湯怡獲葉念琛欽點演新一代阿寶 形象健康獲封「 絕世好女友 」

娛聞

廣告

近日喺無綫劇集《 反黑路人甲 》中突圍而出,演出獲一致好評,清純眼鏡造型被網民推舉為娛樂圈「 最強眼鏡妹 」嘅湯怡 (Kathy),更因形象健康,私底下又熱愛運動及懂下廚,力壓李佳芯、唐詩詠等視后獲封為「 絕世好女友 」!

撰文、圖片:東方新地

湯怡獲葉念琛欽點演新一代阿寶

其實,早喺《 反黑路人甲 》播出之前,獨具慧眼嘅葉念琛導演,已欽點湯怡成為新一代阿寶,擔正英皇電影新片《 盲女驚魂 》。葉導演表示早於2012年已曾邀 Kathy 合作《 天生愛情狂 》,之後一直有留意對方:「 近年湯怡戲路漸闊,演技不斷有進步,我一直想同佢再度合作,到《 盲女驚魂 》終於有機會實現。」葉導演早已聽聞 Kathy 喺《 反黑路人甲 》中角色討好:「 近幾年我同一班男性朋友提起湯怡,大家都會將佢封為女神!當一個演員去到某個階段,累積一定程度嘅好感、觀眾緣,遇上一個好角色,就能夠發光發亮!」

 人氣急升嘅湯怡於《 盲女驚魂 》嘅演出備受注目,葉導演笑言:「 既然大家都覺得佢係女神級代表,嚟緊喺新戲入面,無論演技同角色設計,都會帶來一個意想不到、從未見過嘅湯怡!」
人氣急升嘅湯怡於《 盲女驚魂 》嘅演出備受注目,葉導演笑言:「 既
然大家都覺得佢係女神級代表,嚟緊喺新戲入面,無論演技同角色設
計,都會帶來一個意想不到、從未見過嘅湯怡!」
 獲葉念琛導演欽點成為新一代阿寶,湯怡擔正英皇電影新片《盲女驚魂》,拍住孫慧雪同何珮瑜兩位靚女合作。
獲葉念琛導演欽點成為新一代阿寶,湯怡擔正英皇電影新片《盲女驚魂》,拍住孫慧雪同何珮瑜兩位靚女合作。

湯怡獲葉念琛欽點演新一代阿寶  形象健康獲封「 絕世好女友 」

恨演性格反差較大角色

獲葉導演欽點為新一代阿寶,湯怡感到萬分榮幸,並開玩笑道:「 我細細個就睇葉導演嘅電影長大,佢搵我演新一代阿寶,當然好開心,期望導演可以為我設計一個從未演過嘅角色,尤其一啲同我本身性格反差較大嘅,好似《 宮心計 》劇中狠毒嘅奸角,又或者硬橋硬馬嘅打女。」

Kathy 喺《 反黑路人甲 》輕露香肩同美腿成為話題,來到新片《 盲女驚魂 》,會否有更大突破呢?Kathy 表示:「 我覺得演員要突破嘅話,就一定要接受不同挑戰!好似今次喺《 反黑路人甲 》中除咗有床上戲外,我仲要被吊喺27樓高嘅欄杆外,雖然可以用替身,但我覺得親身上陣效果一定更好,其實我都好硬淨㗎!」湯怡演技大爆發,榮升為新一代阿寶,大家要拭目以待啦!

 近日喺無綫劇集《 反黑路人甲 》中嘅演出備受讚賞,清純眼鏡造型更得民心,睇得又演得嘅湯怡旋即獲網民封為女神!
近日喺無綫劇集《 反黑路人甲 》中嘅演出備受讚賞,清純眼鏡造型更
得民心,睇得又演得嘅湯怡旋即獲網民封為女神!
 《反黑路人甲》中演技大爆發,表演令人眼前一亮。
《反黑路人甲》中演技大爆發,表演令人眼前一亮。

讀者留言