延伸閱讀︰

花曼王君馨打得 原來仲煮得

拆解《城寨英雄》8大謎團

預演婚禮

今日的開鏡禮，劇組來到婚禮場地Club One拍攝一場結婚埸口，J.Arie率先預演婚禮，並由姊妹團阿Sa、Yumiko、衛詩雅及盧巧音陪伴出場，為了祈求拍攝順利，導演邱禮濤率領編劇李敏及一眾演員進行拜神切燒豬儀式，老闆楊受成博士也親自到場以示支持。

之後J.Arie拋花球，阿Sa幸運奪得，難怪笑容燦爛！至於阿嬌與柏豪於片中分別演阿Sa好友及男朋友，其中柏豪與阿Sa經常因小問題而發生爭執，當阿Sa原諒柏豪第77次後，第78次終於忍唔住同對方分手！

全方位升呢

新片《原諒他77次》根據李敏的同名小說改編，阿Sa對小說及電影劇本一直積極俾意見，更將過往拍拖點滴「赤裸裸」剖白，務求俾編劇李敏為佢度身訂造愛情故事，阿Sa說：「過往我喺電影方面較被動，一直等到遇上好劇本先演，但自從跟編劇李敏、導演邱禮濤合作過《雛妓》之後，我開始有與其被動去等好劇本，不如自己主動創作嘅諗法，所以今次嘅劇本我一直努力參與其中，希望創作一個屬於自己嘅愛情故事。」所以，阿Sa今次不但做演員，仲參與編劇、選角及製作預算等工作，一腳踢瓣瓣做，全方位升呢！

全文完