黃翠如《過街英雄》罕有裝假狗 俏秘書色誘鹹濕波士入型入格

娛聞

廣告

由森美同黃翠如孭飛嘅無綫新劇《過街英雄》終於登場,題材走輕鬆惹笑喜劇路線,內容故事亦比較大膽誇張。好似從來唔係靠身材嘅黃翠如,喺劇中就因為查案而要「裝假狗」,姣爆色誘鹹濕波士一幕,唔知老公蕭正楠頂得住冇?

撰文、圖片:東方新地

黃翠如《過街英雄》D cup 身材色誘鹹濕波士

自2013年 加 盟TVB以 來,翠如參與拍攝過十多套劇集,都鮮有性感演出。不過喺最新播映嘅時裝喜劇《過街英雄》裡,扮演私家偵探嘅翠如竟然為咗套料,偽裝成俏秘書接近目標人物!

 翠如為飾演俏秘書罕有裝假狗,側望目測估計起碼有D cup!
翠如為飾演俏秘書罕有裝假狗,側望目測估計起碼有D cup!
 為了查案扮成俏秘書、忽然升 cup 嘅翠如,一招烏低身執 file,山丘一閃即逝,鹹濕波士望到眼金金!
為了查案扮成俏秘書、忽然升 cup 嘅翠如,一招烏低身執 file,山丘一閃即逝,鹹濕波士望到眼金金!

黃翠如《過街英雄》罕有裝假狗   俏秘書色誘鹹濕波士入型入格

為增加「可觀性」,翠如不惜裝假狗令自己升cup,又扣少粒衫鈕令事業線若隱若現,再加上引人犯罪嘅緊身裙,行路嗰陣故意姣騰騰扭動蛇腰,邊有男人頂得住吖!翠如連環以body language勾搭波士,一時挨近對方嘴唇微張,一時嗲聲嗲氣姣到出汁,最終令鹹濕波士露出真面目,對佢毛手毛腳,仲當場被波士老婆斷正㖭!之不過真相原來係翠如受到男方老婆委託,以美色引蛇出洞,係一個局嚟㗎!

 轉頭喺辦公室再騷 quali,嘴唇微張,嗲聲嗲氣,令猴擒波士原形畢露。
轉頭喺辦公室再騷 quali,嘴唇微張,嗲聲嗲氣,令猴擒波士原形畢露。
 正當鹹濕波士伸出手有所行動之際,波士老婆突然殺到當場斷正。
正當鹹濕波士伸出手有所行動之際,波士老婆突然殺到當場斷正。

黃翠如《過街英雄》罕有裝假狗   俏秘書色誘鹹濕波士入型入格

 原來翠如設局勾搭老闆,呢位裝假狗秘書可謂非常稱職,close file!
原來翠如設局勾搭老闆,呢位裝假狗秘書可謂非常稱職,close file!

讀者留言