36歲陳蕊蕊狠撇爛滾金剛 大隻仔新歡曝光

娛聞

廣告

當年藝人金剛同擁有34F導彈身材的女友陳蕊蕊拍拖近三年,經常都高調曬愛,金剛仲帶蕊蕊返台灣見家長,諗住實食無黐牙,點知男方搣唔甩喪蒲爛滾性格,終令蕊蕊忍痛分手。事隔多年,蕊蕊好似終於有著落,希望佢今次唔會揀錯郎啦!

撰文、圖片:東方新地

陳蕊蕊導彈身材仍留不住金剛終忍痛分手

當年陳蕊蕊同金剛拍拖最終難頂男方愛蒲爛滾忍痛分手,金剛同34D台灣女友Nana拍拖以來 不時放閃,而陳蕊蕊單身三年都未聽聞感情有著落,次次見親記者都呻冇人敢追喎,聽落 好陰功豬囉!原來唔聲唔聲,新歡已登場,係蕊蕊收埋未公開啫!

神秘新歡曝光鍾情大隻仔

日前蕊蕊出席完活 動,滾水淥腳收拾離場,場外就有大隻猛男接收工,等到蕊蕊之後一齊行去攞車,再同車 返埋去清水灣半島香閨,似乎已經發展到同居階段。

其實睇勻歷任男友,蕊蕊對大隻仔情有獨鍾,除咗金剛仲有曾經同周秀娜拍過拖嘅陳 偉成,個個大隻仔最終都係衰愛蒲爛滾搞到分手收場,今次又埋大隻仔身,希望帶眼識人 打破宿命啦!