素顏

素顏女星真面目全集 鄭秀文、梁詠琪、佘詩曼、李佳芯展現自然美

最強精選

廣告

今時今日P圖早成為網絡世界之常態,更甚者有明星網紅仲自稱化行妝P到盡咁至叫專業至對得住網友,呃呃氹氹願者上釣,真面目一早冇人深究!好彩仲有一班女星脫下華服濃妝,反璞歸真願意展現最真實一面的素顏。其實一張照片背後,除咗天生麗質有本錢現真章外,真正可貴又體現勇氣嘅,仲有一份自信與坦然,咁至係真女人!

勇武女星素顏真面目全集

50歲鄭秀文

去年踏入50歲的Sammi鄭秀文既是潮人icon,亦係堅毅自律女性代言,Sammi日日都唔少得跑番公里出番一身汗再po番張紅蘋果一樣爆汗相,展現素顏美態。

勇武女星素顏全集!鄭秀文、佘詩曼、李佳芯無懼做冇眉道人展自然美
Sammi早前特別趁生日前推出新廣東專輯《Listen to Mi》。
素顏 踏入49歲的Sammi話會繼續努力增肥增肌增高增長!
踏入50歲的Sammi話會繼續努力增肥增肌增高增長!

46歲舒淇

精心打扮過的舒淇冶艷不可方物,不過拍戲拍封面以外,舒淇個人社交網絡最多不修邊幅素顏相,發放自然美。

勇武女星素顏全集!鄭秀文、佘詩曼、李佳芯無懼做冇眉道人展自然美
舒淇經常在社交網post素顏照。

52歲宣萱

一向天生麗質又保養得宜的宣萱,亦都從來不畏懼素顏示人,其實與廿幾年前全盛時期容貌分別不大。

勇武女星素顏全集!鄭秀文、佘詩曼、李佳芯無懼做冇眉道人展自然美
宣萱年過半百依然無懼素顏示人。

40歲李佳芯

出名係360度零死角大美人、又係山系氧氣美女,李佳芯工作以外最愛以素顏示人,白滑無瑕肌膚羨慕死人。

勇武女星素顏全集!鄭秀文、佘詩曼、李佳芯無懼做冇眉道人展自然美
李佳芯皮膚keep得勁好。

41歲黃翠如

無論少女時代定還是人妻時代,翠如BB一向氣質取勝,唔多適合濃妝艷抹,真素顏對佢嚟講食生菜一樣,亦都係最愛素顏上陣女星之一。

勇武女星素顏全集!鄭秀文、佘詩曼、李佳芯無懼做冇眉道人展自然美
黃翠如是最愛素顏上陣的女星之一。

25歲劉穎鏇

青春無敵又係運動健將,劉穎鏇素顏甜笑加上一身健康膚色,呢種自然美真係P圖都P唔嚟。

素顏 劉穎鏇青春無敵。
劉穎鏇青春無敵。
勇武女星素顏全集!鄭秀文、佘詩曼、李佳芯無懼做冇眉道人展自然美
又係運動健將。

49歲陳煒

煒哥出名keep得好,難得49歲仲唔怕素顏上陣,睇真啲皮膚光滑又細緻,絕對唔會輸蝕畀班後生女。

勇武女星素顏全集!鄭秀文、佘詩曼、李佳芯無懼做冇眉道人展自然美
49歲陳煒素顏一啲都唔輸蝕畀班後生女。

37歲宋熙年

宋熙年生完2個小朋友都皮光肉滑愈陀愈靚,素顏下絕對見得人。

勇武女星素顏全集!鄭秀文、佘詩曼、李佳芯無懼做冇眉道人展自然美
宋熙年素顏下皮膚都好白滑。

47歲佘詩曼

懂得生活、享受單身嘅佘詩曼活得坦然笑得更甜,雖已47歲完全無懼素顏上陣,散發出一種瀟灑美態。

勇武女星素顏全集!鄭秀文、佘詩曼、李佳芯無懼做冇眉道人展自然美
佘詩曼高清素顏無濾鏡都一樣咁靚。

51歲袁詠儀

港姐冠軍出身、有名你叫靚靚,袁詠儀靚就梗嘅,最緊要仲有個廿四孝老公Chilam錫住同寶貝仔魔童孝順,幸福女人又點會唔神采飛揚!

勇武女星素顏全集!鄭秀文、佘詩曼、李佳芯無懼做冇眉道人展自然美
袁詠儀平日出街都愛素顏上陣。

46歲梁詠琪

梁詠琪一樣有勇氣亦有本錢真素顏,近年減少工作量,將家庭和女兒放在第一位,崇尚自然生活,其實比起長年日夜不分趕場唱歌拍戲,更精神飽滿。

勇武女星素顏全集!鄭秀文、佘詩曼、李佳芯無懼做冇眉道人展自然美
注重飲食健康的梁詠琪素顏見得人。

43歲胡杏兒

家有三個寶貝仔,靚媽杏兒一打三仲要兼顧家務同事業,自然化妝扮靚時間都所剩無幾,不過佢嘅素顏look依然冇走樣。

勇武女星素顏全集!鄭秀文、佘詩曼、李佳芯無懼做冇眉道人展自然美
胡杏兒素顏look未見走樣。

39歲鄧麗欣

堅持食素多年、又係排球健將,Stephy鄧麗欣近年由內至外都咁容光煥發,就算冇化妝都見得人。

勇武女星素顏全集!鄭秀文、佘詩曼、李佳芯無懼做冇眉道人展自然美
Stephy近年由內至外都咁容光煥發。

撰文:東方新地圖片來源:IG@sammi_chengsauman、IG@sqwhat、IG@jessicahsuan_official、IG@aliaime、IG@wongtsuiyu、IG@itstiffanylau、IG@alicechanwai、IG@rahrahsong、IG@charmaine_sheh、IG@anitayuenwy、IG@gigileungwingkei、IG@myoliemyolie、IG@stboo