33歲湯洛雯從唐姨陷阱搶灘救馬國明 馬母親自回應對未來新抱印象

娛聞

廣告

緣份降臨擋也擋不住, 46歲無綫鑽石筍盤馬國明,去年被前度黃心穎背叛情傷甩拖,兜兜轉轉原來同心穎閨密湯洛雯先係一對,日前拍拖斷正即有默契公開戀情,同步晒出獨角獸翹實小馬情侶公仔大方認愛,愛得甜蜜癡纏!原來兩人已暗撻四個月,更認定對方為結婚對象!不過筍盤馬明好搶手,甩拖一年便被契妹唐詩詠吼到實,更當正馬明係兵隨傳隨到,又搵一班「鐵馬兄弟」撥行大葵扇撮合,一心以為食硬馬肉,令坐正做馬明女友的33歲湯洛雯,為宣示主權高調搶灘救愛郎,而箍契哥失敗的唐詩詠,連送祝福都唔多情願,被問覺得靚湯啱唔啱馬明時,更酸溜溜表示:「我有乜所謂,最緊要佢同佢阿媽鍾意!」果然吃不到的葡萄是酸的!

撰文、圖片:東方新地

馬國明、湯洛雯高調認愛 緣份早注定

愛情魔力果然能將人完全改造,以往經常被指「天然呆」的馬國明,戀上無綫上位小花湯洛雯,即時變「浪漫情人」,同黃心穎甩拖十四個月,日前驚爆馬國明上湯洛雯紅磡寓所共聚四小時,之後兩人一齊落樓去商場手機舖買嘢,沐浴愛河連打扮都襯到絕,更全程默契十足,被問戀情,馬明更Man爆護花表示等適當時候回應。不過轉個頭,兩人已於凌晨同步在社交網po出獨角獸挽住小馬的情侶公仔認愛放閃, Sweet爆表現獲全城祝福。

在 IG認愛後,兩人有默契地公開回應戀情,馬明大讚女友性格簡單貼地,而靚湯更直認同馬明一齊,自己變小女人,坦言乜都交畀男友話事!「天然呆」馬明,近日表現的確Man爆!
在 IG認愛後,兩人有默契地公開回應戀情,馬明大讚女友性格簡單貼地,而靚湯更直認同馬明一齊,自己變小女人,坦言乜都交畀男友話事!「天然呆」馬明,近日表現的確Man爆!
上周五 (6月12日),馬明上湯洛雯寓所被傳媒斷正,二人隨即在13日凌晨於個人社交網,同步po出獨角獸翹住小馬的情侶公仔公布戀情。而這隻小馬公仔更是靚湯的珍藏。
上周五 (6月12日),馬明上湯洛雯寓所被傳媒斷正,二人隨即在13日凌晨於個人社交網,同步po出獨角獸翹住小馬的情侶公仔公布戀情。而這隻小馬公仔更是靚湯的珍藏。
早在16年,馬明同湯洛雯合作劇集《心理追兇》,靚湯在劇中演馬明死去的女友,
早在16年,馬明同湯洛雯合作劇集《心理追兇》,靚湯在劇中演馬明死去的女友,
兩人劇中不乏咀戲,當時靚湯受訪便曾表示,馬明是她入行以來咀得最多的演員,原來二人愛火早在不知不覺中埋下伏線。
兩人劇中不乏咀戲,當時靚湯受訪便曾表示,馬明是她入行以來咀得最多的演員,原來二人愛火早在不知不覺中埋下伏線。

馬湯戀感情一日千里,可以話是對的時間遇上對的人,出身富裕家庭的湯洛雯,身邊不乏富二代追求,遇上敦厚踏實,又會痛錫女友兼照顧周到的馬明,自然特別有安全感!而同樣地,曾經戀港女黃心穎的馬國明,遇上甜美爽朗,最重要是會視自己如珠如寶的女友,難免特別著迷,呢碗清泉靚湯自然特別好味!其實兩人早於2016年已經合作電視劇《心理追兇》扮演情侶,更巧合是,馬明近日在《降魔的2.0》飾演的小馬,前世正是羅天宇飾演的「降魔人天宇」,亦即是靚湯的前度男友,而女方又在「安心事件」後取代黃心穎在《法證先鋒IV》的角色,淵源之深不禁令人相信二人緣份早注定!

