黃子恆

黃子恆三度邀35E女歌手上門 女方鬧爆「唔係男人!」

最強精選

廣告

36歲TVB小生黃子恆,日前被爆出搭上一名內地女粉絲,二人兩度發生性行為後,女方更發現懷孕,但黃子恆卻一直玩失蹤。黃子恆後來承認與對方發生關係,但自稱做足安全措施。不過今日又嚟多單,有對話截圖流出,黃子恆原來曾三次邀請呢位擁有35E火辣身材的女歌手上佢屋企,想對方「提供服務」……

撰文:東方新地|圖片:東方新地、Instagram、微博

前文提要:黃子恆被指搞大女粉絲肚

不過今日有報道指,一位名為Michelle的28歲內地女子,自稱係黃子恆的忠實粉絲,透露去年4月在廣州粉絲聚會中,首次與偶像見面,之後二人一直透過微博聯絡。Michelle稱一星期後有禮物送俾黃子恆,所以相約於深圳一酒店式住宅會面。

黃子恆
內地女粉絲Michelle爆黃子恆大鑊!
黃子恆曾在《仁心解碼ll》飾演山寨「龍心」
黃子恆曾在《仁心解碼ll》飾演山寨「龍心」

送禮物兼發生關係

Michelle向傳媒爆料時表示,當時佢認為黃子恆係一個公眾人物,唔覺得對方係壞人,所以放心前去。最後兩人先後洗澡後,在床上發生關係。不過在發生關係後,黃子恆半年來都未有同佢見面,只係間中閒聊幾句,亦未提及二人關係。

黃子恆
兩人第二次見面即發生關係……

回復朋友關係 再發生性行為

報道稱,Michelle與偶像發生關係後卻被冷待,傷心得足不出戶、茶飯不思,後來事件在粉絲群組爆出,黃子恆為平息事件,承認雙方是好朋友,不過中間發生了誤會。Michelle聲稱今年1月時二人回復朋友關係,7月又再相約在深圳見面,並發生了第二次性行為!

算唔算食過返尋味?
算唔算食過返尋味?

粉絲鬧爆「渣男」揚言要黃子恆失業

發生第二次性行為後,黃子恆再次玩失蹤,但Michelle不久後卻發現自己懷有身孕,但男方至今都未再有任何回覆。Michelle直斥黃子恆係一個「渣男」,誓要搞大件事,揚言要男方連工都無埋!Michelle表示手握對方做錯事而哭訴的語音檔案及留言,又稱將會選擇墮胎。

黃子恆三度邀35E女歌手上門 女方鬧爆「唔係男人!」

曾聲淚俱下道歉

Michelle又大爆黃子恆的語音檔,原來兩人玩facetime時,黃子恆曾以普通話及廣東話喊晒口道歉,內容大致上係講對唔住、好抱歉做出傷害對方之事,佢唔知道點面對,唔知道點樣去彌補。

黃子恆三度邀35E女歌手上門 女方鬧爆「唔係男人!」

黃子恆認曾發生關係:做足安全措施!

事件曝光後,男主角黃子恆接受傳媒訪問時,承認的確曾與Michelle發生性行為,但就只有一次,而且有做足安全措施,不介意去驗DNA以證明自己的清白。黃子恆又謂控制唔到對方做啲咩,只希望謠言唔好再散佈。

黃子恆只承認兩人發生過一次性行為,且有做足安全措施!
黃子恆只承認兩人發生過一次性行為,且有做足安全措施!

黃子恆現身回應 稱會負責任

昨日黃子恆為新劇《機場特警》開工,被大批傳媒追訪,黃子恆稱與該女粉絲已經年半冇見面,不過如果對方所說的事真係有發生,佢會負責任。又會如果有需要驗DNA,佢亦都會配合。

黃子恆三度邀35E女歌手上門 女方鬧爆「唔係男人!」

另外有報道指無綫高層樂易玲已叫黃子恆暫時先冷靜及專心工作,《機場特警》劇監製陳耀全亦表示唔會刻意刪減其戲份,但兩年前佢介入歌手裕美婚姻,如今又再爆出負面新聞,無綫方面隨時唔再容忍,黃子恆演藝生涯危危乎!

