書展

【書展重溫】懷念暑假奇才盡出! 書展10大經典騎呢事

最強精選

廣告

每年暑假,除咗係學生們嘅開心假期,亦係唔少商品推出同大型活動嘅日子,目標梗係假期間嘅大量人流。當中,每年於會展舉行嘅「書展」及「動漫電玩節」,都係唔少朋友嘅「年度重點活動」之一,以下嘅10大書展經典騎呢事,你又記得最記得邊一件呢?

盡數書展騎呢事

香港書展其實由1990年開始舉辦,本來活動旨在推廣香港人閱讀文化,同時讓出版商大展拳腳。不過近10年來,書展亦成為唔少女藝人及模特兒出版寫真嘅場地,唔少網民視之為「每年焦點」。大量女星寫真「入侵」後,網民以至社會各界開始重新定義「書籍」一詞。加上後來討論區、社交網絡興起,越來越多人將自己作品於網上連載,而部分備受好評嘅作品獲出版商青睞,成功令網絡作品走入市場,令網民搖身一變成有實體著作嘅「網絡作家」。到底𡃁模速銷寫真、FANS為買心頭好可以有幾盡?一齊睇睇!

1. 怪風襲傅穎露阿婆底

2008年時傅穎時尚未北上發展,外表只由ver 1.0「短髮少女Look」變成ver 2.0嘅「大眼仔濃妝」,當年更於書展推出首本個人寫真。點知喺會展門口宣傳時,一陣怪風令現場變得「春光無限」。原來,靚女原來都會著「阿婆底褲」嘅。

書展2019 傅穎
傅穎(圖片來源:新傳媒照片庫)
書展2019 傅穎
傅穎(圖片來源:新傳媒照片庫)

2. 「零」FANS簽名會

喺2007年書展,曾經同李克勤合唱《合久必婚》嘅歌手「陳逸璇」(原名:陳苑淇)出咗本寵物新書《牠們不是名牌》。當然亦有喺書展舉行簽名會,不過當簽名會正式開始後,等完再等、等完再等都係無乜FANS過去。反觀其他簽名攤位都擠滿人,結果佢亦成為歷屆書展簽名人數最低紀錄保持者。

書展2019 陳逸璇
陳逸璇(圖片來源:新傳媒照片庫)

3. 男人出寫真老闆掃晒

以為出「寫真」只係女明星專利?非也。其實喺2013年時周秀娜3位師弟「鴨王」何浩文(Dominic)、顧又銘及趙勁皓(King),都各自推出8,000本、合共24,000本嘅爆肌寫真。不過最估唔到嘅係,啲寫真喺書展推出前1晚,就被被1名自稱「劉先生」嘅男士豪花230萬全面收購。最後令3位猛男到首日書展現場宣傳時,手上連一本寫真書都冇本,只可以SHOW下自己肌肉,佢哋更公開答謝「劉先生」大力支持。

書展2019 【書展延期】懷公暑假奇才盡出! 書展10大經典騎呢事
何浩文(圖片來源:新傳媒照片庫)

4. 書展史上最「紅」宣傳

同樣2013年時,當時𡃁模孫旗(Keiko)推出個人寫真,不過寫真人人都識性感,真係無乜特別。最特別嘅係佢為咗喺宣傳時引發大家注意,竟然使出渾身解數──凸點、漏M!要數書展騎呢事,佢真係走唔甩!當時身穿白色背心、喱士熱褲,至今大家一講起,雖然未必記得個名,不過一定仲記得佢做過咩!可見當年係幾咁爆!(見紅相就真係不了)

書展2019 孫旗
孫旗(圖片來源:新傳媒照片庫)

5.錯別字天后Stephy

Stephy鄧麗欣喺2009年書展推出首本愛情小說《陪著我走》。點知33頁嘅書入面,竟然有多達109個錯處,包括多個錯別字如「踐踏」寫成「淺踏」、「矇矓」寫成「矇濃」等,睇到人眼都凸!事後Stephy解釋因為自己用普通話拼音輸入法以致揀錯字,難怪成為當年書展中一大笑話。

