衛詩雅慶祝10萬訂閱罕有小性感 拍廣告晒演技一秒爆喊無難度

娛聞

廣告

衛詩雅(Michelle)為慶祝其YouTube Channel達到十萬訂閱,決定大派福利,日前罕有著上白色Deep V泳衣玩wakesurf,大晒fit爆身形。Michelle落力經營網上頻道之餘,更密密接job,繼早前完成拍攝賀歲片,日前又參與新落成嘅商廈「The Cloud雲之端」廣告片拍攝。

撰文、圖片:東方新地

衛詩雅即興表演「一秒爆喊」

片段中,Michelle分享當演員嘅經歷及感受,佢話雖然入行多年,但仲未有一個演得最好嘅角色:「我未搵到!因為我覺得每次演完一個角色後,都覺得仲可以好啲。如果要搵一個自己覺得一百分嘅演繹,我覺得係未有。其實我對自己要求好高,我仲搵緊呢個角色,希望有一日可以好肯定咁答到大家係邊個角色。」廣告其中一幕,Michelle竟可一秒爆喊,完全演技大爆發!但原來呢場「戲」劇本係冇嘅,只係導演同Michelle現場即興「演 」!要突然爆喊,Michelle坦言當時腦內一片空白:「我嗰陣時諗唔到任何嘢,因為我哋拍攝嘅時間有啲倉猝,要追日光再去拍一啲片段同相。冇特別諗啲乜嘢劇情,而係運用一啲技巧令自己喊。」

為慶祝YouTube hannel達到十萬訂閱,衛詩雅罕有著上Deep V泳衣大派福利。
為慶祝YouTube hannel達到十萬訂閱,衛詩雅罕有著上Deep V泳衣大派福利。
玩wakesurf大顯身手兼大晒fit爆身形。
玩wakesurf大顯身手兼大晒fit爆身形。
廣告片中嘅Michelle,著上火紅色高貴晚裝,明艷照人。
廣告片中嘅Michelle,著上火紅色高貴晚裝,明艷照人。
日前參與廣告片拍攝,Michelle演技大爆發,即場表演一秒爆喊。
日前參與廣告片拍攝,Michelle演技大爆發,即場表演一秒爆喊。
Michelle分享當演員嘅經歷同感受,佢話期望有代表作出現。
Michelle分享當演員嘅經歷同感受,佢話期望有代表作出現。

關鍵詞
衛詩雅