30歲陳瀅家境富裕生活無憂 32C緋聞女王終於有劇開

Dec 22 2019

廣告

歌詞「萬能key」陳瀅好似好耐都唔見人，唔知以為佢已經退出娛樂圈。不過終於有新劇《黃金有罪》上，最近亦見到佢現身拍攝現場，新劇重做埋第二女主角。不過講起陳瀅，大家未必記得佢做過咩角色，但歌詞萬能key就好記得，唔知算好事定壞事呢？

撰文、圖片：東方新地

緋聞女王陳瀅齋玩唔開工轉投邵氏終於有劇拍

年中一半時間傳吓緋聞又澄清吓，另一半時間就係約埋班圈中閨密遊山玩水晒吓水著，唔知真係以為陳瀅冇工開好得閒㖭！嚴正聲明，陳瀅係有工開嘅！去年開始由無綫轉投邵氏旗下，邵氏其實咪又係無綫，家陣陳瀅就為新劇《伙記辦大事》開緊工。

陳瀅於新劇中飾演一名義氣仔女，形象爽朗又男仔頭，同平時女神形象大不同。

拍完一場外景，成班工作人員浩浩蕩蕩跟住陳瀅番上電視台小巴。

家境富裕生活無憂 30歲女未定性

身為第二女主角，陳瀅日前去到九龍灣拍外景，現場最主要演員就係佢，拍完一場即浩浩蕩蕩帶住大隊工作人員回到基地變裝換衫，轉個造型又再趕拍下一場。雖然家境富裕唔使憂柴憂米，但話晒都30歲大個女，間唔中都應該要專心做吓嘢平衡生活！

轉個頭，換過一身sporty造型，落車埋位繼續拍過。

新劇唔露胸，大家想睇佢32C身材唯有去佢IG慢慢睇啦。

冇工開嘅日子，陳瀅最愛約埋三五知己吃喝玩樂，仲經常去滑水㖭。

黃金有罪, TVB, 陳瀅 — 新劇《黃金有罪》中，陳瀅再一次復古造型出演，當中唔少性感演出。

延伸閱讀：《黃金有罪》劇情、角色簡介重溫七、八十年代香港「魚翅撈飯」發達軌跡

關鍵詞