陳偉琪

《超時空男臣》「三妹」 陳偉琪 封胸做自己

最強精選

廣告

陳偉琪(Vicky)驕人嘅36E身材吸睛力十足,大台經常會安排佢飾演性感角色或者做花瓶,不過陳偉琪獲監製邀請喺《超時空男臣》演出「 三妹 」一角,唔再需要靠性感上位,封胸成功嘅佢話感動到差啲喊呀!

陳偉琪 港姐第五名

陳偉琪演出《超時空男臣》時26歲,曾經參選2011年溫哥華華裔小姐競選成功奪得亞軍,之後再戰2013年度香港小姐競選,當時被封為「翻版陳妍希」, 同屆有陳凱琳、蔡思貝及劉佩玥等人。Vicky最後喺決賽排名第五位,更獲得現場最受歡迎佳麗獎。佢其後參加無綫藝員訓練班,正式成為合約藝人。

《超時空男臣》「三妹」 陳偉琪 封胸做自己

當人人將重點放喺Vicky嘅身材上,其實佢嘅學歷同樣值得注意。原來Vicky喺University of British Columbia (UBC) 畢業,主修政治及哲學系,絕對係美貌、身材與智慧並重!

《超時空男臣》「三妹」 陳偉琪 封胸做自己

靠 「 三妹 」一角入屋

入行短短幾年,其實Vicky都拍過唔少劇集,包括《賭城群英會》、《與諜同謀》、《幕後玩家》等都見到佢嘅影子。不過,今次喺《超時空男臣》入面佢終於可以收起性感形象,戴起冷帽,着返衛衣長褲,做返佢認為真實嘅自己。佢喺劇中飾演「 三妹 」,經常孖住田蕊妮、朱晨麗等人出場,戲份都唔少㗎!重點係佢今次終於唔係演又貪錢又袒胸露臂嘅無名小花啦!對於「初次從良」,佢自己都話好開心,可以發揮自己實力,感動到差啲喊出嚟,誇張到連監製都叫佢唔好咁激動呀!

《超時空男臣》「三妹」 陳偉琪 封胸做自己

運動型女孩 - 陳偉琪

私底下嘅Vicky係一名運動型女孩,平日除咗做Gym、打拳、行山、游水、沙灘排球,仲會打籃球,唔係玩玩吓,佢係香港藝人籃球隊成員之一,真係有份出場打慈善賽㗎!

《超時空男臣》「三妹」 陳偉琪 封胸做自己

打起波上嚟都有板有眼㗎!
打起波上嚟都有板有眼㗎!

Vicky話自己性格男仔頭,性格爽朗率直嘅佢喺選美期間俾其他佳麗改咗個名叫「傻蛋琪」!

《超時空男臣》「三妹」 陳偉琪 封胸做自己

無綫咪神有苦自己知

Vicky曾經講過好身材都曾經為佢增添煩惱。除咗比較難買衫,佢細個嘅時候曾經因為介意他人奇異眼光而寒背。到咗大個,又覺得人人都只係集中眼光喺佢嘅胸部,所以佢希望大家可以認識真正嘅 陳偉琪。

《超時空男臣》「三妹」 陳偉琪 封胸做自己

佢亦都表示自己試過俾人性騷擾,例如喺Instagram傳訊息希望佢影多啲性感相,又向佢直言話:「好大個胸」。除咗啲寫得好露骨、好肉酸嘅留言之外,佢仲會收到陌生男子Send嚟嘅「肉照」,令佢覺得好驚同好尷尬。

《超時空男臣》「三妹」 陳偉琪 封胸做自己

唔介意健康性感

Vicky講過自己唔介意健康性感,不過覺得有時係過份咗。上兩年仲係新人嘅時候,不斷有人叫佢着泳衣,當時佢唔介意,不過依家到已經三年,佢都希望可以向其他方面發展下。

《超時空男臣》「三妹」 陳偉琪 封胸做自己

有份拍《溏心風暴3》嘅Vicky 係劇中同黃宗澤有床戲,Bosco仲大讚佢當日十分敬業,為咗效果除剩NuBra!

《超時空男臣》「三妹」 陳偉琪 封胸做自己

私底下係慳家妹

雖然Vicky係大台經常被角色設定為拜金女,但其實私底下嘅佢係點嘅人?原來未入行前佢喺一間律師樓度做到經理級,薪金可以去到三至四萬蚊,點解佢又會捨棄高薪厚職入娛樂圈搵食呢?佢話自己平時都唔多追求物質,着嘅波鞋大多數都係贊助商送俾佢,佢覺得做藝員得到嘅滿足感係其他工作俾唔到佢嘅。眾所周知,無綫藝員薪金不高,接爆騷先得萬零兩萬蚊,如果接得少Job,可能只得三千蚊。佢話:「呢個唔使錢嘅性格先可以喺無綫捱」。

《超時空男臣》「三妹」 陳偉琪 封胸做自己

收入咁唔穩定,Vicky又有冇擔心過財政問題呢?原來Vicky屋企人已經退哂休,加上佢係屋企獨生女,要擔起照顧屋企人嘅責任。

《超時空男臣》「三妹」 陳偉琪 封胸做自己

Vicky間中都有做司儀,賺吓零用錢外,同時簽咗經理人公司,遲吓有機會喺電影大銀幕見到佢嘅演出。另外佢都考咗健身教練牌照,希望可以靠多幾個途徑賺錢。

《超時空男臣》「三妹」 陳偉琪 封胸做自己

打工達人 做過球證

Vicky話自己由大學讀書嘅時候已經開始做各類型嘅兼職,除咗好似普通大學生一樣做吓侍應、補習老師,仲做過球證㗎!而為咗慳錢,Vicky仲將本來要四年先讀完嘅大學課程縮短到三年就讀完,慳返唔少海外生活費!

《超時空男臣》「三妹」 陳偉琪 封胸做自己

鐘意成熟才華型男生

Vicky鍾意思想成熟,有才華,對工作有執著嘅男仔。出道至今緋聞不多,不過就曾經俾人影到佢夜蒲攬大隻仔。

《超時空男臣》「三妹」 陳偉琪 封胸做自己

佢話唔抗拒外籍人士追求,而且亦有唔少圈外追求者。

《超時空男臣》「三妹」 陳偉琪 封胸做自己

全文完