羅仲謙夫婦齊改名、李佳芯改完做視后!藝人改名轉運唔係個個成功

娛聞

廣告

16年結婚、今年四月誕下囡囡羅翊心,楊怡同羅仲謙呢一對上月26日同步出po宣布齊齊改名,楊怡變咗楊茜堯,羅仲謙則成為羅子溢。其實為咗入行有觀眾緣、為改運為健康都好,圈中大把明星藝人改名甚至一改再改,不過改完名後到底有冇紅咗?則人各有異。

撰文、圖片:東方新地

楊茜堯、羅子溢

改名唔算奇,楊怡同羅仲謙本來已經係一線小生花旦、出道多年一早走紅,亦都人人叫慣個名都照改,仲要兩公婆一齊改都算係娛樂圈第一對,二人話係經歷各種轉變為家人更好而決定。

羅仲謙夫婦齊改名、李佳芯改完做視后!藝人改名轉運唔係個個成功

李佳芯

原名李嘉馨,2012年Ali轉投無綫時順手改埋新名李佳芯。改名後話咁快加入戲劇組,仲坐穩一線花旦之列,不過Ali就解釋話係美術老師幫手改名,希望從此身體健康。入行

羅仲謙夫婦齊改名、李佳芯改完做視后!藝人改名轉運唔係個個成功

李施嬅

2015年將名字從李詩韻改為李施嬅,係為咗紀念逝世嘅嫲嫲,皆因由細到大嫲嫲向來叫慣施嬅喎,不過改完名李施嬅真係連事業都順風順水。

羅仲謙夫婦齊改名、李佳芯改完做視后!藝人改名轉運唔係個個成功

蕭正楠

蕭正楠原名蕭錦麟,名字係蕭爺爺改落希望孫仔好似魚兒一樣自由暢泳一生悠然。而02年做歌星入行,唱片公司就專門搵相士改名,有指因五行欠木,所以叫正楠。而今時今日嘅蕭正楠亦穩坐 TVB 一線小生之位,愈撈愈掂。

羅仲謙夫婦齊改名、李佳芯改完做視后!藝人改名轉運唔係個個成功

吳卓羲

原名叫吳兆棠嘅吳卓羲,據 知 係 因 為94年12月1日,喺公主道發生一宗三死兩傷嚴重交通意外中大難不死,及後改名轉運,之後事業愈見暢旺。

羅仲謙夫婦齊改名、李佳芯改完做視后!藝人改名轉運唔係個個成功

江若琳

入行15年,13年有傳曾因為同星煥一姐鍾嘉欣爭寵盛傳提早解約。今年五月,江若琳宣布以全新自己迎接簽約新公司,展開新一頁,改埋新名叫江伊晴。

羅仲謙夫婦齊改名、李佳芯改完做視后!藝人改名轉運唔係個個成功

楊明

原名林楊明,後改名林明樂,入行初期改藝名揚名,寓意揚名立萬,後來因為運氣欠佳改做楊明。依家終於上位做到男一,總算如願以償。

羅仲謙夫婦齊改名、李佳芯改完做視后!藝人改名轉運唔係個個成功

鍾欣潼

原名鍾狄珊,阿嬌兩歲時改名鍾嘉勵,01年改藝名鍾欣桐與阿 Sa組成Twins入行,迅即暴紅。13年再次宣布本名同藝名都改為鍾欣潼。

羅仲謙夫婦齊改名、李佳芯改完做視后!藝人改名轉運唔係個個成功

周勵淇

原名周麗琪,入行後改藝名為周麗淇後,事業順風順水,不過用足十七年嘅藝名亦於18年都宣布再改成周勵淇,取其「勉勵」之意,之後仲帶旺姻緣結埋婚。

羅仲謙夫婦齊改名、李佳芯改完做視后!藝人改名轉運唔係個個成功

王浩信

今時今日視帝王浩信嘅名響噹噹,其實做歌手出身、在新疆烏魯木齊市出世、童年至隨父母移居香港,王浩信原名其實叫王昊。

羅仲謙夫婦齊改名、李佳芯改完做視后!藝人改名轉運唔係個個成功

唐詩詠

入行拍廣告做model年代原名叫唐思盈,其後轉入影視幕前工作,據悉唐詩詠改名都係問過師傅意見,新名有助事業運又可以擋緋聞喎!

羅仲謙夫婦齊改名、李佳芯改完做視后!藝人改名轉運唔係個個成功

林峯

出生於廈門,林峯原名叫林匯文,其後改名做林逸峰,直至98年加入藝員訓練班前,改咗藝名叫林峯,演而優則唱,星途暢旺。

羅仲謙夫婦齊改名、李佳芯改完做視后!藝人改名轉運唔係個個成功

鄧紫棋

鄧紫棋原名鄧詩穎,都係16歲出道時為咗更有氣場至改過藝名,同時將英文名Gloria都改埋叫G.E.M.,意思係GetEverybodyMoving。

羅仲謙夫婦齊改名、李佳芯改完做視后!藝人改名轉運唔係個個成功

陳柏宇

睇開陳太符曉薇YouTubeChannel實知道,Leanne成日開口埋口大聲呼喝老公做「陳廣偉」,係呀,呢個至係陳柏宇真名!06年出道時,唱片公司嫌個名太娘改咗,連原本英文名Ivan都改埋叫Jason。

羅仲謙夫婦齊改名、李佳芯改完做視后!藝人改名轉運唔係個個成功

梁競徽

叫慣佢唯唯嘅梁烈唯,於去年初元旦日宣布改名梁競徽,好多人開頭接受唔到,不過事隔就快兩年,都已經習以為常。

羅仲謙夫婦齊改名、李佳芯改完做視后!藝人改名轉運唔係個個成功