38歲譚凱琪hard sell好姊妹 「少婦聯盟」騷長腿陪嫁

撰文、圖片：東方新地

譚凱琪hard sell好姊妹娶得過

同另一半莊日宇（Enrico）愛情長跑足足八年，上個月宣布結婚，日前譚凱琪喺IG大晒甜蜜婚照，sweet到爆！幾位「少婦聯盟」成員當然都好戥好姊妹開心，更為Zoie搞咗個婚前派對，兼且趁機影輯靚相留念。Zoie留言：「有日同呢班女人講，不如影輯相留個念。聽完之後，一個9秒9走去搵攝影師，一個安排氣球布置、準備蛋糕，一個就全程咁配合，大家話呢個團隊正唔正呢？簡直係實幹型，娶到佢哋真係無敵呀！」相中新娘子Zoie以橙色羽毛裙上陣，而其餘三人就著上全黑色禮服，由戶外影到室內酒店房，充滿幸福喜悅！

「少婦聯盟」由來：全因民初劇《平安谷之詭谷傳說》

「少婦聯盟」當中陳凱琳三十歲都未到，龔嘉欣亦都只係剛剛踏入三十，何解會叫自己少婦？其實源自她們合作的無綫民初劇《平安谷之詭谷傳說》，四人在劇中都已嫁作人婦，在封建傳統社會欺壓下團結起來反抗。私底下四人一拍即合，圍內又講啲師奶嘢，所以美其名叫「少婦」，眾人開了WhatsApp Group分享邊度有減價，邊度有著數，仲會約埋一齊去百貨公司shopping。唔止少婦，其實仲好師奶。