【白色強人】馮盈盈懶音多遭狠批 網民：簡直係懶音界KOL！
撰文：東方新地 圖片：劇照、《白色強人》預告片截圖
《白色強人》馮盈盈玩三角戀
d
在《白色強人》主演嘅女演員包括李佳芯、唐詩詠、張曦雯、馮盈盈、朱智賢等，咁多靚女花旦及小花參演，唔打得都睇得！當中，馮盈盈和何廣沛合作飾演一對情侶，二人仲會同吳沚默大玩三角關係㖭！
馮盈盈：同何廣沛4唇疊埋
而昨晚播出的一集，何廣沛因為見到個10歲小男生要截肢，令他甚為難過，暗戀他多時的馮盈盈上前安慰，更主動送出一吻示愛，今次係盈盈獻出熒幕初吻給拍檔何廣沛，佢話之前喺《果欄中的江湖大嫂》只是借位，「無花無假，4塊嘴唇疊埋一齊。記得拍攝時好凍，廣沛揸咗好多潤唇膏。」
嚇親寶寶系列
而昨晚播出後，盈盈不怕男友呷醋，放咗一張她和男友及何廣沛的合照，仲寫住：「鍾醫生陪方醫生睇方醫生錫潘醫生
咁方醫生係咪要錫返鍾醫生? 唔知我寫緊咩? 睇今晚白色強人就會知道」
網民批評懶音問題嚴重
不過其實自劇集播出後，唔少網民都話FYY懶音問題好嚴重，加上唸對白的速度很快，令觀眾聽得辛苦；至於演技方面網民有讚有彈！所以話，觀眾眼睛係雪亮，得個樣係唔夠，仲要演技方面搭夠㗎！
FYY懶音關條脷事？！
而其實早喺去年年尾馮盈盈上《美女廚房》時被戲劇大師詹瑞文取笑佢勁多懶音，一度網民熱議。今年4月，FYY有份主持嘅無綫節目《#後生仔傾吓偈》請咗懶音特警羅山先生做嘉賓，閒談期間佢不斷糾正FYY嘅發音，之後更讀出繞口令「我今日下午兩點五，喺香港北角恒生銀行大堂等你，然後去食牛排」，再被羅山先生糾正，又指出佢嘅懶音問題係出自條脷嗰度！
踢走懶音全靠一個方法
FYY一直自知有懶音問題，早前宣傳《白色強人》時佢透露剝咗兩顆智慧齒，笑說剝牙可改善懶音，又話：「網民留意到早前的預告片，我一句『你講唔講』話有懶音，又捉到我錯處，證明大家好關注我，我會首播開Live重讀100次，努力改正、面對錯誤。」的確佢趁劇集首播，開live講這句對白100次，直到咬字正確為止。
馮盈盈 去年台慶首奪獎
2016年港姐冠軍馮盈盈喺《後生仔傾吓偈》言論夠晒出位，被封為「性博士」，深受網民歡迎；另外首次參演《果欄中的江湖大嫂》已經非常突出，「小狼女」一角夠晒入屋，所以喺《萬千星輝頒獎典禮2018》中佢勇奪「飛躍進步女藝員」。而佢演出的劇集次數甚少，應該有更多進步的空間！
