51歲袁文傑騷肌輸24歲周嘉洛 疫境加操做最型大叔

娛聞

廣告

69年出世、19歲入行,今年1月過埋51歲生日,「游生」袁文傑近日喜孜孜對外公布,較早前身體測試結果,顯示身體機能竟然維持在35歲,比真實年齡後生足16年!其實拍足32年戲、遊走全港大小媒體、近年再靠拍劇於無綫入屋走紅,游生皮光肉滑、高大威猛,唔使機測、目測都可以判定呢位新一代電視台不老男神保養得宜!不過袁文傑早前在《愛.回家之開心速遞》其中一集孖住「廢青安」周嘉洛的一場桑拿騷肌戲,卻輸畀近來愛上健身的後輩,對自己外型要求極高的袁文傑立即加緊操肌,就算近來新冠肺炎肆虐都無阻決心,誓要做個最有型最有款嘅大叔!

撰文、圖片:東方新地

袁文傑疫境加操保住金漆招牌

隨著《大醬園》播畢完成宣傳工作,加上電視台不少工作為配合抗疫停拍,袁文傑未有新劇開,暫時只間中為《愛.回家之開心速遞》開工,平時都以居家為主。不過停工不停操,平時有做開運動的袁文傑,近來未受疫情影響而減少運動量,反之有增無減,由過去每周兩日加至五日運動量。除了對自己要求高,袁文傑近來密密加操,原來另有內情,早前播出和周嘉洛一場焗桑拿赤膊戲,大家焦點全落在周嘉洛身上,兩男露肉,向來keep得好的袁文傑,對住個後生自己一半嘅周嘉洛亦難免比下去,知情者透露:「白白淨嘅周嘉洛以前只係打吓波行吓山,冇去健身,幾個月前先開始跟教練去操,平時收收埋埋,咁啱要拍場赤膊上身嘅桑拿戲,嗰日佢一除衫大家都嘩然,播出街立即成為話題,當日同場嘅袁文傑不時翻睇啲片段,唔甘心輸畀個後生,要保住弗足咁多年嘅金漆招牌,所以去加操,主力操胸肌 ﹗」唔贏都唔可以輸,雄性鬥心一發不可收拾!

 16年回流無綫憑《不懂撒嬌的女人》「游生」一角入屋,6呎2吋模特兒出身的袁文傑一身便服去做個 GYM都好似行 catwalk一樣,輕易成為銅鑼灣街頭一道英偉風景線。
16年回流無綫憑《不懂撒嬌的女人》「游生」一角入屋,6呎2吋模特兒出身的袁文傑一身便服去做個 GYM都好似行 catwalk一樣,輕易成為銅鑼灣街頭一道英偉風景線。
 男神唔易做,為了唔輸畀後輩,袁文傑由平常每周兩日健身,近來加操至五日,當中包括跑步、練拳、舉鐵樣樣都唔少得。近日因政府頒布健身院要暫停十四日,袁文傑上載運動片段時,留言話將轉場到公園,以及正物色跑步機回家日跑夜跑,更興奮地公布近日體脂又減去2%,不過未有公布胸肌數字。
男神唔易做,為了唔輸畀後輩,袁文傑由平常每周兩日健身,近來加操至五日,當中包括跑步、練拳、舉鐵樣樣都唔少得。近日因政府頒布健身院要暫停十四日,袁文傑上載運動片段時,留言話將轉場到公園,以及正物色跑步機回家日跑夜跑,更興奮地公布近日體脂又減去2%,不過未有公布胸肌數字。
 操肌漸見成績,已成功操出手瓜起𦟌。
操肌漸見成績,已成功操出手瓜起𦟌。
 51歲袁文傑雖然身形弗,不過線條及立體點都唔及近來秘密練大隻的24歲「廢青安」周嘉洛。
51歲袁文傑雖然身形弗,不過線條及立體點都唔及近來秘密練大隻的24歲「廢青安」周嘉洛。
 周嘉洛練得一副雞扒胸兼夾有腹肌,立即令人眼前一亮。
周嘉洛練得一副雞扒胸兼夾有腹肌,立即令人眼前一亮。

健康日常曝露逆齡秘密

袁文傑果然有決心,日前從北角寓所出發到銅鑼灣健身室操肌,做完運動出完一身汗,以港鐵代步回到北角,然後行轉超市買餸,買的都是生果蔬菜,早餐揀麥包,食得健康又節制,汽水零食肥膩嘢?絕對係絕緣體。其實51歲袁文傑要同24歲周嘉洛比,真係要求過高,他早已是在行內出名愈活愈年輕的表表者,不時被問到個人保養秘技,袁文傑向本刊記者透露:「首先多得媽媽,在世時一個星期煲足七晚湯,可能飲得湯水多打底打得好。仲有平時飲好多清水,剃完鬚一定用保濕精華再敷面膜。同埋飲食清淡啲、少肉多菜夠營養!」唔係得把口,拍劇以外,袁文傑的確作息正常、生活又規律,近日加操,身形更弗不在話下,變筋肉人日子不遠矣!

51歲袁文傑騷肌輸24歲周嘉洛  疫境加操做最型大叔

 為免女友出門採購,暖男袁文傑回家前再採購埋生果雞蛋同早餐麥包,飲食習慣果然健康清淡。
為免女友出門採購,暖男袁文傑回家前再採購埋生果雞蛋同早餐麥包,飲食習慣果然健康清淡。

51歲袁文傑騷肌輸24歲周嘉洛  疫境加操做最型大叔

 輪仲真係有幫襯。袁文傑自爆一把年紀但活力、童真不減,喜歡搵年輕時的回憶。原來是日在 CD舖入手的,就係年輕時最愛日本漫畫大師池上遼一紀念畫冊,網上炒價過500蚊!
輪仲真係有幫襯。袁文傑自爆一把年紀但活力、童真不減,喜歡搵年輕時的回憶。原來是日在 CD舖入手的,就係年輕時最愛日本漫畫大師池上遼一紀念畫冊,網上炒價過500蚊!
 銅鑼灣回北角寓所,有咩方便得過三站港鐵?6呎2吋袁文傑上車靠近車門站好,高度差點到車廂頂部。
銅鑼灣回北角寓所,有咩方便得過三站港鐵?6呎2吋袁文傑上車靠近車門站好,高度差點到車廂頂部。

51歲袁文傑騷肌輸24歲周嘉洛  疫境加操做最型大叔

 半百有一的袁文傑向來注重飲食及保持運動,身型弗,只是未有練得一嚿嚿肌肉。
半百有一的袁文傑向來注重飲食及保持運動,身型弗,只是未有練得一嚿嚿肌肉。
 1月28日慶祝51歲生日,袁文傑例牌與女友Jackeline度過,平淡中見甜蜜。愛貓囝仔雖然年前過世,不過就有囝仔貓毛製成的毛氈公仔替補陪食。
1月28日慶祝51歲生日,袁文傑例牌與女友Jackeline度過,平淡中見甜蜜。愛貓囝仔雖然年前過世,不過就有囝仔貓毛製成的毛氈公仔替補陪食。

讀者留言