黃翠如《過街英雄》罕有裝假狗 俏秘書色誘鹹濕波士入型入格
廣告
由森美同黃翠如孭飛嘅無綫新劇《過街英雄》終於登場，題材走輕鬆惹笑喜劇路線，內容故事亦比較大膽誇張。好似從來唔係靠身材嘅黃翠如，喺劇中就因為查案而要「裝假狗」，姣爆色誘鹹濕波士一幕，唔知老公蕭正楠頂得住冇？
撰文、圖片：東方新地
黃翠如《過街英雄》D cup 身材色誘鹹濕波士
自2013年 加 盟TVB以 來，翠如參與拍攝過十多套劇集，都鮮有性感演出。不過喺最新播映嘅時裝喜劇《過街英雄》裡，扮演私家偵探嘅翠如竟然為咗套料，偽裝成俏秘書接近目標人物！
為增加「可觀性」，翠如不惜裝假狗令自己升cup，又扣少粒衫鈕令事業線若隱若現，再加上引人犯罪嘅緊身裙，行路嗰陣故意姣騰騰扭動蛇腰，邊有男人頂得住吖！翠如連環以body language勾搭波士，一時挨近對方嘴唇微張，一時嗲聲嗲氣姣到出汁，最終令鹹濕波士露出真面目，對佢毛手毛腳，仲當場被波士老婆斷正㖭！之不過真相原來係翠如受到男方老婆委託，以美色引蛇出洞，係一個局嚟㗎！
