民間特首周潤發、梁朝偉愈活愈後生 盤點11位娛樂圈不老型男

娛聞

廣告

娛樂圈中美魔女、不老女神好幾個,其實男神們又何嘗唔係食咗防腐劑一樣唔止冇老過,仲愈老愈有型愈有味道?以下幾位男星個個由細睇到大,當我們畢業了、工作了、結婚了、生子了自認老了,點解佢哋仲係同做仔時一樣冇走過樣?

撰文、圖片:東方新地

劉德華59歲

男神首位,不得不提九月至過了最後一個五字頭生日嘅劉德華。一向出名愛錫歌迷、年年都選擇同歌迷同賀牛一,呢一年雖然有疫情肆虐,華仔都貼心敷埋 mask、化埋妝、隆重其事唱歌吹蠟燭online同歌迷一齊慶祝。係呀,59歲仲係皮光肉滑身材標準,有乜理由唔係「 華仔 」?

民間特首周潤發、梁朝偉愈活愈後生   盤點11位娛樂圈不老型男

梁朝偉58歲

入行38年,藝訓班畢業第一年就做《 香城浪子 》男主角,再從電視圈跳到電影圈紅到今時今日飛去荷李活拍 Marvel 電影《 上氣 》。雖則早前被路人捕獲被指髮線上移敵不過歲月,實情近年減產愛上滑板滑浪帆船滑雪和各類運動,朝偉係愈活愈後生愈隨意至真!

民間特首周潤發、梁朝偉愈活愈後生   盤點11位娛樂圈不老型男

吳鎮宇58歲

歷屆帶埋兒女參與錄影《 爸爸去哪兒 》港台明星,吳鎮宇應該係最年長一個,46歲做爸爸、52歲帶埋囝囝 Feynman上節目兩父子在全國爆紅,Feynman12歲,鎮宇都已經58歲。不過論外形、論保養、論活躍度,點睇都唔似就快登六,仲愈老愈型愈有性格。

民間特首周潤發、梁朝偉愈活愈後生   盤點11位娛樂圈不老型男

吳啟華56歲

創造過《 壹號皇庭 V 》徐偉傑同《 妙手仁心 》程至美等等經典角色,吳啟華經歷過兩段失敗婚姻,近年長駐內地努力經商搵錢養起女兒(11歲吳熙兒)同供養前妻石洋子全家,外形依然仲 keep到,一啲都唔似56歲。

民間特首周潤發、梁朝偉愈活愈後生   盤點11位娛樂圈不老型男

方中信57歲

眨吓眼,方中信同莫可欣嘅獨女符迦晴都已經12歲大,不過57歲方中信橫睇掂睇同80年代入行時個樣幾乎冇分別。反而愈活愈有男人味、愈來愈有態度識享受人生,近年除咗拍戲養家,仲多咗個副業做賽車手。

民間特首周潤發、梁朝偉愈活愈後生   盤點11位娛樂圈不老型男

張耀揚57歲

那些年的「 烏鴉 」張耀揚14年在北京因涉嫌吸毒及藏有大麻被捕,從此以後生活低調、開始茹素,去年又聯同好友莫少聰深入山區探訪派錢派物資。最近一次露面係現身內地品牌活動,一頭白髮一支雪茄,57歲型格至個人巔峰。

民間特首周潤發、梁朝偉愈活愈後生   盤點11位娛樂圈不老型男

杜德偉58歲

50歲時娶回年紀只有一半的嬌妻、54歲老來得子生下兒子 AJ,如今的老婆奴兼慈父杜德偉雖然已經58歲,依然有氣有力陪囝囝上山下海仲周圍飛為頭家奔波,實情就嚟六字頭,型佬樣同三字頭時分別不大。

民間特首周潤發、梁朝偉愈活愈後生   盤點11位娛樂圈不老型男

黃子華60歲

九十年代開始搞棟篤笑並因此成名,有多少人係睇子華神棟篤笑同電視劇長大?一啲都冇誇張,原來三十年過去,子華都已經滿60歲,幾多忠實粉絲都已經成家立室一把年紀,反而子華神髮型身材外貌幾乎冇變過。

民間特首周潤發、梁朝偉愈活愈後生   盤點11位娛樂圈不老型男

苗僑偉62歲

後生靚仔、近年就變型佬,62歲苗僑偉愈老愈有型愈有味道大家都冇異議。最誇張係三哥27歲仔苗俊最近由幕後走到幕前拍攝內褲廣告,雖然又fit 又靚仔,網民都係一致表態:「 想睇三哥多啲!」

民間特首周潤發、梁朝偉愈活愈後生   盤點11位娛樂圈不老型男

任達華65歲

結婚21年,囡囡任晴佳剛踏入16歲大,1.8米好身材仲有一對大長腿,大有機會繼承超模媽媽琦琦衣缽,不過已經年屆65歲的任達華依然型佬 fit 到漏,仲活力充沛繼續拍唔停,剛剛更憑《 澳門人家 》獲得金鷹獎最佳男演員。

民間特首周潤發、梁朝偉愈活愈後生   盤點11位娛樂圈不老型男

周潤發65歲

仲有民間特首周潤發發哥,紅足咁多年亦一早去過荷李活闖蕩過,近年再次以香港為根據地嘅發哥一向豁達、一向貼地、一向與世無爭,所以個樣都寬容啲親切啲,雖然已經65歲,不過完全睇唔出。

民間特首周潤發、梁朝偉愈活愈後生   盤點11位娛樂圈不老型男