《機場特警》27歲朱敏瀚兩病纏身失角色 爆肌變man搏上位成功

娛聞

廣告

近年盛行爆肌鮮肉男,個個爭住操大隻, 27歲的朱敏瀚亦唔執輸,近日在新劇《機場特警》中,演爆肌型警,一洗以往孱仔形象,經常大晒Man爆身形,演出備受觀眾關注。出道十年一直只演閒角,朱敏瀚拍《機場特警》終開竅,為了不再局限只演別人細佬及主角年輕版角色,實行狂操變Man博機會,一星期做足五日Gym,兼曬三日燈,練出結實六嚿腹肌成功轉運,受監製青睞去年連拍四套劇,戲份愈來愈重,人氣、收入開始上揚!

撰文、圖片:東方新地

朱敏瀚兩病纏身失角色

17歲中學畢業後,朱敏瀚投考無綫藝員訓練班入行,對演戲有好大憧憬,可惜被斯文瘦弱外形局限,每每只被派演主角年輕版及做主角細佬角色,發揮機會不多,更曾因體弱多病而試過失去角色。17年正在趕拍劇集《是咁的,法官閣下》的他,同時兩病纏身,口水腺生石,以及扁桃腺發炎,因口水分泌不足不能吃飯,扁桃腺又經常發炎,每星期要打針消腫,令他拍劇時相當辛苦,拍完該劇即入院做手術,也因為手術後要休息,失去《包青天再起風雲》一個重要角色,令他相當失落。據知情者透露:「嗰時佢啱啱同公司申請調離《都市閒情》冇耐,唔做主持,都係為咗可以有多啲機會拍劇,點知又因為身體出事,要做兩個手術,令佢接拍唔到《包青天再起風雲》一個幾重戲份嘅角色,佢覺得自己好唔爭氣,嗰時好唔開心,朋友不停安慰佢,佢先收拾心情再等機會,好彩皇天不負有心人,佢之後有機會演出《好日子》及《 C9特工》,令佢明白人嘅際遇,有失亦會有得,最緊要先裝備好自己!」

Man爆身形得來不易,朱敏瀚每星期做Gym五日,另外會曬燈三日,成功練到手瓜起𦟌。
Man爆身形得來不易,朱敏瀚每星期做Gym五日,另外會曬燈三日,成功練到手瓜起𦟌。
17年因口水腺生石及扁桃腺發炎要做兩個手術,更因入院而失去拍攝《包青天再起風雲》機會,令他自覺孱仔冇運行,病癒後積極操fit,成功扭轉運勢,獲不少監製賞識。
17年因口水腺生石及扁桃腺發炎要做兩個手術,更因入院而失去拍攝《包青天再起風雲》機會,令他自覺孱仔冇運行,病癒後積極操fit,成功扭轉運勢,獲不少監製賞識。

操肌開竅成功上位 升呢做男三

不過其後接拍《 C9特工》,朱敏瀚劇中飾演馬明細佬,始終未能打破做主角細佬宿命,直至18年接拍劇集《機場特警》,朱敏瀚終於開竅,努力操肌洗走孱仔形象,拓闊戲路。據知情人士透露:「喺無綫十年,Brian(朱敏瀚)接親都係啲唔起眼角色,始終冇自己嘅Character,佢好唔甘心,解唔開心結都成日搵朋友呻,咁啱接到《機場特警》呢套劇,因為要做機場特警組隊員,要拍攝好多特訓場面,一定要保持高體能,瘦弱身形更加冇說服力,於是佢花咗幾個月時間操肌,更加練到開竅,明白要打破自己外形局限,先可以爭取更多機會,好積極做 Gym,最初靠自己練,後來搵埋教練幫手,一星期做 Gym做足五日,嫌自己太白唔夠Man,仲去曬埋太陽燈。」

近日在新劇《機場特警》演特警組隊員的朱敏瀚,爆肌演出獲好評,原來他為演該劇,秘密狂操兼曬燈,練出六嚿腹肌即轉運。
近日在新劇《機場特警》演特警組隊員的朱敏瀚,爆肌演出獲好評,原來他為演該劇,秘密狂操兼曬燈,練出六嚿腹肌即轉運。

觀眾眼前一亮,無綫一班監製亦對朱敏瀚改觀,爆肌終於令他有運行,去年連拍四劇,當中《反黑路人甲》、《踩過界 II 》都有不少發揮機會,據朱敏瀚好友透露:「最初操肌係想拓展戲路,都係諗住博一博,健身之後,發現身體健康咗,拍劇捱更抵夜都唔會咁易病,而且真係多咗好多演出機會,好似喺《反黑路人甲》,佢已經升呢做男三,監製仲安排佢有打拳戲,繼續騷肌,發揮機會多咗,佢覺得自己揀啱咗路,依家都繼續 keep住做 Gym。」

擁有一身發達肌肉,朱敏瀚迅速有運行,去年連拍四套劇,分別是《反黑路人甲》、《法證先鋒IV》、《踩過界II》,以及已安排在六月播出的《迷惘》。
擁有一身發達肌肉,朱敏瀚迅速有運行,去年連拍四套劇,分別是《反黑路人甲》、《法證先鋒IV》、《踩過界II》,以及已安排在六月播出的《迷惘》。

自小混血女生相 簡淑兒叫轉性

生得青靚白淨的朱敏翰,原來細個時候就生得一副混血女仔樣。早前Bryan 更在IG po出自己小時候的相,笑言自己應該去選港姐。老友張振朗和簡淑兒紛紛留言,叫Bryan現在去選港姐、可以轉性。