書展2019 【書展延期】懷公暑假奇才盡出! 書展10大經典騎呢事
鄧麗欣(圖片來源:新傳媒照片庫)
書展2019 【書展延期】懷公暑假奇才盡出! 書展10大經典騎呢事
鄧麗欣(圖片來源:新傳媒照片庫)
書展2019 【書展延期】懷公暑假奇才盡出! 書展10大經典騎呢事
鄧麗欣(圖片來源:新傳媒照片庫)

6. 雪糕女王周秀娜

Chrissie周秀娜可謂香港模特兒出寫 真集嘅「先驅」,當年Chrissie更獲封為「寫 真女王」,人氣一時無兩!初期走超性感風格嘅Chrissie,2009年為咗宣傳寫真,博命出「峰」頭!喺炎熱天氣下大派雪糕益街坊,更親自餵食冧FANS,吸引大批男FANS支持!而寫真亦非常噴血有睇頭,入面大玩刷牙、滴牙膏落胸兼滴雪糕,意識大膽!不過家陣佢都向演員之路進發啦,而演技亦令人眼前一亮!

書展2019 【書展延期】懷公暑假奇才盡出! 書展10大經典騎呢事
周秀娜(圖片來源:新傳媒照片庫)

7. AD2當眾同阿伯玩遊戲

前模特兒組合「AD2」由吳婕妤(Aily)及艾美琦(Amy),喺2013年推出首本寫真集,當年佢哋更著上熱褲小背心現身灣仔天橋宣傳。以為仲當眾互咀兼互摸對方經已夠騎呢?點知之後佢哋仲捉咗個阿伯送吻兼自拍,咁騎呢幾驚阿伯頂唔順!

書展2019 AD2
AD2(圖片來源:新傳媒照片庫)
書展2019 AD2
AD2(圖片來源:新傳媒照片庫)
書展2019 【書展延期】懷公暑假奇才盡出! 書展10大經典騎呢事
AD2(圖片來源:新傳媒照片庫)

8.簡幗儀IG串錯小學字

網紅女神Lilian Kan(簡幗儀)在書展出過不少寫真集同散文集,2018年她為新書在社交平台密密宣傳造勢時,出了一個英文圖文Post,卻被眼利網民發現她連個好簡單的英文生字「Proud」(驕傲)都串錯做「Pround」,引起網民議論紛紛,恥笑佢咁都算係「才女」。

書展2019 Lilian Kan
不過小編都明白,人攰就容易出錯,仲可能錯埋啲好小學雞嘅嘢添!(圖片來源:IG@liliankan)
書展2019 Lilian Kan
Lilian Kan(圖片來源:IG@liliankan)

9. 醉愛周秀娜鄭先生

2010年時周秀娜喺書展推出寫真,一名鄭姓男子到場購買周秀娜寫真集,並接受傳媒訪問。網民認為他外表、行為有如「毒男」而熱烈討論,更將對方起底。

書展2019 【書展延期】懷公暑假奇才盡出! 書展10大經典騎呢事
鄭姓男子(圖片來源:新傳媒照片庫)

10. 眼睛斜視食雪糕

頭先提到周秀娜喺2009年時推出寫真,更於會展金紫荊廣場派雪糕慰勞支持者。其中一名FANS「肥堡」因獲請食雪糕,非常興奮之餘更喺鏡頭前狂盯周秀娜胸部,一望成名。之後佢亦多次參加周秀娜嘅宣傳活動,每次嘅相片都被網民改圖。

書展2019 【書展延期】懷公暑假奇才盡出! 書展10大經典騎呢事
(圖片來源:網民改圖)
書展2019 【書展延期】懷公暑假奇才盡出! 書展10大經典騎呢事
(圖片來源:網民改圖)

撰文:東方新地圖片來源:新傳媒照片庫、IG@liliankan、網民改圖