翁美玲

天師執位|翁美玲荷蘭前男友憶舊事 公開17歲入行前鮮為人知愛情故事

最強精選

廣告

近日無綫於深夜時段重播經典劇集《天師執位》,引起不少網民對女主角翁美玲的追憶。對於翁美玲的戀情及绯聞,好多人知她和湯鎮業拍過拖,又被鄒世龍追求過,但原來她在來港發展之前,在英國有過一段鮮爲人知的愛情故事。
翁美玲 由翁美玲和苗僑偉主演的《天師執位》,近日開始在無綫深夜時段重播。
由翁美玲和苗僑偉主演的《天師執位》,近日開始在無綫深夜時段重播。(圖片來源:TVB

翁美玲入行3年 終年26歲

翁美玲雖然只係出道短短3年,但她在《射雕英雄傳》演活了金庸筆下冰雪聰明、刁蠻任性的黃蓉,因而一炮而紅,之後又與三哥苗僑偉被打造為熒幕情侶,先後拍下《決戰玄武門》、《天師執位》、《楚留香之蝙蝠傳奇》等劇。只可惜85年她在事業如日方中之際,於廣播道寓所以烈酒吞服安眠藥後開煤氣自殺身亡,終年26歲。

翁美玲 翁美玲82年拍處女劇《十三妹》就同湯鎮業撻著,3年後翁美玲自殺身亡,湯鎮業被指要負上最大責任,因此被全城鬧爆。
翁美玲82年拍處女劇《十三妹》就同湯鎮業撻著,3年後翁美玲自殺身亡,湯鎮業被指要負上最大責任,因此被全城鬧爆。(圖片來源:新傳媒資料室)
翁美玲 當年翁美玲和苗僑偉曾被無綫打造成一對熒幕情侶,但苗僑偉指兩人私底下只是好「兄弟」。
當年翁美玲和苗僑偉曾被無綫打造成一對熒幕情侶,但苗僑偉指兩人私底下只是好「兄弟」。(圖片來源:TVB

翁美玲英國前男友曝光

2010年,翁美玲的荷蘭籍前男友Rob Radboud曾製作出一個有關翁美玲的英文網站,入面公開交代了翁美玲17至22歲期間同Rob在英國的甜蜜史及親密照,其中更提及了兩人相識的經過,至今這個網站仍在持續更新,而Rob與翁美玲同齡,今年已63歲。

翁美玲 翁美玲同Rob拍拖嗰陣只得17歲,當時嘅佢,披住長長頭髮,憑住清純樣貌,吸引Rob主動結識。
翁美玲同Rob拍拖嗰陣只得17歲,當時嘅佢,披住長長頭髮,憑住清純樣貌,吸引Rob主動結識。(圖片來源:新傳媒資料室)
翁美玲 Rob上網睇過有關舊愛翁美玲的資料,原來從來冇提過自己,於是有感而發,搞咗呢個網站。
Rob上網睇過有關舊愛翁美玲的資料,原來從來冇提過自己,於是有感而發,搞咗呢個網站。(圖片來源:新傳媒資料室)
翁美玲 網站叫「Barbara Yung ‘a love story no one knew’」仔細分段叙述佢哋相識經過及其他點滴。
網站叫「Barbara Yung ‘a love story no one knew’」仔細分段叙述佢哋相識經過及其他點滴。(圖片來源:新傳媒資料室)

How we met 怎樣結識

Rob在網站中透露他在1976年首次遇見翁美玲,當時阿翁一個人坐在劍橋藝術科學學院的飯堂入面寫日誌,Rob深深被她吸引住,於是主動上前結識。每逢假日,阿翁都要留在屋企間炸魚薯條店幫手,所以初期,學校圖書館是他們拍拖勝地。

翁美玲 當年翁美玲有幾愛Rob,真係唔使多講,睇相已經知。
當年翁美玲有幾愛Rob,真係唔使多講,睇相已經知。(圖片來源:新傳媒資料室)
翁美玲 二人愛得投入,可惜1982年因爲翁美玲返香港參加選美,而令戀情告終。
二人愛得投入,可惜1982年因爲翁美玲返香港參加選美,而令戀情告終。(圖片來源:新傳媒資料室)

