陳豪爆陳茵媺冇捧自己場 劇中化身「媾女大王」樂而不淫
廣告
陳豪、黎耀祥、李佳芯、高Ling(高海寧)、龔嘉欣等日前一
同宣傳新劇《殺手》,活動上「愛妻號」陳豪除了狂谷自己的新劇外,又為太太陳茵媺宣傳舊劇《單戀雙城》,他表示:「太太要準備小朋友第二朝返學嘅嘢,所以要早瞓,煲唔到我部新劇,但佢依排晏晝都有睇《單戀雙城》嘅重播,重溫番佢自己嘅演出!」
陳豪與黎耀祥一齊著西裝揸槍,擺出Chok 爆殺手 Look,提到陳豪劇中角色擅長媾女,尤其有好多媾高 Ling 的戲份,他笑言:「 只係得啖笑,劇情樂而不淫,主要係為咗搞吓氣氛。」
高 Ling 表示同李佳芯本身是好友 ,今次合作對方更給了她許多新啟發,她說:「 佳芯嘅角色好放,我就好理智,每次同佢對戲見佢咁放,都可以帶起到個氣氛,好自然會撞到新火花。」
撰文、圖片:東方新地
陳豪劇中化身「媾女大王」樂而不淫








《殺手》造型大解構 爆褲白馬王子陳豪vs驚嚇護士江美儀
《殺手》劇集背景發生於一個抽離世界,祥仔飾演的閻武,曾經一度風光的職業殺手,於業界被尊稱為「閻王」,可惜一次失誤,淪為低端殺手,自此頹廢潦倒。有人跌,自然有人補位「當紮」,呢個咪係陳豪所飾演的神級殺手喬星(Zero)。



黎耀祥化身頹廢MK佬



《殺手》李佳芯造型大解構玩黑色幽默
講到呢度,都略略估到兩位視帝喺個total look上有幾大分別。開拍初時,曾經有傳劇集是以荷李活男神奇洛李維斯主演嘅《殺神John Wick 》作藍本,查實睇真啲,《殺手》玩黑色幽默至真,上至兩大男主角下至女一、二,包括李佳芯、高海寧、龔嘉欣、江美儀、何遠東等等,個個造型都養眼搞鬼,稍一唔留神,分分鐘認唔出佢哋嘅真身!



49歲江美儀 飾演 陀地Pink Lady


高海寧著緊身Tee做3D導彈清道夫

龔嘉欣染髮、剷青做至激Punk妹

飾演新晉殺手易蘭的龔嘉欣,今次好大犧牲,染髮、剷青、濃妝艷抹,再配襯bra top、短裙仔、漁網絲襪,完全同佢真人分別好大,難怪佢話有好一陣子唔敢照鏡!
