39歲謝霆鋒chok足十年 皮膚好到踩埋過美容界

娛聞

謝霆鋒歌唱、廚藝了得唔在講,滑溜嘅肌膚最近更獲法國品牌睇中,獲邀擔任代言人,實行踩埋過美容界!

撰文、圖片:東方新地

謝霆鋒搞大型搖滾美食節 音樂美食瓣瓣掂

謝霆鋒近年積極拓展餐飲事業版圖,由佢一手創立嘅自家品牌「鋒味」亦搞得有聲有色,早前更一償心願將兩大強項音樂加美食大玩crossover,成功舉辦大型搖滾美食節,瓣瓣精瓣瓣掂!

chok樣十年不變 護膚秘訣:最緊要快

啱啱喺澳門完成「美獅鋒味搖滾美食節」,馬不停蹄嘅霆鋒旋即以大使身份出席法國品牌新品發布會。為配合新product,發布會現場布滿各式各樣嘅一比一仙人 掌,霆鋒自言置身於仙人掌花園感覺清新舒暢。之後,霆鋒即場分享其護膚心得:「最緊要係快、精準同方便。男士通常都怕麻煩,最好一支product搞掂晒,呢款product就啱晒。」睇見39歲嘅霆鋒chok樣十年不變,的確有說服力嘅!

讀者留言