Meeting Bill 遇見比爾

當年翁美玲應Rob好友Bill之邀到其家中作客,Rob緊張到死,驚就咁冇咗個女友,阿翁知道男友真係好關心自己,二人關係從此更上一層樓。

翁美玲 Rob依家同女朋友育有三名女兒,但仍未想結婚,對翁美玲念念不忘,幸好女友冇呷醋。
Rob依家同女朋友育有三名女兒,但仍未想結婚,對翁美玲念念不忘,幸好女友冇呷醋。(圖片來源:新傳媒資料室)
翁美玲 當年這對打情罵俏嘅小情侶,狀甚溫馨。
當年這對打情罵俏嘅小情侶,狀甚溫馨。(圖片來源:新傳媒資料室)

First time to Histon 第一次去希斯頓

在Rob眼中,翁美玲是個嚴守紀律的好學生,當年Rob同幾個real biker朋友,個個留長頭髮,著住皮褸,駕住部重型電單車去幫襯翁美玲屋企人嗰間炸魚薯條店。阿翁第二日就同Rob講以後唔好再去,趕客之餘,又怕屋企人唔鍾意佢同班貌似飛仔嘅人一齊。

翁美玲 翁美玲最鍾意見到Rob父母牽手攬埋一齊個樣,好希望自己到老咗都可以同Rob咁愛對方,可惜一切只能成追憶。
翁美玲最鍾意見到Rob父母牽手攬埋一齊個樣,好希望自己到老咗都可以同Rob咁愛對方,可惜一切只能成追憶。(圖片來源:新傳媒資料室)
翁美玲 翁美玲同Rob拍拖去唐人街餐館時,間中會彈兩句中文,係想話畀嗰度啲人知:「我識聽中文,咪講我哋是非。」
翁美玲同Rob拍拖去唐人街餐館時,間中會彈兩句中文,係想話畀嗰度啲人知:「我識聽中文,咪講我哋是非。」(圖片來源:新傳媒資料室)
翁美玲 翁美玲1976年邂逅Rob,拍拖五年,網站記載咗呢對昔日愛侶由1976至1981嘅甜蜜片段。
翁美玲1976年邂逅Rob,拍拖五年,網站記載咗呢對昔日愛侶由1976至1981嘅甜蜜片段。(圖片來源:新傳媒資料室)
翁美玲 兩人拍拖其中一個節目,就係帶住隻狗周圍逛,逛足一日都唔悶,夠晒浪漫。
兩人拍拖其中一個節目,就係帶住隻狗周圍逛,逛足一日都唔悶,夠晒浪漫。(圖片來源:新傳媒資料室)
翁美玲 Rob屋企得三個仔,佢兩個哥哥都當翁美玲係妹妹一樣,關係非常融洽。
Rob屋企得三個仔,佢兩個哥哥都當翁美玲係妹妹一樣,關係非常融洽。(圖片來源:新傳媒資料室)
翁美玲 翁美玲屋企人開嘅炸魚薯條店位於希斯頓,翁母和舅父住喺鋪頭樓上,右邊係客廳,左邊係廚房。
翁美玲屋企人開嘅炸魚薯條店位於希斯頓,翁母和舅父住喺鋪頭樓上,右邊係客廳,左邊係廚房。(圖片來源:新傳媒資料室)
翁美玲 在Rob眼中,翁美玲是個嚴守紀律嘅好學生。
在Rob眼中,翁美玲是個嚴守紀律嘅好學生。(圖片來源:新傳媒資料室)
翁美玲 翁美玲當年經常一個人坐喺校園,性格沉實怕醜。
翁美玲當年經常一個人坐喺校園,性格沉實怕醜。(圖片來源:新傳媒資料室)

求助網站和熱線:

香港撒瑪利亞防止自殺會熱線:23892222
醫院管理局精神健康專線:24667350
東華三院芷若園熱線︰18281
撒瑪利亞會熱線︰28960000
社會福利署熱線︰23432255
生命熱線:23820000
利民會《即時通》:35122626
明愛向晴熱線:18288

撰文:東方新地圖片來源:TVB、新傳媒資料室