31歲龔嘉欣秘戀花心大馬富二代 曾為男友推劇現狠斬情絲

娛聞

廣告

現年31歲的龔嘉欣,年初在《萬千星輝頒獎典禮2020》榮獲「馬來西亞最喜愛TVB女主角」和「最受歡迎電視女角色」兩獎,初嘗視后滋味。17年同陳凱琳、譚凱琪、沈卓盈合拍劇集《平安谷之詭谷傳說》結緣組成「少婦聯盟」,三年間睇住幾位好姊妹結婚嫁人變幸福人妻,令龔嘉欣亦渴望早日結婚生仔,前年與年約30歲的大馬富二代Bryan打得火熱,更有傳Bryan打本給嘉欣在當地開火鍋店,拍拖以來愛得甜蜜,以為嘉欣好快嫁入豪門做大馬新娘,誰料經過年半蜜月期,近日留港拍劇的嘉欣,最終敵不過疫情與男友Bryan經常兩地分隔,與富貴花弗男友分手收場!

撰文、圖片:東方新地

龔嘉欣單身7年終有新歡

入行十三年的龔嘉欣,真正承認的戀情只有10年同鄧健泓拍拖,單身七年,直至前年盛傳撻著大馬富二代Bryan,雖然戀情傳得熱烘烘,不過龔嘉欣一直未有公開承認有新歡,只表示同Bryan是朋友關係,表現低調全為保護愛苗。據知情者透露:「Bryan屋企人喺大馬有好多生意,因為有投資一啲表演活動,而識到嘉欣,對嘉欣一見鍾情,即刻抄牌大力追求,兩個好快已經打得火熱,Bryan為咗想嘉欣多啲留喺大馬,仲打本畀佢喺當地開火鍋店做老闆娘!」

新冠肺炎疫情殺過大家措手不及,龔嘉欣亦唔例外,近日留港拍劇的她,亦因大馬男友花弗而分手。
新冠肺炎疫情殺過大家措手不及,龔嘉欣亦唔例外,近日留港拍劇的她,亦因大馬男友花弗而分手。
去年初龔嘉欣自爆有人追求,情人節更收到兩大束玫瑰花,沐浴愛河的她笑到見牙唔見眼。
去年初龔嘉欣自爆有人追求,情人節更收到兩大束玫瑰花,沐浴愛河的她笑到見牙唔見眼。
秘戀大馬富二代Bryan一年多,龔嘉欣一有時間便會飛馬來西亞拍拖,悉心栽培愛苗希望能開花結果,可惜再次遇人不淑,戀情泡湯分手收場!
秘戀大馬富二代Bryan一年多,龔嘉欣一有時間便會飛馬來西亞拍拖,悉心栽培愛苗希望能開花結果,可惜再次遇人不淑,戀情泡湯分手收場!
同 Bryan熱戀亦未曾公開承認拍拖的龔嘉欣,其實早已融入Bryan的朋友圈子,去年陪實 Bryan慶生,更以女主人姿態坐正男友身旁。
同 Bryan熱戀亦未曾公開承認拍拖的龔嘉欣,其實早已融入Bryan的朋友圈子,去年陪實 Bryan慶生,更以女主人姿態坐正男友身旁。

恨結婚生仔為男友推劇

愛得全程投入的龔嘉欣,早就視男友為真命天子,為爭取時間陪男友,今年只接拍僅12集,與羅天宇合作的劇集《香港愛情故事》,及近日開拍的《金宵大廈II 》,嘉欣更推掉伯樂陳維冠五月開拍的劇集《七公主》的主角角色。據知情者透露:「近年睇住好姊妹Grace(陳凱琳)結婚生咗兩個仔好幸福,嘉欣都好想組織家庭,又想快啲生BB,加上男友Bryan最初真係好錫佢,令嘉欣更加想嫁人,今年初接咗《香港愛情故事》,最後佢都只係客串《七公主》,因為一做主角套劇要拍成四個月,佢唔想同男友分開咁耐!」

有指由陳維冠監製的劇集《七公主》,其中一位公主原屬意龔嘉欣演出,不過為爭取時間陪男友,龔嘉欣推走角色,只客串演出。
有指由陳維冠監製的劇集《七公主》,其中一位公主原屬意龔嘉欣演出,不過為爭取時間陪男友,龔嘉欣推走角色,只客串演出。
因新冠肺炎疫情,龔嘉欣每次飛馬來西亞,兩地都要隔離14日,因此每次飛大馬,她亦會盡量逗留較長時間才返港。為陪男友,今年除為劇集《殺手》宣傳,便只接拍12集的《香港愛情故事》,直至近日才客串演出 《金宵大廈II》。
因新冠肺炎疫情,龔嘉欣每次飛馬來西亞,兩地都要隔離14日,因此每次飛大馬,她亦會盡量逗留較長時間才返港。為陪男友,今年除為劇集《殺手》宣傳,便只接拍12集的《香港愛情故事》,直至近日才客串演出 《金宵大廈II》。

男友多女埋身龔嘉欣狠斬情絲

不過計劃永遠追不上變化,近日留港拍攝新劇《金宵大廈II 》的龔嘉欣,原來已同大馬富二代男友Bryan分手。據知情者透露:「每次嘉欣去大馬, Bryan都會陪到實,對嘉欣照顧得好周到,拍拖冇耐已經成日帶嘉欣見自己啲朋友,又買咗架波子畀嘉欣揸嚟開工,架車嘅車牌頭兩個英文字『KB 』,仲係佢同男友嘅英文名縮寫,嘉欣點會唔冧,一提男友嘉欣都會甜到漏,大家以為佢今次真係搵到真命天子,估佢會好快會結婚,冇諗到嘉欣呢排喺香港拍劇,男友喺大馬原來不甘寂寞,好多女埋身,而Bryan亦都來者不拒,嘉欣知道後斬情絲。」舊嘅唔去新嘅唔嚟!三十歲的龔嘉欣其實仲有時間揀,根本不用心急呢!

去年12月,龔嘉欣在馬來西亞投資開設火鍋店,有傳是富男友Bryan打本。
去年12月,龔嘉欣在馬來西亞投資開設火鍋店,有傳是富男友Bryan打本。
大馬火鍋店開幕當日,男友Bryan亦有到場,不過影相時就刻意和龔嘉欣各據一方。
大馬火鍋店開幕當日,男友Bryan亦有到場,不過影相時就刻意和龔嘉欣各據一方。
身邊班好姊妹陳凱琳、譚凱琪及沈卓盈個個嫁得好,令龔嘉欣更渴望嫁人上岸!
身邊班好姊妹陳凱琳、譚凱琪及沈卓盈個個嫁得好,令龔嘉欣更渴望嫁人上岸!
超級喜歡小朋友的龔嘉欣,抱住契仔鄭承悅慈母上身!
超級喜歡小朋友的龔嘉欣,抱住契仔鄭承悅慈母上身!
在無綫十三年的龔嘉欣,今年初終於儲夠首期以九百多萬買入將軍澳維景灣畔兩房單位自住,早前她一個人頻撲為新居添置家品。
在無綫十三年的龔嘉欣,今年初終於儲夠首期以九百多萬買入將軍澳維景灣畔兩房單位自住,早前她一個人頻撲為新居添置家品。