黃子恆三度邀35E女歌手上門 女方鬧爆「唔係男人!」

迪子鬧爆黃子恆:「唔係男人! 」

日前繼續有關於黃子恆的桃色新聞爆出,有指佢曾經睇中過擁有35E火辣身材的歌手迪子,曾經喺半年內先後約過迪子三次,氹對方去佢屋企「提供服務」!雖然迪子拒絕,但不久後黃子恆又搵新藉口,話邀迪子上佢屋企喺Big Big Channel開live,不過迪子再次拒絕。

黃子恆第一次話要服務,第二次話上佢屋企飲酒,第三次就話唱歌開live......
黃子恆第一次話要服務,第二次話上佢屋企飲酒,第三次就話唱歌開live……
迪子接受傳媒訪問時承認此事,嬲爆話黃子恆冇風度又唔尊重人,「佢唔係男人」。
迪子接受傳媒訪問時承認此事,嬲爆話黃子恆冇風度又唔尊重人,「佢唔係男人」。

延伸閱讀:

黃子恆歷年緋聞多多 16年曾介入裕美婚姻

|黃子恆16年被指介入裕美婚姻

其實黃子恆都唔係第一次出現負面新聞㗎啦,2016年時佢被指介入裕美與老公林恩浩的婚姻,兩人被拍到一齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,裕美留低過夜之餘,更被拍到在露台晾Bra!

黃子恆最爆都係2016年被指介入裕美婚姻!
黃子恆最爆都係2016年被指介入裕美婚姻!

裕美:一班人開大食會

當時裕美個講法係當日係假期,所以一大班人開大食會,同行亦有其他幕後人員。一行人大約在八、九點離開,佢並沒有留低過夜。裕美又話自己正拍攝劇集,雖然同劇沒有黃子恆,不過自己好多嘢唔識,要向對方請教。最後佢話唔會理其他人點講,正如有人話佢整容一樣,佢唔會去理。

依家嘅裕美。
依家嘅裕美。
早年嘅裕美。
早年嘅裕美。

裕美驚爆離婚

之後被問到老公會否介意,裕美就驚爆已經搞緊離婚!佢話自己已單身半年以上,現在辦離婚手續,不過就唔回答是否出現第三者,只係話兩人性格出現問題,曾經試過挽救呢段婚姻,但最終都係解決不了。

被拍到黃子恆家過夜後,裕美突然自爆離婚。
被拍到黃子恆家過夜後,裕美突然自爆離婚。
黃子恆三度邀35E女歌手上門 女方鬧爆「唔係男人!」
裕美與老公林恩浩。

裕美撻著有米外藉男友

裕美現任男友Alex係英意混血兒,家住半山豪宅,身家豐厚而且事業有成,曾在一間大型私人銀行任投資工作,現在是本地一間外語學校的創辦人。

裕美
兩年前失婚後又同黃子恆再無下文,裕美去年承認身邊有個老外新歡Alex,兩位仲一齊開IG放閃。

裕美網上暗示手已分

不過裕美近日於網上暗示甩拖,喺IG一張相打上「一個人也能好好過」、「Enjoying the solitude(享受孤單)」、「Lonely Christmas(寂寞聖誕節)」等hashtag,裕美向傳媒表示兩人已分開一個月以上,話因為兩人分隔兩地、自己又要照顧媽媽,最終和平分開。

前度黃子恆日前傳出負新聞,裕美亦承認與男友Alex手已分。
前度黃子恆日前傳出負新聞,裕美亦承認與男友Alex手已分。

|曾力媾女神Ali不果

黃子恆早年曾力媾當時上位中的李佳芯(Ali),出動靚車接載對方到西貢撐枱腳食燭光晚餐,雖然最後齊齊返男方寓所,但據知Ali當時嫌對方仍是七線奀星,所以緋聞無疾而終。其後,Ali專心拍劇,更憑《潮流教主》人氣急升,現已為大台一線花旦!

黃子恆三度邀35E女歌手上門 女方鬧爆「唔係男人!」
黃子恆早年曾力媾Ali。
Ali個樣好冧咁喎!
Ali個樣好冧咁喎!
Ali現時與男友陳炳銓關係穩定,打風都打唔甩!
Ali現時與男友陳炳銓關係穩定,打風都打唔甩!
今年更憑《BB來了》成為台慶視后大熱!
今年更憑《BB來了》成為台慶視后大熱!

|吳若希落閘

黃子恆又曾被拍到與吳若希去赤柱食飯而傳緋聞,不過事後吳若希即落閘說:「朋友食飯,冇咩特別,我哋識咗好多年,佢好似哥哥咁。」黃子恆見未能得手,亦惟有認命只表示跟對方係朋友。

黃子恆三度邀35E女歌手上門 女方鬧爆「唔係男人!」
吳若希一口否認緋聞,話只係朋友!
吳若希去年嫁給圈外男友Alex Ho,現時育有可愛女兒Giselle,一家三口勁幸福!
吳若希去年嫁給圈外男友Alex Ho,現時育有可愛女兒Giselle,一家三口勁幸福!