王浩信套套劇傳緋聞、張致恆腳踏起碼五船!盤點偷食男星兼背後大器女人

娛聞

廣告

有謂「男人不壞,女人不愛」,此言非虛,好似近日前商台DJ細So偷食人妻,醜聞愈挖愈臭,佢老婆唔單止冇離開佢,仲選擇原諒佢㖭!唔止細So好彩有個大方老婆,其實圈中仲有一班曾經行差踏錯、自稱壞咗嘅男星,無論做到幾錯,最終都能夠獲得老婆大人原諒,希望佢哋真係知錯能改,回頭是岸!

撰文、圖片:東方新地

許志安、Sammi:成功修理「壞咗嘅老公」

去年四月,的士監視器片段流出,人夫許志安被影到在的士上被當時馬國明女友黃心穎又擒又啜,疑似齊齊返黃心穎鯉魚門香閨,一夜之間偷食男女事業宣告玩完,亦連累雙方另一半。鄭秀文翌日在社交平台發長文回應事件:「婚姻當中除了彼此給予的幸福溫暖,當中也深深包含了彼此的錯誤和彼此的原諒。」Sammi最終選擇原諒了安仔!

王浩信套套劇傳緋聞、張致恆腳踏起碼五船!盤點偷食男星兼背後大器女人

當日開記招承認自己係「壞咗嘅人」,潛水將近十四個月,許志安復出錄影ViuTV音樂節目,而黃心穎亦從美國避世多月回港後繼續冇工開。
當日開記招承認自己係「壞咗嘅人」,潛水將近十四個月,許志安復出錄影ViuTV音樂節目,而黃心穎亦從美國避世多月回港後繼續冇工開。
經歷巨變,Sammi 不但有情,事件亦處理得體,相隔三個月更如期舉行一連十三場演唱會,表現空前絕後真正大將之風。
經歷巨變,Sammi 不但有情,事件亦處理得體,相隔三個月更如期舉行一連十三場演唱會,表現空前絕後真正大將之風。

林文龍、郭可盈:神秘錄音爆林文龍搭上內地女星

林文龍與郭可盈拍拖九年、結婚十六年,無論婚前定婚後傳出緋聞,郭可盈態度都係企喺老公一邊支持到底。 最經典一役係09年流出神秘錄音,電話中出現疑似林文龍、疑似郭可盈和疑似可盈內地經理人汪子琦的聲音,疑似文龍更在對話中承認搭上25歲內地女星董維嘉。事後兩公婆齊齊手拖手開記招,可盈不提婚變傳聞,只表示已正式就聲帶向內地及香港警方備案。

雖然一直係無綫當家小生,不過名氣、身家都不如太太,郭可盈同林文龍拍拖至結婚一直屢傳婚變,林文龍亦曾有過不少緋聞。
雖然一直係無綫當家小生,不過名氣、身家都不如太太,郭可盈同林文龍拍拖至結婚一直屢傳婚變,林文龍亦曾有過不少緋聞。
09年神秘錄音爆大鑊,郭可盈繼續撐老公,反而把槍頭對準疑似外洩聲帶的前內地經理人汪子琦,又報警又開記招。
09年神秘錄音爆大鑊,郭可盈繼續撐老公,反而把槍頭對準疑似外洩聲帶的前內地經理人汪子琦,又報警又開記招。
當年林文龍被指因拍攝內地電視劇《朝九晚五》時, 搭上內地女主持兼女星董維嘉。
當年林文龍被指因拍攝內地電視劇《朝九晚五》時, 搭上內地女主持兼女星董維嘉。

彭順、李心潔:彭順偷嗒𡃁模李悅彤

02年拍完經典鬼片《 見鬼 》,導演之一嘅彭順撻著當年紅到一個點嘅李心
潔,10年二人成婚,李心潔仲幫手湊埋彭順與前妻所生嘅9歲女兒,卻換來14年彭順偷嗒𡃁模李悅彤,更斷正被影到在圓方邊啜邊行街睇戲。事後兩夫妻共同發表聲明,表示會共同面對對錯、痛苦、過去與未來。其後彭順修心養性,李心潔則於16年為彭順誕下孖仔。

王浩信套套劇傳緋聞、張致恆腳踏起碼五船!盤點偷食男星兼背後大器女人

當年回應說「 十二年感情不是三言兩語可以說清楚 」及「 讓時間告訴我們答案 」,六年過去,兩夫妻風平浪靜,再不見彭順拈花惹草。
當年回應說「 十二年感情不是三言兩語可以說清楚 」及「 讓時間告訴我們答案 」,六年過去,兩夫妻風平浪靜,再不見彭順拈花惹草。
小三𡃁模李悅彤現已退隱江湖,成為人妻人母專心相夫教子。
小三𡃁模李悅彤現已退隱江湖,成為人妻人母專心相夫教子。

