56歲花底陶大宇 與傳媒高層女友秘戀10年為圓母願終再婚

娛聞

56歲陶大宇曾經失婚又多次在情路上碰壁, 本來與十年女友低調同居並沒有再婚之意,據悉為了一還媽媽心願,陶大宇亦開始盤算要正式給另一半一個名份。

撰文、圖片:東方新地

陶大宇見過鬼怕黑 與傳媒高層低調相戀十年

陶大宇當年被郭羨妮狠飛、曾經與前妻阿寶短暫復合,形象嚴重受損的陶大宇從此以後對於戀事低調處理,亦都明顯小心翼翼免再與對手戲女拍檔甚至圈中人再有瓜葛。而現時留在身邊的女友份屬傳媒高層,雖然相戀相伴十年,但二人相識早有一段歷史。

為圓母親心願 終賜秘戀十年女友賜名份

陶大宇希望多陪伴的,除了媽媽還有身邊女友,據知情人士透露:「當大宇最失意時得到任職報章高層嘅女友鼓勵和支持,漸生情愫走埋一齊,女朋友做傳媒,最明白不過遊戲規則,一直都默默無聞保持低調,亦都心甘情願無話過想要咩名份。其實結過婚又離過婚,大宇本來都好滿足現狀。不過媽咪成九十歲、又試過跌親尾龍骨大病初癒,尤其係呢幾年返香港發展多咗時間陪媽媽,佢知道媽媽始終都係想佢身邊有個人照顧,所以真係有結婚計劃,想媽媽了咗個心願,亦都感激女朋友咁多年扶持,想畀番個名份人。」曾經在感情路上負過不少人,56歲陶大宇終於唔再做隻冇腳嘅雀 仔,肯為另一半許下照顧的承諾。

女主人持家有道 顧三頭家無難度

日前就見陶大宇駕駛座駕在九龍城出現,行完街市再去埋超 市,大舉入貨後驅車離開,原來全程相伴在側坐在副駕上的正是同居女友。據悉陶媽媽住在南區有家人和外傭照顧、兩口子在西貢同居、 女友娘家則在深水埗。女友持家有道又細心,有時購物一次過兼顧三頭住家食糧和日用品。這日去九龍城入完貨,陶大宇就熟路先駛回女友娘家附近,等候外傭落樓取貨。大宇女友前後交託外傭兩大袋餸菜日用品後,再盡塞多兩排紙包飲品和零食。女主人逐樣打點、逐樣交代搞足十分鐘,殷勤陶大宇雖然第一時間走落車想幫手又難以插手,只好尷尷尬尬頭站在一邊,等女朋友話晒事處理妥當,才上車齊齊返回同居愛巢。

讀者留言