腳小腿紋上代表超雲英文名 Florinda 的F 字愛的紋身,拍拖28個月鬧分手時,山聰亦都親自設計「 28 」圖樣紋身,而腰間紋身是多年前紋的。
陳冠希「經歷過了,感同身受」
Edison 最顯眼的胸前紋身寫上「Been there done that 」,意思係「經歷過了,感同身受」,寓意最低潮時前的感悟,而右臂的「 Hi Mom 」係 紋 畀 媽媽,小腿嘅棕櫚樹就係提醒自己嘅根就喺 LA。