新劇《過街英雄》森美拍黃翠如 谷胸江嘉敏殘廁擒仔

娛聞

廣告

疫情反覆又反覆,眨吓眼就抗咗大半年疫,依然未見到完結之日。凡事有兩面,正如戴咗大半年口罩係就係侷促啲,不過事實證明唔止防炎有效大家呢半年傷風感冒都少咗呢!而人人留家抗疫,連帶電視台收視都增加,連住幾套電視劇都成為討論話題,真係多咗唔少人睇!而今個月,緊接《殺手》同《迷網》之後,就有森美同黃翠如主演嘅新劇《 過街英雄 》。

撰文、圖片:東方新地

新劇《過街英雄》森美做老鼠俠

過街老鼠就聽得多,幾時變咗過街英雄㗎?套劇之唔係講森美遇上交通意外後,意外移植咗老鼠再造耳仔上身,結果一夜間聽覺、嗅覺、行動能力都大變,搞到變咗識得飛天遁地儆惡懲奸嘅老鼠俠喎!聽落的而且確超現實,不過社會怨氣重經濟差,跳出現實笑番個鐘又不失為一個 chill up 好辦法嘅。

森美遇上交通意外後,意外移植咗老鼠再造耳仔上身⋯⋯
森美遇上交通意外後,意外移植咗老鼠再造耳仔上身⋯⋯
森美一夜間聽覺、嗅覺、行動能力都大變,成為超級英雄。
森美一夜間聽覺、嗅覺、行動能力都大變,成為超級英雄。
貓係森美嘅剋星。
貓係森美嘅剋星。
扮演不擇手段全港最 top 記者嘅森美,同硬倔暴力差婆翠如本來互相睇對方唔順眼,結果不打不相識慢慢愈行愈近。
扮演不擇手段全港最 top 記者嘅森美,同硬倔暴力差婆翠如本來互相睇對方唔順眼,結果不打不相識慢慢愈行愈近。

譚凱琪演多材多藝女神

家陣大住肚養住胎暫時停工嘅譚凱琪都有份在劇中飾演翠如嘅老友,琴棋書畫樣樣叻仲有仙女外形,係森美嘅暗戀對象。
家陣大住肚養住胎暫時停工嘅譚凱琪都有份在劇中飾演翠如嘅老友,琴棋書畫樣樣叻仲有仙女外形,係森美嘅暗戀對象。
劇中譚凱琪琴棋書畫樣樣叻。
劇中譚凱琪琴棋書畫樣樣叻。
年紀愈大愈愛操肌愈貪靚,46歲森美近年愈操愈fit,喺劇中賣弄巨胸同肌肉非常稱職。
年紀愈大愈愛操肌愈貪靚,46歲森美近年愈操愈fit,喺劇中賣弄巨胸同肌肉非常稱職。

2年前倉底貨今終見光

《 過街英雄 》去年先行喺美國同新加坡、馬來西亞等地播出,反應唔錯,題材超現實啫,實情故事貼地又真實,人物個性塑造得相當啜核㖭!描述森美一家都係貪小便宜、做人冇底線又冇公德心,仲有鋪癮一齊扮路人做媒呃呃氹氹。森美個妹江嘉敏正職係地產經紀,實情就係一個貪錢港女,專吼富二代每日出盡法寶求送包包送首飾,最終目的之唔係想做千億新抱囉!仲有再次做野蠻差婆嘅黃翠如,大小事都一味鍾意用「 最低武力 」去解決,同森美又係不打不相識,最後更打出愛火花㖭!

《 過街英雄 》其實兩年前已經拍攝完成,原訂去年底播出之後又被抽起,改成先在美國及東南亞推出。
《 過街英雄 》其實兩年前已經拍攝完成,原訂去年底播出之後又被抽起,改成先在美
國及東南亞推出。
近年力捧小花江嘉敏今次喺劇中扮演森美個妹,一家四口都唯利是圖一擔擔,江嘉敏更係恨釣金龜嘅港女極品。
近年力捧小花江嘉敏今次喺劇中扮演森美個妹,一家四口都唯利是圖一擔擔,江嘉敏更係恨釣金龜嘅港女極品。
《 過街英雄 》有唔少角色用上樹根、麗芸等議員名,情節都識玩大熱社會新聞,除咗法官醉姪女打警察一幕,仲有唧波江嘉敏同富二代周志康喺殘廁gathering。
《 過街英雄 》有唔少角色用上樹根、麗芸等議員名,情節都識玩大熱社會新聞,除咗法官醉姪女打警察一幕,仲有唧波江嘉敏同富二代周志康喺殘廁gathering。
姣爆拜金女江嘉敏色誘富二代周志康,場面似曾相識。
姣爆拜金女江嘉敏色誘富二代周志康,場面似曾相識。

題材輕鬆,內容超現實,特技仲可以靠電腦幫補,不過假假哋都係動作片,唔少動作場面由森美同翠如親身上陣,兩位都試過受傷有血有淚,值得支持!

劇中不少漫畫式誇張動作場面都係由翠如親身上陣,仲因為一場打鬥戲被森美手中木碎插傷眼角,險象環生。
劇中不少漫畫式誇張動作場面都係由翠如親身上陣,仲因為一場打鬥戲被森美手中木碎插傷眼角,險象環生。
老戲骨都有精選人物,盧苑茵同于洋飾演森美及江嘉敏嘅父母,市儈貪錢入型入格。
老戲骨都有精選人物,盧苑茵同于洋飾演森美及江嘉敏嘅父母,市儈貪錢入型入格。
不過最後都係大團圓結局,江嘉敏如願以償同富二代周志康成為一對。
不過最後都係大團圓結局,江嘉敏如願以償同富二代周志康成為一對。