53歲張松枝憶童年跟父母「黐膠花」自爆16歲入行經過

娛聞

廣告

有「綠葉王」之稱的張松枝日前為香港開電視節目《是敢的》擔任嘉賓,他透露自己出生於香港60年代的窮困家庭,但他自言有個快樂童年:「當年我每日只有七毫子零用錢,食完早餐、買完雪條,仲可以剩低兩毫子嚟買聖誕禮物,都好開心!」

撰文、圖片:東方新地

張松枝入行曾做「卡拉OK王子」

張松枝表示家中有七兄弟姊妹,自幼在屋邨成長的他,經歷過跟父母「 黐膠花 」、裝嵌零件幫補家計的日子,他說:「 呢啲畫面成日喺我腦海入面出現,其實感覺好溫馨。」張松枝又憶述16歲時被星探發掘成為模特兒拍攝廣告,他表示: 「當時去普通工廠做暑期工一個月只得三千幾蚊,但拍一個廣告已經可以賺到二千蚊。」及後卡拉OK流行,張松枝成為「卡拉OK王子」,擔任卡拉OK模特兒,最興旺時期一星期可以開工四天,每天拍三、四首歌,收入不俗。

張松枝表示家中有七兄弟姊妹,自幼在屋邨成長的他,經歷過跟父母「 黐膠花 」
張松枝表示家中有七兄弟姊妹,自幼在屋邨成長的他,經歷過跟父母「 黐膠花 」
張松枝憶述16歲時被星探發掘成為模特兒拍攝廣告
張松枝憶述16歲時被星探發掘成為模特兒拍攝廣告

張松枝當年在朋友介紹下加盟無綫,多年來一直擔當「綠葉」角色,他說:「做配角嚟講,其實我做得好開心,壓力冇咁大,又能夠有多啲發揮空間,因為主角往往會畀導演、監製限制多啲,但配角就冇人理你,所以我好滿足於自己嘅崗位。」

張松枝當年在朋友介紹下加盟無綫,多年來一直擔當「綠葉」 角色
張松枝當年在朋友介紹下加盟無綫,多年來一直擔當「綠葉」 角色

大讚太太是萬中無一好妻子

張松枝在節目中盛讚太太是萬中無一,一直很支持他:「 佢放棄咗事業、放棄所有嘢嫁畀我,為我生兒育女,我當時都有問佢點解揀我?原來當年佢有睇《 巾幗梟雄 》,佢覺得我做得好好,應該有更好嘅演藝前途,太太話『 我同你一齊都有希望,只要你努力一啲,我鞭策一下你,咁就可以。』」

張松枝在節目中盛讚太太是萬中無一,一直很支持他
張松枝在節目中盛讚太太是萬中無一,一直很支持他

張松枝結婚低調享受家庭樂

張松枝喺無綫做綠葉王多年,2012年離巢,之後拍過劇集又闖進影壇,不過講到人 氣急升,點都唔及早前 ViuTV 套神劇《二月廿九 》中演辰叔咁勁,喺劇中同女主角吳海昕嘅一段父女情,演繹細膩、扣人心弦。而現實中張松枝都係為人父,結婚12 年,囝囝今年11歲,不過張松枝對家事向來低調,極少晒家庭照。唔晒唔代表關係唔 好,早幾日張松枝就同太太、囝囝一家三口家庭樂,一家之主嘅佢負責揸車,泊好車落地,企埋一邊等埋太太同囝囝,然後三人行去商場買吓嘢,之後去食飯,生活平淡 但實在!

張松枝一個回眸眼神,竟然充滿戲味,果然渾身是戲﹗
張松枝一個回眸眼神,竟然充滿戲味,果然渾身是戲﹗
泊好車,張松枝等埋太太同囝囝,唔係翹埋對手敦起個款,只係話晒喺停車場,緊張望實囝囝啫﹗
泊好車,張松枝等埋太太同囝囝,唔係翹埋對手敦起個款,只係話晒喺停車場,緊張望實囝囝啫﹗
一家之主帶頭行先,為老婆同囝囝先搵定商場出口,非常貼心。
一家之主帶頭行先,為老婆同囝囝先搵定商場出口,非常貼心。
一家三口去商場行街食飯家庭樂,今年11歲嘅囝囝,已經高過張松枝膊頭了﹗
一家三口去商場行街食飯家庭樂,今年11歲嘅囝囝,已經高過張松枝膊頭了﹗

妻子為有名化妝師 林峯做媒人撮合

張松枝甚少刻意提及太太,原來太太係行內有名嘅化妝師 Mae Von,以前係林峯嘅御用化妝師,當年仲係林峯介紹佢哋認識,係張松枝同太太嘅媒人!依家張太係一 間化妝學校嘅校長,桃李滿門,已經好少再幫人化妝,除咗佢老公啦!

張松枝喺《二月廿九》嘅留鬚、頭髮斑白造型佬味十足,其中一集突然變番後生,立即被指激似孔劉。
張松枝喺《二月廿九》嘅留鬚、頭髮斑白造型佬味十足,其中一集突然變番後生,立即被指激似孔劉。
張松枝參演電影《無雙》同主角周潤發、郭富城等打成一片,閒時佢仲跟隨發哥去跑山㖭﹗
張松枝參演電影《無雙》同主角周潤發、郭富城等打成一片,閒時佢仲跟隨發哥去跑山㖭﹗
今日張松枝喺演藝圈嘅成績,最開心係張太至真,當年喺無綫多年不受重用,張松枝做到心灰意冷,就係張太鼓勵佢唔好為養家而煩惱,要為理想向外闖,之後以雙倍人工簽咗畀王維基,雖然最後開唔到台,但轉戰影壇,電影一套接一套!
今日張松枝喺演藝圈嘅成績,最開心係張太至真,當年喺無綫多年不受重用,張松枝做到心灰意冷,就係張太鼓勵佢唔好為養家而煩惱,要為理想向外闖,之後以雙倍人工簽咗畀王維基,雖然最後開唔到台,但轉戰影壇,電影一套接一套!

張松枝與日、韓星撞樣事件薄

張松枝曾因韓劇 《 太陽的後裔 》、《 屍殺列車 》、《 鬼怪 》大熱時,被指同男神孔劉撞樣!其實張松枝已經唔係第一次跟韓星撞樣,早前hit爆嘅《太陽的後裔》Oppa宋仲基,已經有網民提出2人好相似。另外撞樣主角仲有演出《半澤直樹》和《Grand Maison東京》的日本男星及川光博,雖然撞樣,但大家都各有特色,演技同樣出色!

不少網民都指在戲院中一看到孔劉的樣子,便立刻想起張松枝。
不少網民都指在戲院中一看到孔劉的樣子,便立刻想起張松枝。
53歲撞樣綠葉王張松枝人氣急升 媒人林峯撮合結婚12年低調享受家庭樂
撞樣主角仲有演出《半澤直樹》和《Grand Maison東京》的日本男星及川光博
53歲撞樣綠葉王張松枝人氣急升 媒人林峯撮合結婚12年低調享受家庭樂
早前hit爆嘅《太陽的後裔》Oppa宋仲基,已經有網民提出2人好相似
53歲撞樣綠葉王張松枝人氣急升 媒人林峯撮合結婚12年低調享受家庭樂
雖然撞樣,但大家都各有特色,演技同樣出色!