52歲江欣燕《十八年後》同黃智雯似姊妹 曾晚晚夜蒲離婚後重回正軌
廣告
無綫劇集《 十八年後的終極告白 》自播出以來反應熱烈,劇情懸疑錯綜複雜,成功吸引大批觀眾追看。除7子疑兇成焦點外,劇中多個角色人物亦好搶鏡,其中一個就係飾演黃智雯阿媽嘅江欣燕!
撰文、圖片:東方新地
江欣燕《十八年後》同黃智雯似姊妹
現年52歲嘅江欣燕一向保養得宜,無論樣貌同身材都 keep 得好好,雖然佢喺劇中造型上都有花心思去扮熟婦,但拍埋黃智雯的確似兩姊妹多過母女,江欣燕坦言當初都有擔心過:「 出到嚟係好似兩姊妹,惟有用演技搭夠!不過計番真實年齡其實我都真係生得到佢,如果我18歲生嘅話!」唔係喎,黃智雯都37歲啦,除非江欣燕15歲未成年懷孕啫,喺合法情況下,點計都生唔出囉!
