31歲何浩文喪黐太子女王子涵、肯剝肯露好識做抵王晶錫

娛聞

廣告

做過男子唱跳組合、唱過歌拍過劇、出過寫真做過電影《鴨王》,仲同糖妹拍過拖,大隻 仔何浩文浮浮沉沉十二年,雖然事業未有大突破,不過勝在泊到個好碼頭,身為星王朝旗下 藝人,有老闆王晶帶挈一直有工開。

撰文:東方新地 圖片:東方新地、何浩文Facebook

何浩文肯剝肯露夠識做

其實又抵晶哥錫住何浩文嘅,大大隻肯剝肯露聽話聽教之餘,何浩文撈足多年亦都好人緣又識做。上年同王晶個女王子涵、吳業坤、蔡瀚億(BabyJohn)等人合作電視劇《荷里活有個大老千》後,成班後生仔女日對夜對自然friend咗,就算拍完套劇都會私下約出嚟見面。日前何浩文就約埋王子涵、吳業坤同BabyJohn到九龍塘飲茶吹水,全程見何浩文對老闆女王子涵特別殷勤照顧,斟茶遞水。

份屬同一公司,又一齊合作過電視劇《賭城群英會》及《荷里活有個大老千》,何浩文呢期同太子女王子涵行得特別埋。
份屬同一公司,又一齊合作過電視劇《賭城群英會》及《荷里活有個大老千》,何浩文呢期同太子女王子涵行得特別埋。
呢日何浩文約埋王子涵、吳業坤同BabyJohn到九龍塘飲茶吹水,臨散水前何浩文主動提議玩 selfie。
呢日何浩文約埋王子涵、吳業坤同BabyJohn到九龍塘飲茶吹水,臨散水前何浩文主動提議玩 selfie。
影完相顧家男 BabyJohn先行離開,何浩文同坤哥就喺度打打鬧鬧唔捨得走。
影完相顧家男 BabyJohn先行離開,何浩文同坤哥就喺度打打鬧鬧唔捨得走。
何浩文孖太子女陪坤哥行去攞車。
何浩文孖太子女陪坤哥行去攞車。

喪黐太子女抵王晶錫

飲完茶行出門口,何浩文主動提議影番張大合照,之 後BabyJohn先行離去,其餘三人再步行去攞車。沿途有講有笑好開心,之後送走坤 哥,何浩文繼續黐住太子女王子涵意猶未盡去行街街。咁啱畀佢哋撞到高海寧喺 附近拍劇,三人喜相逢又吹咗陣水,其後突然間落大雨,何浩文即揸車護送王 子涵離開,好貼心囉!

又會咁啱巧遇同區開工嘅高Ling ,唔講唔知高Ling同王子涵又係friend底,之前合作過電視劇 《賭城群英會》,所以大家一見面都好熱情攬吓先。
又會咁啱巧遇同區開工嘅高Ling ,唔講唔知高Ling同王子涵又係friend底,之前合作過電視劇 《賭城群英會》,所以大家一見面都好熱情攬吓先。
突然落大雨,何浩文即揸車護送王子涵離開,照顧周到。
突然落大雨,何浩文即揸車護送王子涵離開,照顧周到。
多得王晶呢個多產老竇,王子涵唔憂冇嘢撈。
多得王晶呢個多產老竇,王子涵唔憂冇嘢撈。
身型操到咁fit,大大隻肯剝肯露聽話聽教,抵佢有咁多job!
身型操到咁fit,大大隻肯剝肯露聽話聽教,抵佢有咁多job!