愛回家之開心速遞 愛·回家之開心速遞

【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

最強精選

廣告

話說最近兩日嘅《愛回家之開心速遞》就成功搵嚟歐陽震華客串演出歐陽波比,而且仲要同群姐世紀同框,合演一段三世姻緣嘅劇情,睇到大家相當過癮又開心,而噚日嗰集更講到二人其餘兩世嘅悲慘愛情故事!

撰文:東方新地|圖片:電視截圖

歐陽波比 群姐 低成本CG化蝴蝶

噚日嗰集,唔少觀眾都非常期待二人情緣嘅發展!原來歐陽波比同群姐去到第二世,就轉世變成梁山伯與祝英台。相信大家都應該對呢個耳熟能詳嘅梁祝故事唔陌生,而二人劇中嘅故事亦差唔多,都係非常悽美,但就有啲輕鬆搞笑~

【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

與原著故事一樣,山伯波比同祝英台群姐嘅戀情同樣唔被家族允許,最後山伯波比鬱鬱而終,祝英台得悉後趕到其墓前痛哭。

【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

不過最搞笑嘅係電閃雷鳴之時,山伯波比嘅墓打開後,有一隻蝴蝶從墓中飛出來,而呢隻蝴蝶正正就係山伯波比!雖然之後波比蝴蝶不斷飛向祝英台眼前,反而令祝英台不勝其煩兼一掌拍死咗波比蝴蝶,認真無辜~ 【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

無辜再被群姐拍死嘅波比嘅蝴蝶奄奄一息,之後祝英台亦隨山伯波比嘅墓打開後撲入墓中,並成功化為蝴蝶。雖然化蝶後嘅祝英台不斷尋找波比,但最後就當然只搵到蝴蝶波比早已死喺自己掌下。 【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

去到第三世,歐陽波比同群姐身處抗戰時代之餘,仲要係敵對關係。群姐身為地下組織成員,奉命刺殺為日軍效命嘅易先生,即歐陽波比,雖然群姐最後對對方萌生愛意,但依然狠心下手殺咗漢奸易先生!
【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

返回今世,為群姐解夢嘅孟婆指歐陽波比今世仍會死喺群姐手上,哄騙她拿出多年積蓄來幫波比種生基。結果得知此事嘅大小姐就請來歐陽震華與群姐解釋,並當面揭穿孟婆奸計!
【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!

不過,期間因群姐撲向歐陽震華,而意外令歐陽震華滾落山!正當以為群姐真係會再喺今世害死歐陽波比之際,幸好懸崖唔太高,所以歐陽震華順利爬上嚟,冇死到!
【愛回家之開心速遞】歐陽波比 群姐 低成本CG化蝴蝶 梁祝故事爆笑延續結局?!