呂慧儀

呂慧儀張景淳堅拍拖?!「龔水CP」拖手睇戲返香閨斷正

最強精選

廣告

呂慧儀張景淳堅拍拖?!現年36歲的「長腳蟹」呂慧儀在今年3月宣布同前夫黃文廸離婚,一直表現堅強的她,原來有好拍檔兼密友、38歲張景淳在旁支持,二人唔止在處境劇《愛回家‧開心速遞》中修成正果,二人戲外也戲假情真疑似撻著了!今日有報道指二人約去睇戲,期間更有拖手頭貼頭好親密,睇完戲佢哋仲有下文,揸車四出搵食,然後買小食齊齊返回長腳蟹位於屯門的香閨!其實長腳蟹喺大台處境劇《愛.回家之開心速遞》中的飾演熊若水與張景淳飾演龔燁,由歡喜冤家變成情侶,不少人都讚呢Pair好sweet好登,如果佢哋真拍拖,相信大家都會支持嘅!

撰文:東方新地 圖片:新傳媒圖片、Instagram、電視截圖

呂慧儀張景淳 拖手睇戲返香閨斷正

呂慧儀近年在《愛回家‧開心速遞》飾演的熊若水Mary Hung一角 入晒屋,人氣爆燈之時,其夫黃文廸的演藝事業相對失色,自14年囝囝蟹子黃柏翹(Anton)出世後,不時聽到呂慧儀透露想追多個湊個 「好」字,但及後唔止冇提及追B,就連老公黃文廸都唔見影。及至今年3月中,呂慧儀與黃文廸在社交網發聯合聲明宣布離婚,指早在去年(2018年)「變回朋友關係」,敵不過七年之癢,婚姻最終破滅。

呂慧儀
雖然呂慧儀聲言離婚不涉及第三者,但日前黃文廸卻被斷正與新女伴由天水圍坐巴士出銅鑼灣,在巴士上更啜爆女伴,事後呂慧儀被記者追問時顯得非常尷尬,黃文廸啜女亦因此成為公開發離婚聲明的導火線。
呂慧儀
呂慧儀與黃文廸於11年結婚,14年誕下囝囝蟹籽,早年夫婦恩愛,不時孖住出活動。

今年4月宣布離婚

呂慧儀在社交網公開離婚聲明,表示早於去年已離婚,二人指 將會共同撫養兒子Anton,因為父 母的角色是從來不會改變。離婚消息一出雖然令人震驚,但冰封三尺非一日 之寒,其實呂慧儀與黃文廸的感情早已備受考驗,有傳女尊男卑爭執未停過,黃文廸亦花弗成性,日前更被斷正在巴士上公然啜女,令呂慧儀徹底死心。

呂慧儀張景淳堅拍拖?!「龔水CP」拖手睇戲返香閨斷正

呂慧儀
呂慧儀毅然決定離婚,近半年只在社交網分享大量處境劇 《愛.回家》劇中演員的合照,以及分享跟蟹籽的母子生活點 滴,似乎真的如她在聲明中所言:「我們選擇低調處理是為免影響兒子的成長。」極力保護蟹籽有一個健康的童年。

呂慧儀張景淳堅拍拖?!

前夫有新歡,婚姻失意的呂慧儀亦不愁寂寞,她在《愛.回家》中與張景淳(劇中飾演龔燁)的一段情,發展一年已漸入佳景,將會成為劇中另一對金童玉女。二人在劇中本是歡喜冤家,最後會撻著,雖然呂慧儀高過張景淳,但高度無礙感情發展,鏡頭前後他們一樣傳情。今日有報道指,喺上月14日有讀者發現呂慧儀與張景淳秘密約去數碼港戲院睇《阿拉丁》,期間二人有拖手和頭貼頭舉動好親暱,散場時,佢哋前後腳到附近咪錶位攞車,全程表現避忌怕被人認得,之後二人先後揸車去西環、天后、灣仔、北角多區搵食,最後二人決定到旺角買小食,然後揸車到呂慧儀黃金海岸香閨開餐,直至凌晨2時也未見張景淳離開。

打情罵俏 擦出火花

在鏡頭前糖黐豆是劇情需要,但私底下呂 慧儀與張景淳同樣表現親密,埋位前試過扮錫自拍,曖昧程度爆晒燈。

呂慧儀張景淳堅拍拖?!「龔水CP」拖手睇戲返香閨斷正

愛屋及烏

對呂慧儀噓寒問暖的張景淳,深知女方最緊張同愛錫囝囝,他亦愛屋及烏,每次蟹籽來探班,都玩得好開心。

呂慧儀張景淳堅拍拖?!「龔水CP」拖手睇戲返香閨斷正

互相慶生

張景淳已連續兩年為呂慧儀慶祝生日,二人的合照無論表情與笑容都一致;今年一月張景淳生日要開工,呂慧儀更親自捧蛋糕給他一個驚喜。

呂慧儀張景淳堅拍拖?!「龔水CP」拖手睇戲返香閨斷正

貼身追拍似癡漢

不難發現,近幾個月呂慧儀與張景淳在社交網的互動真的非常高調,二人在劇中朝夕相對之外,更曾被目擊在非工作時段約會。知情者說:「早排先見到阿蟹同Stanley喺屯門市中心出現,當時佢哋唔係拍緊劇,阿蟹冇化裝打扮causal,大家都知佢娘家喺屯門,睇嚟Stanley專誠入去搵佢,雖然冇拖手冇親密行為,但個感覺就好似一對情侶行街咁。」除了約出街,張景淳更在社交網定期上載「龔水日常」,瘋狂拍下不少呂慧儀鏡頭後的sweet樣,二人不時眉目傳情,充分表現出他們互有好感,情非泛泛。