湯洛雯頂替黃心穎拍《法證先鋒 IV》,今日更坐正做埋馬明女友。
湯洛雯頂替黃心穎拍《法證先鋒 IV》,今日更坐正做埋馬明女友。

二人熟絡全因黃心穎 靚湯清純撩法攻陷馬明

單身了一年的馬明,同靚湯其實已暗撻四個月。據知情者透露:「雖然佢哋一齊拍過劇,亦都咀晒,但嗰時佢哋各有所屬,完全唔過電,而佢兩個熟絡其實都係因為心穎, 靚湯同心穎都喺12年參選港姐,之後兩個就好friend,有時一齊聚會,馬明都會喺度!上年馬明被背叛傷心甩拖,靚湯都有以朋友式問候男方,呢份窩心關懷,令馬明好深印象,到近月佢兩個喺電視城一齊有劇開,成日都會碰到,開始多咗傾偈,馬明對靚湯印象好好,靚湯亦覺得搵啱真命天子,仲主動出擊晚晚撩馬明傾電話,兩個愈傾愈啱feel,好快就有過電感覺!」

"識得體貼長輩的湯洛雯,得未來奶奶大讚夠爽朗!而靚湯日前受訪時也自爆已多次拜候<br

蕭正楠恭賀老友之 餘,仲叫馬明「嗱 嗱臨」拉埋佢,幫 大家向馬明催婚!
蕭正楠恭賀老友之 餘,仲叫馬明「嗱 嗱臨」拉埋佢,幫 大家向馬明催婚!
三十幾度高溫出外景,有愛情滋潤的馬國明如沐春風,完全唔覺辛苦。
三十幾度高溫出外景,有愛情滋潤的馬國明如沐春風,完全唔覺辛苦。

愛火極速升溫,兩人拍拖不久已經互見家長,更認定對方是結婚對象,天然呆馬明,平日性格怕羞內斂,遇上真愛原來也可以變冧女高手,近日在電視城開工,兩人經常撇甩各自劇組同事,到canteen撐枱腳,正與馬明一起拍《 BB大晒》的吳岱融,就大爆早知情,更笑言多次目擊二人飯敍,不過通氣唔出聲,認真鬼馬!網零互動。」不過,當被問到覺得靚湯適唔適合契哥,就明顯有啲酸溜溜:「我有乜所謂!最緊要佢同佢阿媽鍾意!」

鐵馬家族成員,農曆年齊聚鄭嘉穎家中團拜,據知一班「鐵馬兄弟」,更撥行大葵扇想撮合馬明、唐詩詠,不過馬明始終懸崖勒馬!
鐵馬家族成員,農曆年齊聚鄭嘉穎家中團拜,據知一班「鐵馬兄弟」,更撥行大葵扇想撮合馬明、唐詩詠,不過馬明始終懸崖勒馬!
今年五月39歲生日的唐詩詠,早前有「鐵馬」三哥黃嘉樂和四哥林子善為她補祝生日,當時已同靚湯蜜運的馬明、以及老婆再陀B的鄭嘉穎都冇影!
今年五月39歲生日的唐詩詠,早前有「鐵馬」三哥黃嘉樂和四哥林子善為她補祝生日,當時已同靚湯蜜運的馬明、以及老婆再陀B的鄭嘉穎都冇影!
馬明公布戀情,身為契妹的唐詩詠,未有留言祝賀,更連畀 Like都吝嗇,卻在翌日晨早 po出佛偈圖,內容是:「自己是自己最大的敵人,也是自己最大的守護者。」真係好感性喎!
馬明公布戀情,身為契妹的唐詩詠,未有留言祝賀,更連畀 Like都吝嗇,卻在翌日晨早 po出佛偈圖,內容是:「自己是自己最大的敵人,也是自己最大的守護者。」真係好感性喎!
閨密黃翠如在唐詩詠 IG亦感性留言,「呢幾日不停 咁 俾 人 整 喊 …… 你呀!」講到咁玄,真係要大家估吓!
閨密黃翠如在唐詩詠 IG亦感性留言,「呢幾日不停 咁 俾 人 整 喊 …… 你呀!」講到咁玄,真係要大家估吓!

