群星拱照楊證樺沈可欣婚宴

Jun 17 2016

無綫「綠葉王」楊證樺與太太沈可欣去年8月結婚，終在昨日筵開28席補擺婚宴，兼同兒子楊宏志(Eugene)舉行百日宴，認真雙喜臨門！

二人於圈中人緣極佳，除搵來楊明擔任伴郎之外，多位紅星亦到場慶賀，有黎耀祥、唐詩詠、朱千雪、王浩信、袁偉豪、蔡思貝等，絕對群星拱照！

《純熟意外》同韓劇《十級重案》撞橋

楊證樺透露最近要開三部劇，所以婚禮細節由太太一手包辦：「辛苦太太，有晚見佢一路編排座位一路瞓，我就梗係要努力啲搵奶粉錢啦。」

楊證樺表示將跟太太影多一次婚紗相及補度蜜月作為獎勵！又即場向太太講愛的宣言：「老婆，I love U！在心中。」沈可欣冧爆錫老公一啖，並說：「多謝。」

問到何時結婚，隻身赴會的唐詩詠笑言：「開始要少啲參加婚宴喇！我唔會因為去得多婚宴而決定趕快結婚，不過都好戥佢哋高興，結婚之餘又生咗BB。而且我哋未開始有呢個諗法，依家嘅女仔好叻㗎喇，唔同以前一定要set幾多歲前要生小朋友，俾多啲時間做多啲自己想做嘅嘢。」

而伴郎楊明亦被追問何時娶莊思明，他表示：「每個人都行到呢一步，但未去到咁遠，最重要開心。」

關鍵詞