feat_1167_14

52歲琦琦為家人嚴選健康食材 15歲囡囡高挑身型盡得媽媽真傳

娛聞

舊年7月華哥任達華出席內地活動時無辜遇襲受傷,被人一刀插入腰間即時被送入醫院,老婆琦琦嚇到鼻哥窿都冇肉,眠乾睡濕貼身照顧外,仲日日煲靚湯畀華哥補身,連華哥都話多得老婆悉心照顧,所以好快就痊癒最終大步檻過!

撰文:東方新地、圖片:東方新地/任晴佳IG

琦琦親自為家人嚴選健康食材

所以話,有咩幸福得過娶到個賢內助呢?日前八姨太就撞見琦琦孖助手出巡,親自到銅鑼灣超市買餸入貨。一向高人一等嘅琦琦身穿綠色長裙喺人群中鶴立雞群特別顯眼,就算戴咗黑超都一眼被認出!身為一家之「煮」,見佢全程主攻蔬菜瓜果,仲要逐件攞上手睇清睇楚,揀到最新鮮最靚嘅先放心擺上購物車。咪以為佢有助手跟身就翹埋雙手乜都唔做,琦琦落手落腳自己推購物車㗎,助手企喺身邊負責畀吓意見,呢啲咁好嘅老細去邊度搵?!

二人結婚23年以來一直恩愛如昔,係圈中數一數二嘅模範夫妻。
二人結婚23年以來一直恩愛如昔,係圈中數一數二嘅模範夫妻。
被老公任達華大讚有大廚水準嘅琦琦,呢日親自到銅鑼灣超市買餸,準備再大顯身手。
被老公任達華大讚有大廚水準嘅琦琦,呢日親自到銅鑼灣超市買餸,準備再大顯身手。
全程落手落腳自己推購物車,助手只係陪買畀吓意見。
全程落手落腳自己推購物車,助手只係陪買畀吓意見。
為咗老公同個女嘅健康,琦琦嚴選優質食材,主力揀選有機蔬菜、生果為主!
為咗老公同個女嘅健康,琦琦嚴選優質食材,主力揀選有機蔬菜、生果為主!
逛咗大概一粒鐘,聽完個電話就急急腳到收銀處畀錢走人,可能驚餓親老公。
逛咗大概一粒鐘,聽完個電話就急急腳到收銀處畀錢走人,可能驚餓親老公。
臨走見到八姨太,仲好nice咁笑笑口揮手打招呼。
臨走見到八姨太,仲好nice咁笑笑口揮手打招呼。

囡囡任晴佳擁43吋長腿 15歲殺入模界成品牌寵兒

諗起琦琦就自然會諗起佢15歲愛女任晴佳(Ella),雖然仲讀緊書,但一早已經俾唔少廣告商睇中,15歲就已經殺入模界,全因為佢遺傳到父母優良基因,唔單止長相甜美,而且擁有高挑身材,自然成為商家寵兒。早前就為一個品牌拍攝硬照,見慣大場面嘅佢毫不怯場,順利完成!

囡囡任晴佳愈大愈靚女,而且遺傳咗媽媽嘅長腿,年僅15歲身高已達170cm,絕對有條件繼承媽媽嘅衣缽,成為新一代名模﹗
囡囡任晴佳愈大愈靚女,而且遺傳咗媽媽嘅長腿,年僅15歲身高已達170cm,絕對有條件繼承媽媽嘅衣缽,成為新一代名模﹗

52歲琦琦為家人嚴選健康食材  15歲囡囡高挑身型盡得媽媽真傳

52歲琦琦為家人嚴選健康食材  15歲囡囡高挑身型盡得媽媽真傳

52歲琦琦為家人嚴選健康食材  15歲囡囡高挑身型盡得媽媽真傳

52歲琦琦為家人嚴選健康食材  15歲囡囡高挑身型盡得媽媽真傳

52歲琦琦為家人嚴選健康食材  15歲囡囡高挑身型盡得媽媽真傳

讀者留言