《 那些我愛過的人》38歲火辣人妻陳自瑤 助黃翠如、連詩雅姊妹破冰

娛聞

廣告

由林文龍、黃翠如、連詩雅、馬貫東、陳自瑤等主演嘅新劇《 那些我愛過的人 》於本周正式首播,除咗現任亞視副總裁林文龍搭黃翠如組合新鮮有驚喜外,戲中另一亮點就係飾演黃翠如同連詩雅姊妹嘅閨密、人妻兼人母陳自瑤著上透視通花泳衣登場,一雙白滑長腿搶盡風頭,唔少網友都話正!

撰文、圖片:東方新地

火辣人妻陳自瑤首集晒白滑長腿

索人妻陳自瑤(Yoyo)在首集播出後當晚,即喺 IG 加 po 當日水著全相向粉絲大派福利,輕輕側身躺在藤椅上大晒白滑長腿與美臀,睇到林子善都話流晒鼻血!雖然呢幕只得短短幾秒,不過 Yoyo 表示當時其實正值冬天,個個著晒厚衫大褸,只得佢著住泳衣,坐喺池邊拍攝凍到震!最後劇組為免佢凍病咗驚第二日開唔到工,特別刪走游水戲份咋!今次證明 Yoyo 嘅付出係有回報,因為唔少網民睇完都大讚,話佢係最索人妻兼人母! 38歲身材依然弗到漏,Yoyo今次真係好落力幫手谷收視囉!

陳自瑤大晒白滑長腿與美臀,性感誘人。除咗老公王浩信即畀like外,連名草有主嘅袁偉豪、蕭正楠、洪永城、陳山聰等都爭住畀like㖭!
陳自瑤大晒白滑長腿與美臀,性感誘人。除咗老公王浩信即畀like外,連名草有主嘅袁偉豪、蕭正楠、洪永城、陳山聰等都爭住畀like㖭!
著上透視通花泳衣身材弗到漏,被網民指唔似38歲囉!
著上透視通花泳衣身材弗到漏,被網民指唔似38歲囉!
Yoyo不時喺IG開心share噴血泳裝照大派福利。
Yoyo不時喺IG開心share噴血泳裝照大派福利。
近年同王浩信屢傳婚變,亦唔見兩公婆合體,陳自瑤每被問及有關王浩信都表現冷淡,關係撲朔迷離。
近年同王浩信屢傳婚變,亦唔見兩公婆合體,陳自瑤每被問及有關王浩信都表現冷淡,關係撲朔迷離。

車禍非意外齊緝兇

兩年未有推出新劇嘅黃翠如,首次飾演單親媽媽角色,劇中丈夫因一場車禍被撞死,而腹中孖胎亦因意外兩個只能活一個。飽受喪夫之痛、獨自湊大腹中孩子之餘,又要接手照顧亡夫跟前妻所生嘅仔,呢個角色的確有難度! 慘係翠如懷疑親妹連詩雅同自己已死嘅老公曾經有路,搞到兩姊妹擘面,不過連詩雅就堅持自己係清白,之後兩姊妹得到中間人 Yoyo 幫手調解,關係亦逐漸破冰。至於在同一車禍慘變單親爸爸嘅林文龍,將會同翠如愈走愈近成為知心友,二人以為命運安排下遇上第二春,點知相處過後發覺唔係咁簡單,雙方關係錯綜複雜愛恨交纏。

一場車禍令翠如失去摯愛,變成單親媽媽獨力擔起頭家。
一場車禍令翠如失去摯愛,變成單親媽媽獨力擔起頭家。
翠如懷疑親妹連詩雅同因車禍死去嘅老公曾經有路,不過連詩雅就話被屈,搞到兩姊妹擘面。
翠如懷疑親妹連詩雅同因車禍死去嘅老公曾經有路,不過連詩雅就話被屈,搞到兩姊妹擘面。
因為一場車禍令互不相識嘅林文龍同黃翠如各自失去摯愛,七年後,另一次交通意外令男女主角相遇,衍生出更多謎團及感情瓜葛。
因為一場車禍令互不相識嘅林文龍同黃翠如各自失去摯愛,七年後,另一次交通意外令男女主角相遇,衍生出更多謎團及感情瓜葛。
林文龍指其角色係好多「中佬」嘅寫照,作為一名拳手搵錢唔多,生活逼人又要獨力養大囡囡,父女有好多矛盾位,表達出大多數單親爸爸嘅無奈!
林文龍指其角色係好多「中佬」嘅寫照,作為一名拳手搵錢唔多,生活逼人又要獨力養大囡囡,父女有好多矛盾位,表達出大多數單親爸爸嘅無奈!
劇集帶出單親爸媽面對生活嘅轉變同困難,探討人與人之間嘅相處方式。
劇集帶出單親爸媽面對生活嘅轉變同困難,探討人與人之間嘅相處方式。
連詩雅欣賞馬貫東醫術高明暗自傾慕,之後二人更會閃婚㖭!
連詩雅欣賞馬貫東醫術高明暗自傾慕,之後二人更會閃婚㖭!