秘密搬竇 孤伶曼玉避見家輝學友
情傷消瘦
曾經有過一段僅維持三年的中法婚姻，又被喻爲跟梁朝偉是最合襯一對，可惜多段感情始終未能開花結果，梁朝偉08年娶了劉嘉玲，現年56歲的張曼玉，至今仍孑然一身，對上一段戀情，已是五年前同小15歲中英混血樂手發展「忘年戀」，愛得投入的曼玉，更甘爲對方改變喜好，由影壇轉戰樂壇，可惜戀情維持不足一年就被對方狠撇，感情再落錯注，令曼玉情傷消瘦，更有傳一度飛澳洲散心！
驚現小西灣
回港後張曼玉亦愈變愈深閨，極少在公開場合現身，只曾在16年底爲謝霆鋒的《鋒味3》擔任嘉賓演出，是近年曝光最多一次，之後幾近消聲匿迹。大家都好掛住這位時尚女神，18年11月她終於現身上海出席品牌活動，卻突然蒼老又憔悴，臉上虎紋深現，連笑容都變僵硬，向來已夠纖瘦的她更形落寞老態盡現，令網民紛紛慨歎：「女神真的老了！」
轉戰樂壇
身兼柏林影后、康城影后、還有五屆金像影後及四屆金馬影后，影壇戰績彪炳的張曼玉，近年卻醉心音樂，有指是受樂手前度Adrian影響，14年沐浴愛河的她，high爆出席上海草莓音樂節演唱〈甜蜜蜜〉，即使被狠批唱功水皮，仍無損曼玉的音樂夢想，甩拖後繼續全情投入音樂創作並專注錄歌，早前就透露計劃推出EP碟，不過，只曾在15年發布過一首電影主題曲，出碟講足幾年都隻聞樓梯響，遲遲未見再有新作面世。
絕跡好友活動
唔通真系要閉關找靈感，早已深居簡出的她，近年更絕跡所有好友活動，就連好友阿B在港舉行兩場演唱會，老友梁家輝上埋台獻唱，一班圈中好友袁詠儀、張智霖、梁朝偉、杜德偉以及曾志偉統統到齊撐場，同阿B向來老友的張曼玉一樣唔現身。據知情者透露：「近年Maggie（張曼玉）收埋自己，鍾意留喺屋企，唔多願見人，佢嘅嗜好除咗玩音樂就係畫畫，其實身邊班好朋友成日都會搵佢，不過叫親佢出嚟，佢都話忙緊搞音樂創作，次次都搵藉口推，其實大家都好擔心佢，之前見到佢喺內地出席活動，又肯同大家分享近況，佢哋先至放心啲！」
搬竇避世
除了避見好友，張曼玉原來還秘密搬竇，搬離大班好友住在附近、居住多年的港島南灣寓所，更離奇搬入平民區小西灣的藍灣半島居住。據知情者透露：「搬離南灣，就係唔想撞口撞面成日見到熟人，又要打招呼又要講近況，其實佢搬走都冇乜同人講，只係屋企人先知！」
曾經活躍
即使一向性格深閨，不過慢熱的張曼玉，遇到熟人就會變開朗，退隱多年，同一班圈中好友亦保持聯系，直至近期，才忽然隱世收埋自己。
刻意走後門
怕被發現的張曼玉每次出街例必包到冚，鴨舌帽、黑超、口罩不離身，爲免被鄰居發現，她更向屋苑要求出街要走後門。據知情者透露：「佢唔想畀鄰居知道自己喺度住，同屋苑講明唔會喺前門出入，咁話晒Maggie系國際巨星，屋苑都好遷就佢，亦唔想有人騷擾到佢！所以咁耐以嚟，都專登開放後門架𨋢畀佢上落，所以佢住咗一排都冇住客知道，原來自己係同影后住埋同一座樓。」
街坊裝放狗
雖然隱居避世，不過張曼玉每星期都有幾日會落街放狗，同狗狗一齊擁抱大自然，似乎亦是她日常最愛活動。早前，張曼玉就一個人落公園放狗，繼續其一貫低調作風，戴帽戴口罩全身包到冚，放狗期間還不時兩頭望表現避忌，雖然冇人陪，不過她似乎同愛犬跑來跑去已經自得其樂，包得咁密實，身旁即使有其他人一齊放狗，亦未有人發現這位超級影后近在咫尺！
16年底，張曼玉應謝霆鋒邀請拍攝《鋒味3》，在節目中透露近況之餘，更剖白自己對人生的睇法，可以說是她近年曝光最多一次的節目！
感情三角
梁朝偉同張曼玉自84年合作《新紮師兄》開始傳绯聞，兩人先後合作過七部電影，感情關系撲朔迷離，加上梁朝偉身邊一直有個女友劉嘉玲，三角關係更是錯綜復雜，直至08年偉仔同嘉玲在不丹結婚，正式爲戀情畫上句號。
