36歲苟芸慧嫁富三代樂做少奶奶 放下事業追求個人夢想
廣告
結婚年多，老公陸漢洋係富三代當然唔憂做，苟芸慧乾脆放下事業追求吓個人 夢想，享受吓少奶奶生活！
撰文、圖片：東方新地
苟芸慧嫁富三代樂做少奶奶 周遊列國盡情玩
苟芸慧呢幾個月不斷飛加拿大、韓國、日本等地周遊列國盡情玩，之後返港鑽研Disciples Escoffier 專業文憑課程，然後又去享受陽光與海灘relax吓放 空，苟姑娘仲話日日瞓到自然醒，不知幾爽！
同老公合體遊街晒恩愛 做知情識趣好老婆
日前佢終於回歸，陪老公合體遊街晒恩愛。兼任多家公司董事、因熱愛賽車而轉型做職業賽車手嘅陸漢洋瓣數多多，陪老 婆拍拖時電話冇停過不斷傾公事，呢頭至收線，嗰頭去到商場門口又撞到熟人嗲番幾句。而成功男人背後，當然有個知情識趣嘅好老婆，陸漢洋同朋友打招呼時，苟姑娘就乖乖靜靜地隱身背後，等老公傾夠為止，非常識做！
