鍾培生開出嫁入豪門10大條件 自爆肉體上不介意一夜情

文：東方新地 ｜圖：鍾培生IG、林作IG、新傳媒圖庫

開出嫁入豪門10大條件

含住金鎖匙出世的鍾培生（Derek），祖父是已故的「工廈大王」鍾江海，家族擁百億資產。但鍾培生不甘於做二世祖，22歲靠自己創立電競公司，事業有聲有色，更獲「香港電競之父」封號，現時賬面個人身家超過3億元，必然是女生們眼中的筍盤。不過鍾培生日前接受傳媒訪問時卻表示仍然單身，24歲才初戀的他，至今共拍過5次拖，最長兩年，最快一個月便分手。Derek直言自己最大缺點是比較難相處，認是自己性格有問題，笑言唔會怪罪女仔，所以會檢討自己。

想生夠3至6個小朋友

鍾培生對伴侶要求亦相當高，更親列擇偶10大條件，首要竟然要好生養，話明自己想要3至6個小朋友，列出條件包括樣靚、身材正、有修養、價值觀一致、年齡介乎25歲至35歲，外在條件以外是唔好遲到，要勤力，肯自我增值，又話唔可以瞓十個鐘，因為本身覺得瞓覺好浪費時間，平時自己也是瞓三、四小時，所以唔想另一半瞓覺十個鐘，擇偶條件好特別。

鍾培生與嫲嫲及父母合照。

肉體上不介意一夜情

訪問中提及一夜情，鍾培生自認沒有膽量嘗試，只笑言肉體上不介意一夜情，但在精神及實際上都是介意的。因為他要尊重自己未來的老婆，如果自己太太是大家閨秀，自己識啲本身唔潔身自愛嘅女仔玩one night stand，未來老婆會難以面對。

被田蕊妮睇死：「明點解搵唔到女朋友」

2018年鍾培生亮相無綫節目《女人四十》，與人妻田蕊妮玩Speed Dating。席間，鍾培生直言自己男性荷爾蒙太多，比一般男性對異性的需求會大少少，阿田聽完即反問：「咁你咪好鹹濕！」到最後，田蕊妮經初步了解鍾培生後，認為Derek為人性急，鍾意用分數衡量每件事，阿田更說：「我會明白點解佢搵唔到女朋友。」這段訪問近來再被翻叮，鍾培生日前在訪問中亦有為自己「平反」，他指當時有藝人態度惡劣，自己受到人身攻擊，但被節目cut走，表示上節目只為幫朋友當玩吓。