陳小春、應釆兒長駐內地狂吸千萬人仔 收天價公開血腥剖腹生產片段

娛聞

廣告

早已全身投入國內市場的陳小春,孖住大仔 Jasper拍過兩季內地親子騷《爸爸去哪兒》,之後再拍《想想辦法吧!爸爸》,父子檔搵錢都未夠,今年5月底細仔 Hoho出世不久,即全家北上拍攝內地真人騷節目《新生日記2 》。為賺盡人仔唔怕疫情,陳小春與應釆兒除了兩個寶貝仔,連剖腹生產片段都可以賣,為賺人仔,陳氏一家真係去到好盡!

撰文、圖片:東方新地

陳小春、應釆兒被指見錢開眼

在大仔 Jasper四歲前,陳小春與應釆兒一直好保護兒子,甚少讓他曝光,直到湖南衛視重金禮聘兩父子參演內地親子真人騷《爸爸去哪兒5 》,有傳當時小春被高達2,500萬人仔酬勞打動,拍攝三個月Jasper雖吃盡苦頭,不過人氣一時無兩,成為節目中的小暖男。

Jasper5歲開始參演真人騷《爸爸去哪兒5》跟住惡到死的小春體驗山區生活已經成日被小春鬧喊。
Jasper5歲開始參演真人騷《爸爸去哪兒5》跟住惡到死的小春體驗山區生活已經成日被小春鬧喊。
到《爸爸再冧莊,Jasper吃盡苦頭,其中一站去到稻城縣青藏海拔高原拍攝,Jasper更一度捱唔住缺氧要狂吸氧氣治療,辛苦搵命博,網民大嘆睇見都心噏!
到《爸爸再冧莊,Jasper吃盡苦頭,其中一站去到稻城縣青藏海拔高原拍攝,Jasper更一度捱唔住缺氧要狂吸氧氣治療,辛苦搵命博,網民大嘆睇見都心噏!
到最近的《新生日記2》,Jasper被阿媽逼學中文字,因為認唔到字而被應釆兒鬧,一樣喊住出鏡。
到最近的《新生日記2》,Jasper被阿媽逼學中文字,因為認唔到字而被應釆兒鬧,一樣喊住出鏡。

之後應釆兒落閘表示拍完《爸爸5 》會讓 Jasper專心學業,點知言猶在耳《爸爸6 》開錄,小春又再帶著 Jasper現身,再被指見錢開眼。近年幾乎全年無休都在國內開工的小春,深知一家同框的賺錢能力比兩父子更勁,今年受到疫情影響,大部分香港藝人都暫停中港兩邊走,小春與應釆兒卻無有怕,一於全家出動賺到最盡。

應釆兒父母亦由台灣飛去內地幫手湊仔,婆婆不時抱住Hoho出鏡,公公就教Jasper認中文字。
應釆兒父母亦由台灣飛去內地幫手湊仔,婆婆不時抱住Hoho出鏡,公公就教Jasper認中文字。
小春一家需要長駐內地一段時間,新居不時要添置用品,每次有工作人員入內都全副防疫裝備,可見小春與應釆兒明知高風險亦北上。
小春一家需要長駐內地一段時間,新居不時要添置用品,每次有工作人員入內都全副防疫裝備,可見小春與應釆兒明知高風險亦北上。

一家四口收天價賣生仔過程

今年5月底細仔 Hoho出世,小春請大假返港陪應釆兒入院生仔,到8月底細仔滿一百日,即舉家返國內為內地真人騷節目《新生日記2 》拍攝,冒住高風險都要帶埋初生細仔北上,真係好博。據知情者透露:「小春同應釆兒一知道有第二胎,已經同國內電視台斟好,由大肚開始拍攝,到細仔出世就一家四口出鏡,酬勞真係天價。為咗照顧細仔,應釆兒長居台灣嘅父母都隨行,名副其實全家總動員。依家疫情仲未完全控制到,你估小春真係唔驚?你見個真人騷幾乎都係拍屋入面嘅生活,佢都唔敢帶兩個仔出街周圍走,每次有攝製隊入屋,佢哋都好緊張同做晒防疫準備。」

小春和應采兒在內地真人騷 《新生日記2》,公開剖腹生產細仔Hoho的過程,被指為賺人仔去到盡。
小春和應采兒在內地真人騷 《新生日記2》,公開剖腹生產細仔Hoho的過程,被指為賺人仔去到盡。
片段中應采兒已身在產房內,由於半身麻醉所以完全清醒,小春則在旁邊陪伴並安慰
片段中應采兒已身在產房內,由於半身麻醉所以完全清醒,小春則在旁邊陪伴並安慰
片段中不乏醫生動刀及用具沾滿血的畫面
片段中不乏醫生動刀及用具沾滿血的畫面
鏡頭一轉,應采兒笑容滿臉抱著初生兒子Hoho。
鏡頭一轉,應采兒笑容滿臉抱著初生兒子Hoho。

人仔如此吸引,應釆兒在真人騷中不惜公開剖腹生產片段,就連細仔Hoho的處男出浴都獻出,再加上兩兄弟的溫馨互動,以及應釆兒虎媽上身教仔,全部都係睇錢份上。

52歲的小春七年後再得一子,兩個寶貝仔更成為最佳拍檔
52歲的小春七年後再得一子,兩個寶貝仔更成為最佳拍檔
Jasper在節目中不時幫手照顧弟弟,建立好哥哥形象。
Jasper在節目中不時幫手照顧弟弟,建立好哥哥形象。
應釆兒帶埋初生三個月的細仔 Hoho北上拍攝節目,節目中親自為囝囝沖涼,只以小手巾遮住 BB重要部位,肥肥白白的 Hoho非常可愛。
應釆兒帶埋初生三個月的細仔 Hoho北上拍攝節目,節目中親自為囝囝沖涼,只以小手巾遮住 BB重要部位,肥肥白白的 Hoho非常可愛。