原來自馬明得視帝升呢,唐詩詠亦對人氣愈來愈旺的馬明另眼相看,經常主動埋身。據知情者透露:「以前詩詠根本對馬明睇唔上眼,一路只當佢係兵,有乜需要就搵契哥幫手,馬明好錫契妹,亦好樂意幫忙,不過近呢半年,馬明人氣愈嚟愈旺,詩詠亦吼實呢個筍盤,一班『鐵馬兄弟』都好想撮合佢哋,成日會約埋聚會,年初詩詠同陳思銘冷戰,女方仲成日約馬明傾心事。一班兄弟一路以為佢哋有機會發展,所以突然爆出馬明戀靚湯,大家都好突然!以為自己食硬契哥嘅詩詠,當然唔敢相信啦!」今年二月本刊便曾拍到唐詩詠頻密約馬明,連買貓抓板都搵契哥陪,又借馬明Benz座駕代步。

男友陳思銘被爆花弗多女埋身,39歲唐詩詠亦識揀,半年前已轉軚對升呢做了視帝的馬明吼到實,今年二月,兩度被本刊斷正約會馬明,不單搵契哥陪她去買貓抓板,更借埋馬明的Benz座駕出入。
男友陳思銘被爆花弗多女埋身,39歲唐詩詠亦識揀,半年前已轉軚對升呢做了視帝的馬明吼到實,今年二月,兩度被本刊斷正約會馬明,不單搵契哥陪她去買貓抓板,更借埋馬明的Benz座駕出入。

大讚馬明五大優點

呢邊蘇州過後無艇搭,另一邊贏家靚湯便春風滿面,公開大數男友有五大優點,指他冷靜、善良、孝順、成熟、穩重,完全是無懈可擊類型,靚湯還表明心跡,認定馬明是一生一世對象,入行七年多,前所未有如此高調宣示主權的她,此舉正是為男友隔絕飛來蜢埋身。靚湯父母亦對兩人戀情開綠燈,靚湯爸湯鎮宗日前出席活動,便表示對未來女婿相當滿意,大讚他斯文有禮,為人踏實,並為他們送上祝福,而靚湯媽更給馬明100分,更揚言好放心將個女交託給他。而出名孝順的馬明,受訪時直認媽咪好鍾意靚湯,又大讚女友簡單貼地:「熟佢嘅人,都知佢食碗魚蛋粉都好開心!佢要求好簡單,呢方面同我好似!」夾到咁,又得雙方家長開綠燈,自認唔細的馬明閃娶唔係冇可能!

日前湯鎮宗與太太出席姪仔的新店開張,對未來女婿馬明便讚不絕口,湯太亦給準女婿100分!
日前湯鎮宗與太太出席姪仔的新店開張,對未來女婿馬明便讚不絕口,湯太亦給準女婿100分!

馬母笑談未來新抱:鍾意佢夠爽直!

記:本刊記者
馬:馬母

記:馬明公布戀情,開唔開心啊?鍾唔鍾意?
馬:開心!鍾意!
記:對湯洛雯印象點呀?
馬:幾靚女,個人幾爽!
記:馬明有冇帶佢返嚟見你?
馬:有,佢個人幾爽!啱啱佢嚟到,我喺廚房,佢仲走嚟,問Auntie,有冇嘢要幫手呀!
記:馬明早兩日都上女友屋企見家長呢?
馬:唔知呀!佢冇講畀我聽!
記:想唔想佢快啲結婚?
馬:佢咁大個仔,佢話事!
記:有冇睇過湯洛雯做戲呀?
馬:有,好似係頂咗唔知邊個嘅角色!
記:有算命師傅批馬明出年會結婚,你心唔心急?
馬:佢結婚咪結婚囉!佢都咁大個仔,自己話事啦!

記:想唔想快啲抱孫?
馬:呢啲日後先講啦!

被黃心穎背叛後又險墮唐姨陷阱 33歲湯洛雯搶灘救馬國明

馬明曾經講過,婚後一定會與阿媽同住,女友湯洛雯咁識體貼老人家,連馬媽媽都讚她爽朗,仲話結婚一事交番畀個仔決定,呢杯新抱茶睇怕不遠矣!
馬明曾經講過,婚後一定會與阿媽同住,女友湯洛雯咁識體貼老人家,連馬媽媽都讚她爽朗,仲話結婚一事交番畀個仔決定,呢杯新抱茶睇怕不遠矣!