《暖男爸爸》鄭中基做廿四孝爸爸陪女學新樂器 事隔18年新劇拍張可頤有火花

娛聞

廣告

早前ViuTV新劇《暖男爸爸》在淺水灣拍外景,張可頤指在拍攝期間鄭中基經常吹奏類似笛的樂器娛樂大家,鄭中基解釋:「係笛配色士風嘅新樂器,特別喺美國訂返嚟,因為想鼓勵個女練琴,佢有時想偷懶唔練,所以我就應承陪佢學一種樂器。」

撰文、圖片:東方新地

《暖男爸爸》鄭中基事隔18年再拍劇做慈父

鄭中基表示自己對上一次拍劇已是18年前,所以他一開始很擔心體力難以應付:「 但今次拍劇所有安排同時間上都好舒服,每一個演員都有好充足嘅時間休息,所以開始咗拍之後就冇咁緊張。」

鄭中基做廿四孝爸爸陪女學新樂器 事隔18年新劇拍張可頤有火花

陳俞希和強尼一同拍攝戶外婚禮,陳俞希自爆首次扮演新娘角色,感覺好緊張:「 有少少幻想自己真係結婚時會唔會同依家類似,不過都只係有少少緊張,因為我依家仲係單身,短期內都唔會結婚,亦唔係好恨結婚,如果真係結嘅話我會揀旅行結婚。」
陳俞希和強尼一同拍攝戶外婚禮,陳俞希自爆首次扮演新娘角色,感覺好緊張:「 有少少幻想自己真係結婚時會唔會同依家類似,不過都只係有少少緊張,因為我依家仲係單身,短期內都唔會結婚,亦唔係好恨結婚,如果真係結嘅話我會揀旅行結婚。」
文凱玲透露與男友原定今年結婚,但因受疫情影響,可能會先簽紙註冊結婚,擺酒就延至明年才舉行。
文凱玲透露與男友原定今年結婚,但因受疫情影響,可能會先簽紙註冊結婚,擺酒就延至明年才舉行。
王頌茵、蔡寶欣與余逸思三位ViuTV小花一同以斯文Look拍攝劇集婚禮場景。
王頌茵、蔡寶欣與余逸思三位ViuTV小花一同以斯文Look拍攝劇集婚禮場景。

唔肯再做《美女廚房》劇癮起做慈父

據知情者透露:「其實上年年中ViuTV籌備開拍效法無綫《美女廚房》嘅遊戲烹飪節目,已經傾Ronald做主持,但Ronald就講明再做一定要搵埋小方、Edmond(梁漢文)一齊合作先拍,當年《美女廚房》大受歡迎,呢個鐵三角合體好貴,而且Viu嗰邊亦唔想完全copy無綫節目舊瓶新酒,最終傾唔成,不過Ronald放聲氣願意拍劇,對Viu嚟講絕對係好消息,睇番Ronald擔正拍劇,已經係02年嘅《我要fit一fit》,近年佢喺電影發展順利,再拍劇幾乎冇乜可能,不過Viu就畀好大自由度佢,角色亦為佢度身訂造,上年游學修監製ViuTV劇集《仇老爺爺》,已經搵過Ronald客串一集,今次Viu斟Ronald合作,角色好討好,係個任勞任怨嘅慈父角色,佢睇完劇本超級鍾意!」早已是廿四孝慈父的鄭中基,當然好願意將自己真實一面同觀眾分享,難怪ViuTV能夠成功打動他再拍劇!

婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。
同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。

鄭中基劇癮起拍男版《暖男爸爸》 方皓玟被飛唱作CP合拍無望

近年自家製作引起不少回響的ViuTV,成功打造一班《全民造星》小鮮肉,亦不斷同無綫搶人拍劇,先後已有林保怡、鄧萃雯、陳錦鴻、鄭少秋及陶大宇等無綫昔日戲王戲后過檔做外援,近日更成功羅致離開無綫八年,TVB視后的張可頤加盟,拍住鄭中基演出新劇《暖男爸爸》。不過,張可頤擔正,就踢走同樣想拍該劇入屋的方皓玟;原來ViuTV傾洽張可頤前,本欲搵唱作女歌手方皓玟擔演女主角,與鄭中基延續唱作CP入屋做埋熒幕情侶,不過,視后答應助陣演出份量十足,演戲經驗淺的方皓玟即時被叮走!