呂慧儀張景淳堅拍拖?!「龔水CP」拖手睇戲返香閨斷正

月初伊健開個唱,被封翻版伊健的張景淳,與呂慧儀一齊捧伊健場,仲一齊入後台做 fans影合照。
月初伊健開個唱,被封翻版伊健的張景淳,與呂慧儀一齊捧伊健場,仲一齊入後台做 fans影合照。

公開迷蟹日誌

自從去年在《愛回家‧開心速遞》有感情線後,張景淳全情投入劇中角色,更在IG公開名為「龔水日常」的迷蟹日誌,化身龔燁不停更新與熊若水的生活點滴,睇得出張景淳無時無刻都氹得呂慧儀心花怒放。

呂慧儀
打開張景淳的 IG ,即可看到「龔水日常」 內有大量與呂慧儀互動的照片及短片。

全部都是蟹

無論是一齊忙裡偷閒飲咖啡、等埋位抑或放飯,張景淳與呂慧儀有影皆雙,其中一條短片是張景淳跟住呂慧儀做表情,似足小學雞情侶鬥氣。

呂慧儀張景淳堅拍拖?!「龔水CP」拖手睇戲返香閨斷正

癡漢貼身捕捉

拍劇日對夜對,日久生情都好正常。張景淳在有呂慧儀的畫面整晒心心效果,擺到明冧人。

呂慧儀張景淳堅拍拖?!「龔水CP」拖手睇戲返香閨斷正

每次呂慧儀出現,張景淳都校啱時間對準鏡頭,仲話只聽腳步 聲都聽得出係呂慧儀。

呂慧儀張景淳堅拍拖?!「龔水CP」拖手睇戲返香閨斷正

食飯撐枱腳不特止,呂慧儀又會偷食張景淳碟意粉,拍劇時張景淳又會偷影女方小休,全部畫面都極有愛。

呂慧儀張景淳堅拍拖?!「龔水CP」拖手睇戲返香閨斷正

《開心速遞》龔燁熊若水終開花結果

今年3月14日,《開心速遞》第534集以「白色情人節」為題,劇情講述龔燁 (張景淳飾) 得知熊若水 (呂慧儀飾) 喜愛華仔,於是相約對方在白色情人節睇騷,點知遇上一個特別環節……

開心速遞

「Kiss Camera」失良機

呢個特別環節正是「Kiss Camera」!龔燁與阿水剛巧被鏡頭選中,本以為兩人可以藉此機會令感情升溫,但卻一直猶豫不決,最終錯過時機,尷尬苦笑收場。

嘴佢!嘴佢!
嘴佢!嘴佢!

再睇演唱會 事前做足準備

不過由於劇情需要,龔燁又得到華仔演唱會飛,再次約阿水睇希望把握到親吻機會。對龔燁向來有好感的阿水今次決定做足準備,務求以最佳狀態示人!

呂慧儀張景淳堅拍拖?!「龔水CP」拖手睇戲返香閨斷正

點知爸爸請佢食蒜頭......
點知爸爸請佢食蒜頭……
著邊套戰衣去好呢?
著邊套戰衣去好呢?
唔可以有一絲體味!
唔可以有一絲體味!

龔燁最終甩底

可惜,龔燁突然有公事要辦,未能去睇演唱會,本來滿心歡喜的阿水接到電話後頓時變得失落,不過亦大方表示:「唔緊要啦,你做嘢重要啲嘛!」

呂慧儀張景淳堅拍拖?!「龔水CP」拖手睇戲返香閨斷正

阿水當堂扁晒嘴!
阿水當堂扁晒嘴!

愛心曲奇表心思

後來在機緣巧合下,龔爸爸將龔燁親手製作、但後來丟棄的曲奇交給阿水,曲奇寫有「Mary I love You」的字樣,龔爸爸更代兒子說出心底話。阿水聽了後若有所思,最後決定相約龔燁見面!

呂慧儀張景淳堅拍拖?!「龔水CP」拖手睇戲返香閨斷正

白色情人節上演世紀一吻

去到劇集末段,龔燁與阿水在夜幕月色下的噴水池邊相會,阿水拿出被棄置的愛心曲奇,向對方盡訴心中情,表明願意給對方一個機會做自己男朋友!

呂慧儀張景淳堅拍拖?!「龔水CP」拖手睇戲返香閨斷正

阿水盡訴心聲

呂慧儀張景淳堅拍拖?!「龔水CP」拖手睇戲返香閨斷正

深深一吻來代替講話

沉默過後,正當阿水擔心自己會否「食檸檬」之際,下一秒龔燁和阿水嘴唇已經緊緊貼上,以深深一吻來代替講話!這段歷時一年三個月、一波三折的「龔水戀」,終於在白色情人節開花結果,不少一直追看《開心速遞》的觀眾都睇到好感動!

正當阿水擔心之際......
正當阿水擔心之際……
龔燁突襲式一吻!
龔燁突襲式一吻!
好肉緊!
好肉緊!
大家等咗呢一刻1年3個月啦!
大家等咗呢一刻1年3個月啦!
最後龔燁加多句:「三個字,我願意」觀眾都冧爆!
最後龔燁加多句:「三個字,我願意」觀眾都冧爆!