42歲車婉婉趕拍新劇《BB大晒》 抗疫期間與家中獨子困獸鬥

娛聞

廣告

年初爆發新冠肺炎,全靠香港人上下一心自律防疫,把感染數字降到最低。殊不知擋得住第一波,第二波疫情由歐美回流又殺到。為防擴散全港學校由新年停課至今、復課日子仍然未見盡頭,全港媽媽被迫與子女長期困獸鬥叫晒救命!有得留家工作其實已經好幸福,藝人拍劇冇得遙距,車婉婉要趕拍新劇《 BB大晒》,還要憂心獨子BBQ身心健康貼身照顧,更撞正最難纏的trouble 3時期,才真正是高齡媽媽最大考驗。

撰文、圖片:東方新地

車婉婉拍劇湊仔一腳踢

13年與拍拖三年的澳洲籍男友、游泳教練Jonathon在泰國結婚、17年懷孕生下兒子Justus時,車婉婉已經年屆42歲,因此一直以高齡媽媽自居,懷孕至今都樂此不疲在個人社交網絡分享湊仔日常。年初爆發疫情、全民響應防疫措施盡量少外出留家工作,不過電視劇製作冇得遙距,身為藝人身不由己,車婉婉過完年即復工投身新劇《BB大晒》拍攝工作,同時盡可能收工趕回家繼續親力親為照顧獨子嬰兒發展

車婉婉為三歲生日嘅囝囝BBQ在家慶祝,一家三口望鏡獨欠BBQ,車婉婉都話冇佢符,相信父母們最明白子女在trouble 3的煩惱﹗
車婉婉為三歲生日嘅囝囝BBQ在家慶祝,一家三口望鏡獨欠BBQ,車婉婉都話冇佢符,相信父母們最明白子女在trouble 3的煩惱﹗
過完年即復工拍攝由岑麗香、馬國明主演的新劇《 BB大晒》,預計拍到六月煞科。
過完年即復工拍攝由岑麗香、馬國明主演的新劇《 BB大晒》,預計拍到六月煞科。
日頭拍劇收工再回家湊仔,BBQ最新大作係撞牆碌雞蛋,呢頭喊完嗰頭又跑過。
日頭拍劇收工再回家湊仔,BBQ最新大作係撞牆碌雞蛋,呢頭喊完嗰頭又跑過。
停課不停學,雖然要兼顧拍劇,婉婉都為 BBQ精心設計每日作息,在家玩遊戲讀故事,間中又去行山行沙灘。
停課不停學,雖然要兼顧拍劇,婉婉都為 BBQ精心設計每日作息,在家玩遊戲讀故事,間中又去行山行沙灘。
疫情持續最辛苦不過全球前線醫護人員,婉婉同 BBQ遊戲之餘,不忘玩玩具扮醫生,向醫護致敬。
疫情持續最辛苦不過全球前線醫護人員,婉婉同 BBQ遊戲之餘,不忘玩玩具扮醫生,向醫護致敬。

與Troble 3仔仔超市力鬥智鬥力

被車婉婉暱稱BBQ的Justus眨吓眼上月尾就滿三歲,眾所周知兩至三歲幼童最頑皮最難纏!日前車婉婉母子約埋友人去超市放風兼入貨,臨走想同友人道別去截架的士,都又哄又罵又拉又扯同Justus鬥智鬥力,旁人完全感受到trouble 3的驚人戰鬥力!

疫症爆發之前,向來親力親為的車婉婉帶埋兒子與友人去超市掃貨,臨走抱仔即見 BBQ扭身扭勢極力反抗。
疫症爆發之前,向來親力親為的車婉婉帶埋兒子與友人去超市掃貨,臨走抱仔即見 BBQ扭身扭勢極力反抗。
出世時已經8磅9係巨嬰,三歲 BBQ扭起計上嚟一時傾盡全力一時又變軟皮蛇𦧲地,搞到媽媽冇晒符。
出世時已經8磅9係巨嬰,三歲 BBQ扭起計上嚟一時傾盡全力一時又變軟皮蛇𦧲地,搞到媽媽冇晒符。
由超市內扭到出收銀、直至步出商場截到的士,精力旺盛BBQ繼續同媽媽鬥力糾纏,短短幾分鐘見識到trouble 3威力。
由超市內扭到出收銀、直至步出商場截到的士,精力旺盛BBQ繼續同媽媽鬥力糾纏,短短幾分鐘見識到trouble 3威力。

好彩家有好老公願意分擔,隔日又見一家三口出動,今次有高大耐心Jonathon陪玩幫手,至見婉婉有得鬆一口氣。多個月來婉婉除了趕劇都盡量減少出入人多地方,盡量陪伴BBQ玩吓益智遊戲、或者行山去海邊避開人流吸收新鮮空氣。雖然正值人生第一個反叛期,其實BBQ人仔細細都知孝順回饋,日前去公園放風地下執起小黃花一束贈母,感嘆好耐未收花的車婉婉所有辛苦一掃而空、即時冧晒!

一個人踢晒腳,相比之下一家三口一齊出動,有老公幫拖輕鬆得多。
一個人踢晒腳,相比之下一家三口一齊出動,有老公幫拖輕鬆得多。
婉婉行母嬰店時,Jonathon識做陪玩,耐心坐在兒童等候區陪BBQ玩玩具做小遊戲。
婉婉行母嬰店時,Jonathon識做陪玩,耐心坐在兒童等候區陪BBQ玩玩具做小遊戲。
玩具話咁快玩厭又周圍走,全靠爸爸強制拖實BBQ。
玩具話咁快玩厭又周圍走,全靠爸爸強制拖實BBQ。
一行人聚完會買完嘢,婉婉與友人道別時,BBQ又用盡耐性扭計皺眉,又係爸爸大手至制得住。
一行人聚完會買完嘢,婉婉與友人道別時,BBQ又用盡耐性扭計皺眉,又係爸爸大手至制得住。