張可頤離開無綫八年,14年拍王維基旗下香港電視《來生不做香港人》、18年客串劉德華監製的網劇《東方華爾街》,近年只客串內地劇,現已落實復出拍港劇,不過就與無綫娘家打對台,為 ViuTV拍新劇與鄭中基分飾男女主角。
張可頤離開無綫八年,14年拍王維基旗下香港電視《來生不做香港人》、18年客串劉德華監製的網劇《東方華爾街》,近年只客串內地劇,現已落實復出拍港劇,不過就與無綫娘家打對台,為 ViuTV拍新劇與鄭中基分飾男女主角。
鄭中基下月為ViuTV拍攝的新劇,將與小演員合作演出類似多功能老竇的角色。
鄭中基下月為ViuTV拍攝的新劇,將與小演員合作演出類似多功能老竇的角色。

兩手準備無奈飛起方皓玟

據知情者透露:「一個劇嘅成功,除咗劇本之外,男女主角都好重要, Ronald(鄭中基)答應接拍之後,Viu高層就努力斟張可頤做女主角,但因為套劇始終係男人劇,女主戲份冇咁重,監製都擔心張可頤未必會接,所以都兩手準備,監製同時傾唱作女歌手方皓玟拍Ronald,因為佢兩個合作做過演唱會,樂迷對佢哋呢pair唱作CP好受落,本來Charmaine(方皓玟)已經答應演出,但因為最後張可頤落實接,對套劇嚟講,多個演技派女主助陣,當然係一個好消息,監製都無奈飛起Charmaine!」

Viu製作類似男版《多功能》的新劇,最初傾洽唱作女歌手方皓玟擔任女主角,不過,最後角色被張可頤搶走。
Viu製作類似男版《多功能》的新劇,最初傾洽唱作女歌手方皓玟擔任女主角,不過,最後角色被張可頤搶走。

張可頤事隔8年再拍劇TVB劇 與宿敵宣萱打對台

對上一次拍無綫劇,已經是12年的《天梯》,當時男拍檔陳豪近日正與宣萱忙於拍攝無綫新劇《陀槍師姐2020 》,難道真是一山不能藏二虎,與宿敵宣萱命中注定要打對台。據知情人士說:「自從試過患甲狀腺功能亢奮,要喺事業高峰期停工兩年休養,可頤體會到冇嘢比健康重要,依家就算接劇,佢都唔會畀自己太過勞累,所以近年佢都係客串拍吓內地劇,貪時間安排上冇咁緊迫,今次拍Viu劇,佢除咗睇咗劇本好鍾意個角色,另一方面亦好想同Ronald合作,所以就算戲份冇男主角咁重,佢都唔介意,覺得最緊要角色有得發揮!」

魚與熊掌不能兼得,唔知觀眾又想睇邊個多啲呢?

鄭中基與方皓玟一早結緣,早在16年Ronald已為方皓玟演唱會擔任表演嘉賓,翌年兩人又合作開演唱會,被樂迷喻為唱作CP,不過兩人緣份暫時未能延續到劇集上。
鄭中基與方皓玟一早結緣,早在16年Ronald已為方皓玟演唱會擔任表演嘉賓,翌年兩人又合作開演唱會,被樂迷喻為唱作CP,不過兩人緣份暫時未能延續到劇集上。
在影壇二十年,作品多達數十部之多的鄭中基,去年已幫ViuTV客串游學修執導的劇集《仇老爺爺》,今年再幫拖拍男版《多功能》。
在影壇二十年,作品多達數十部之多的鄭中基,去年已幫ViuTV客串游學修執導的劇集《仇老爺爺》,今年再幫拖拍男版《多功能》。