陳浩民、馬德鐘:借醉擒啜摷年僅十九歲嘅新人

11年11月,陳嘉桓在橫店拍攝王晶電影《 笑功震武林 》期間,與同劇演員到燒烤店食串燒。同場陳浩民、馬德鐘借醉又攬又錫又摷胸全程被本刊捕捉無遺,事後馬德鐘否認輕薄後輩獲初戀女友兼妻子張筱蘭繼續支持,陳浩民則帶埋大肚太太蔣麗莎開記招公開道歉。九年過去,兩對夫妻持續放閃,完全無視當年軼事。

11年年過四十嘅陳浩民同馬德鐘,借醉擒啜摷合作拍戲當年年僅十九歲嘅新人陳嘉桓,狼相盡現。
11年年過四十嘅陳浩民同馬德鐘,借醉擒啜摷合作拍戲當年年僅十九歲嘅新人陳嘉桓,狼相盡現。
全程有相為證,不過馬德鐘否認非禮、陳浩民則辯稱純屬好客。
全程有相為證,不過馬德鐘否認非禮、陳浩民則辯稱純屬好客。
當年太太蔣麗莎大住肚陪開道歉記招,如今二人已經生咗四個仔女。
當年太太蔣麗莎大住肚陪開道歉記招,如今二人已經生咗四個仔女。
87年相戀93年結婚,馬德鐘多年來緋聞不絕,11年啜後輩斷正,不過太太張筱蘭視而不見繼續配合打造恩愛夫妻形象。
87年相戀93年結婚,馬德鐘多年來緋聞不絕,11年啜後輩斷正,不過太太張筱蘭視而不見繼續配合打造恩愛夫妻形象。

倪震、周慧敏:分手後閃電復合兼結婚

愛情長跑分分合合,與玉女掌門人周慧敏相戀將近二十年,倪震於08年喺蘭桂坊夜蒲「 孔雀開屏 」濕吻21歲城大女生張茆,二人感情真正遇上考驗。事後倪震引咎分手,周慧敏卻發聲明,指只有佢一個人有資格去定論倪震嘅對錯,之後事件峰迴路轉,分手後閃電復合,更召埋律師上門在家中正式行禮結為夫妻。

當年搞到倪震名譽掃地,城大女生張茆亦因此一夜成名,近年索性利用名氣成為網紅級媽媽。
當年搞到倪震名譽掃地,城大女生張茆亦因此一夜成名,近年索性利用名氣成為網紅級媽媽。
城大女生張茆
城大女生張茆
89年邂逅愛得轟烈,周慧敏與倪震呢對才子佳人卻經歷分分合合糾纏20年,最終因為08年男方出軌斷正反而結成夫妻。
89年邂逅愛得轟烈,周慧敏與倪震呢對才子佳人卻經歷分分合合糾纏20年,最終因為08年男方出軌斷正反而結成夫妻。

王浩信、陳自瑤:老婆大肚老公帶𡃁模上樓

陪在王浩信身邊從二、三線大茄捱到做男主角甚至上位做埋視帝,老婆陳自瑤換來嘅係老公套套劇傳緋聞,江嘉敏、黃心穎、蔡思貝、莊思明以外,時間點最離譜最斷正一次,係11年二人奉女成婚、YoYo 大住肚、11月行婚禮前夕,男方被發現多次帶𡃁模 Cammi(謝芷蕙)上樓。事後婚禮照舉行,陳自瑤表示嬲、不過罪過在於女方過分主動,選擇原諒王浩信。

當年婚期十一月,八月被傳媒影到王浩信出席蔚雨芯生日P後,夜蒲完驅車接同場Cammi(粉紅衣)回家,直至凌晨都未離開,事後Cammi接受傳媒訪問,自稱成晚傾偈飲嘢。
當年婚期十一月,八月被傳媒影到王浩信出席蔚雨芯生日P後,夜蒲完驅車接同場Cammi(粉紅衣)回家,直至凌晨都未離開,事後Cammi接受傳媒訪問,自稱成晚傾偈飲嘢。
婚前偷跳完,婚後亦不斷和不同女星傳緋聞,陳自瑤近年已經少有為丈夫護航,婚變一年傳幾次。
婚前偷跳完,婚後亦不斷和不同女星傳緋聞,陳自瑤近年已經少有為丈夫護航,婚變一年傳幾次。

張致恆:與粉絲奉子成婚、正印梁皓恩被分手

偷食成癮緋聞厚過電話簿嘅張致恆去年中失驚無神宣布雙喜臨門,表示將迎娶粉絲雯雯,並公開囝囝百日宴照片。不過隨即爆出正印梁皓恩(April)被分手,亦愈爆愈多疑似同時至少腳踏五船。不過雖然演藝事業玩完、對外誠信破產、養妻活兒經濟能力亦成疑,太太雯雯依然愛得堅定,今年六月更火速生埋第二胎。

去年七月宣布雙喜臨門迎娶粉絲雯雯,結果連埋被分手正印女友揭發Steven同時腳踏起碼五船。
去年七月宣布雙喜臨門迎娶粉絲雯雯,結果連埋被分手正印女友揭發Steven同時腳踏起碼五船。
形象插水事業玩完,難得雯雯不離不棄,兩年抱兩第二胎今年六月出世。
形象插水事業玩完,難得雯雯不離不棄,兩年抱兩第二胎今年六月出世。