鹹片爛星變收視福將 歐陽震華「髮」奮史

歐陽震華「髮」奮史 鹹片爛星變收視福將

最強精選

廣告

有「收視福將」之稱的歐陽震華入行近40年,依家事業愛情兩得意,其實佢捱足廿年先有出頭天,除了為生計曾拍鹹片做爛星,仲經歷過男人最痛─甩頭髮,險變地中海!雖然如此,但歐陽震華仍不放棄,唔靠外形以實力取勝,而依家「成熟」skinhead中佬形象,反而更入屋更得大家歡心,絕對係圈中「髮」奮小生代表!

圖文: 東方新地

歐陽震華 入行「髮」奮史

63歲歐陽震華於1981年參加第十一期無綫電視藝員訓練班而入行,初出道時頭髮濃密,而且一臉稚氣帶點不羈,演技當然亦很幼嫩,因此只做全冇對白嘅咖哩啡而已!

歐陽震華
(圖片來源:畫面截圖)
歐陽震華
(圖片來源:畫面截圖)

月花八萬蚊頭髮逆生長

不過,有頭髮邊個想做光頭!據知歐陽震華為保髮,近年生活規律咗好多,拍劇又冇咁密,所以多咗時間休息;另外,佢又話盡量keep住自己心情好,情緒唔好大起大落都有幫助,更有報道指佢每月花八萬蚊買補品,如三萬蚊買冬蟲夏草補身,每日食二十條,唔怪得頭髮逆生長啦!

歐陽震華
(圖片來源:微博)

為生計做鹹片爛星

當年歐陽震華於電視台工作約十年,眼見事業仍未有起色,嘗試進軍大銀幕,不過礙於當時佢並非一線演員,因此開始時亦只當大咖,曾跟發哥合作電影《辣手神探》!

歐陽震華
(圖片來源:畫面截圖)

而90年代本地三級片大行其道,歐陽震華亦曾擔正幾套鹹片主角,當中不乏大膽露點性愛鏡頭,佢亦於訪問中承認:「電影我都有拍過,但唔係咁大製作,有一、兩年我都拍好多電影,不過係搵食嘢,要開飯嘛!」

包二奶慘死 《二奶村之殺夫》

90年代好多港人北上工作,而片中演好老公阿生嘅歐陽震華,跟太太阿文(鍾淑慧)短暫離別,北上工作時遇到人品好兼身材勁嘅失婚婦人阿玉(鄭艷麗),最終把持不住咁就包二奶!最初阿生說服太太接受阿玉,以為可以享齊人福,結果阿玉大肚,阿生指為方便照顧對方,建議阿文一齊返內地定居,阿文覺得阿生事事以阿玉行先,醋意大發起殺阿生念頭!

歐陽震華
(圖片來源:畫面截圖)
歐陽震華
(圖片來源:畫面截圖)
歐陽震華
(圖片來源:畫面截圖)
歐陽震華
(圖片來源:畫面截圖)

爛賭差佬《迷姦犯》

歐陽震華同張睿玲主演,講述一變態男在便利店的飲料中下迷藥,然後對喝過飲料的年輕女子進行綁架、蹂躪、殺害的故事。而歐陽震華今次演差佬,專門捉疑犯,不過佢片中唔止爛賭,更跟張睿玲有肉搏場面!

歐陽震華
(圖片來源:畫面截圖)
歐陽震華
(圖片來源:畫面截圖)

滾到染愛滋 《奪命接觸》

又係同鍾淑慧演夫妻!歐陽震華演貨車司機,經常來往中港兩地,本來都係好老公,點知太太產子後拒絕交歡,華北上時忍唔住召妓,結果就咁瀨嘢,後悔至極!

歐陽震華
(圖片來源:畫面截圖)
歐陽震華
(圖片來源:畫面截圖)
歐陽震華
(圖片來源:畫面截圖)

《壹號皇庭》嶄露頭角

雖然進軍影圈,但歐陽震華亦沒放棄拍劇,直至1992年開始拍《壹號皇庭》系到,演余在春一角開始成為主角,該劇卡士超強,王菲、鄭秀文亦曾參與!

歐陽震華
(圖片來源:畫面截圖)
歐陽震華
(圖片來源:畫面截圖)
歐陽震華
(圖片來源:畫面截圖)

《陀槍師姐》奠師奶殺手地位

之後,歐陽震華於多套劑集《醉打金枝》、《皇家反千組》、《掃黃先鋒》中,均有出色的演出,並與陶大宇、吳啟華、林文龍、羅嘉良、林保怡成為九十年代的師奶殺手。而佢演出嘅劇集中,收視率往往錄得佳績,因此有「收視福將」之稱!

歐陽震華
(圖片來源:畫面截圖)

其中於劇集《陀槍師姐》演陳小生一角大受歡迎,與關詠荷「情侶檔」成為劇迷經典,深入民心!

歐陽震華
(圖片來源:畫面截圖)
歐陽震華
(圖片來源:畫面截圖)

憑《洗冤錄》贏視帝

雖然歐陽震華人氣爆燈,但當年選視帝時,因對手羅嘉良實在太強,皆飲恨而回!不過,佢最終在2000年憑《洗冤錄》演宋慈,獲我最喜愛的男主角,一嘗視帝滋味,演技備受認同!

歐陽震華
(圖片來源:畫面截圖)
歐陽震華
(圖片來源:畫面截圖)

《賭場風雲》挺肚腩衝出國際

2007年,歐陽震華憑《賭場風雲》入圍角逐第35屆國際艾美獎的最佳男主角獎項,成為首位香港男藝人獲提名該國際性獎項。

歐陽震華
(圖片來源:畫面截圖)
歐陽震華
(圖片來源:畫面截圖)

用情專一

雖然歐陽震華絕少提感情世界,但佢絕對係一個感情專一嘅人!跟太太傅潔嫻結婚十八年,笑言跟太太依然恩愛:「嗰個膠着程度,由結婚到依家冇乜點變,都係咁黐身。」而他亦承認人紅自然多女埋身,不過:「埋嚟又點?講真做我哋呢行,見靚仔、靚女實在太多,如果靚就得,得唔到幾多次啫!不如唔好諗啦,老婆都咁好咯,唔好搞咁多嘢啦,係嘛?」

歐陽震華
(圖片來源:微博)

續約風波屬誤會

雖然歐陽震華近年更加注重健康,一年只拍一套劇,但2013年2月時,因急性肺炎被送入律敦治醫院深切治療部,昏迷情況一度嚴重,情況令人擔心,幸好經過搶救過後康復出院!

歐陽震華
(圖片來源:新傳媒資料庫)

2015年6月,歐陽震華跟無綫就合約問題產生嚴重分歧,更被指霸道,後來佢表示係一場誤會:「某方面唔了解我哋嘅運作,斷章取義先至有呢啲嘅問題,話我揀劇本,我簽部頭約嘅意義就係有權利選擇劇本,保障咗自己喺個劇嘅戲份、重要性,我先至簽部頭,如果唔係,我可以簽散騷,所以揀劇本唔係霸道行為,全世界嘅男主角都係揀劇本,請問有邊個唔揀劇本?我都要睇我啱唔啱做,做咗出嚟唔合你要求,咁就大家都唔好意思啦!呢個唔係一個霸道行為,係商業行為。」

歐陽震華
(圖片來源:新傳媒資料庫)

撰文:東方新地圖片來源:網上圖片 新傳媒資料庫