6女星iPad胸變巨峰之謎

6女星 iPad 變巨峰之謎

娛聞

廣告

做藝人當然要聲色藝俱全!尤其女星,為了增加曝光率,除了搬弄是非炒作新聞之外,少不免「谷」胸作勢,務求突圍而出!上周人妻袁靚靚稍稍一谷,露半球震撼娛圈,而圈中突然由iPad變巨「峰」女星代表,以下6位當之無愧!

圖文:東方新地

01. 一味靠塞 蔡依林

台灣天后蔡依林(Jolin)出道時身材平平,但2004年個唱中以爆乳裝見人後,即時「乳出驚人」,被封為「G奶」,因此惹起僭建疑雲!

另外,Jolin上圍經常忽大忽細,為免再惹起不必要猜測,Jolin曾於公開場合,承認「G奶」係靠人工僭建:「因為沒塞東西啦!要跳舞不想塞。」

02. 墊Pad王林志玲

林志玲模特兒出身,最初未紅行catwalk時,大家可以清楚睇到Chiling根本係iPad身形,何以胸前會忽然偉大呢?

最奇妙嘅係,Chiling好似化身魔術師一樣,能將自己上圍變得時大時細!真相原來係,有幕後女工作人員爆料,指Chiling有圈中「墊Pad王」之稱,而且為配合唔同性感裝束,出騷前會自備大小不同顏色胸墊,咁就能營造出34C波濤汹湧效果!

02. 谷壞胸 熊黛林

熊黛林初出道時,不但四方面,而且更擁有「飛機場」,但走紅後,樣子愈來愈索,33C上圍更係好吸睛!

由於變化實在太大,曾多次被指整容嘅熊黛林,曾回應:「天生就是這樣,愛看不看!」不過,其時大時細之謎,有傳原來都係密密加墊而成!有一次,熊黛林如常於活動上谷到行,點知卻唧到大細胸,佢即用普通話說:「討厭!」之後無奈說:「每個女仔都係咁啦,左邊大右邊細,好平常!」

04. 消失的巨咪 楊冪

正所謂人紅是非多,楊冪亦因樣子標致而引起整容疑雲!睇番佢未出道前照片,現在確實標緻得多!

而楊冪2011年於電影《孤島驚魂》中彎腰俯身相,35D巨無霸上圍除了令不少宅男噴晒鼻血,亦因此引起隆胸疑雲!曾有網友爆料指於北京一家豐胸整形機構,目擊一名貌似楊冪女子去諮詢新式豐胸手術。其後楊冪當然例牌否認,不過,2014年首播內地劇《古劍奇譚》,以低胸古裝亮相嘅楊冪,巨大咪咪突然消失,撲朔迷離!

05. 天然變大 梁詠琪

梁詠琪出道時係人都知佢身材平平無奇。而佢曾於活動上谷到盡,不過礙於只有33A排骨胸,唧到好似太陽蛋咁凸都算好嘢!

其後GiGi於港產片《香港仔》 喺泳池邊晒36D爆乳,相係真完全冇PS過,但為部片GiGi甘心裝假狗!不過世事無絕對!GiGi今年誕下女兒後,由於堅持餵哺母乳,上圍由33A升至34B,成功谷出天然奶!

06. 禾稈冚珍珠 袁詠儀

人妻袁詠儀於1990年成為港姐冠軍,當年參選時三圍只有32.5、24、35,身材有幾平?睇佢同吳綺莉為周刊影封面相就知,難怪曾被取笑係平胸港姐

不過,近日靚靚於活動上穿超性感deep V紅裙,賣大包真空上陣露波邊,由iPad胸變巨乳人妻,不但令全場譁然,睇佢得戚笑容,就知佢有幾自信!事後佢老公張智霖亦大讚: 「佢一向好嘢,大家唔知啫,佢禾稈冚珍珠,我就識嘢!」

相片來源:部分為網上圖片

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk