春麗

盤點6位春麗頭造型出鏡藝人 最似但最崩潰一定係…

最強精選

廣告

今年5月16日是90年代性感女神邱淑貞的53歲生日,其實除了性感形象外,邱淑貞昔日活潑可愛的「春麗頭」造型,都曾經迷倒過不少粉絲!回想過去,歷年都有唔少圈中藝人都梳過「春麗頭」,但最爆嘅一位一定係…

文:東方新地|圖:ig、影片截圖、網上圖片、微博

盤點6位春麗頭造型出鏡藝人

|邱淑貞

講到「春麗頭」,女神邱淑貞一定走唔甩係香港嘅表表者!皆因無論無顏值定還原度都相當高,加上當年活潑可愛嘅造型,的確成功迷到唔少人!

邱淑貞
好多人對邱淑貞嘅「春麗頭」造仍然記憶猶新!
邱淑貞
除咗活潑可愛,仲帶住少少性感,非常吸晴!

|汪明荃

TVB綜藝節目《娛樂大家》中,年過七十嘅汪明荃亦曾以「春麗頭」登場,睇到唔少人都嘩嘩聲,阿姐果然夠前衛!不過最重要係夠勇!

春麗
除咗兩個大波波喺頭上,呀姐一身衣著都非常獨特!

就連身為嘉賓嘅翠如BB都忍唔住喺阿姐個ig度留言:「可愛波波女皇look」,而吳若希亦都留言大讚阿姐…個髮型,指:「好靚呀~好可愛呀個髮型」!

春麗
黃翠如讚阿姐係「可愛波波女皇」!
吳若希都有讚埋一份!
吳若希都有讚埋一份!

|鄭秀文

一向造型大膽、前衛嘅鄭秀文(Sammi)同樣試過以「春麗頭」出席活動,不過當時就被網民指Sammi係咪得罪咗造型師,皆因一身又紅又綠又黃嘅服裝非常大媽風格,但亦有網友讚Sammi似中國娃娃~

中國式春麗?
中國式春麗?

|苑瓊丹

其實「春麗頭」都唔係得阿姐先敢梳完出鏡嘅,喺1993年嘅電影《超級學校霸王》中,苑瓊丹因變身做春麗媽媽而以「春麗頭」出場!不過,當年嘅造型純粹喺苑瓊丹嘅短髮上放兩個紅色髻,所以還原度始終差啲。

苑琼丹曾在《超級學校霸王》扮演春麗媽媽。
苑瓊丹曾在《超級學校霸王》扮演春麗媽媽。
兩「母女」都梳「春麗頭」!
兩「母女」都梳「春麗頭」!

|林淑敏

TVB熱播嘅處境劇《愛·回家之開心速遞》中,飾演大小姐嘅林淑敏亦都試過cosplay春麗,大小姐仲嘗試使出千裂腳!唔少網友仲笑言大小姐喺劇中要改名做「龍春麗」,睇嚟大家都好接受到呢個版本嘅春麗!

盤點6位春麗頭造型出鏡藝人 最似但最崩潰一定係...
林淑敏亦都試過cosplay春麗。
盤點6位春麗頭造型出鏡藝人 最似但最崩潰一定係...
仲嘗試使出千裂腳,充滿霸氣!

|成龍

可惜,即使以上曾以「春麗頭」示人嘅女藝人都一定唔夠成龍爆!1993年,成龍於電影《城市獵人》中就扮過春麗!電影中嘅成龍造型可謂跟足春麗,而且成龍仲特登化埋個靚妝,電眼十足,姿態撩人,相當嫵媚!

盤點6位春麗頭造型出鏡藝人 最似但最崩潰一定係...
人妖版春麗,驚嚇度爆燈!
盤點6位春麗頭造型出鏡藝人 最似但最崩潰一定係...
仲要露埋大腿,好博!