龔嘉欣

《幕後玩家》 黃宗澤搶撫養權 龔嘉欣崩潰逐格睇

最新娛聞

廣告

台慶劇《幕後玩家》的劇情愈來愈緊湊,噚晚播出嘅第32集中,賤男黃宗澤(Bosco)現身同 龔嘉欣 爭撫養權,直指 龔嘉欣 「有情緒病,係癲婆」,又指一世唔會俾佢見個女,令佢情緒再度崩潰! 呢場戲播出後,即刻又喺各個社交平台洗版式分享,網民除咗大鬧Bosco「人渣」逼老婆上絕路之外,亦大讚 龔嘉欣 演技進步,令觀眾睇得非常肉緊!

延伸閱讀︰

《幕後玩家》跳樓亡 觀眾傷心難捨陸永

《幕後玩家》黃翠如火辣歎「水中蕭」

劇情講述Bosco在咖啡店偶遇龔嘉欣,當嘉欣見到Bosco後隨即急急腳走,點知Bosco就威脅「有嘢同你傾,關於心心(女兒)㗎」,令嘉欣逼不得已坐返低。Bosco開宗明義就話搵咗私家偵探跟蹤佢,知道佢每星期都要見心理醫生,仲要食藥控制病情,照顧唔到自己,所以個女完全唔適合跟住佢。

龔嘉欣聽到呢番說話之後大為激動,不斷否認自己有情緒病。之後Bosco仲搶佢手袋,直言拎佢手袋入面嘅藥去化驗,嘉欣即時方寸大亂,緊張地搶回手袋。

Bosco見嘉欣情緒接近失控,立即進一步逼佢埋牆角,拎出「放棄撫養權」嘅協議書。嘉欣當然唔肯簽,仲激動地一手撥走份文件。Bosco見狀即刻話要打官司,直指法官絕不會將女兒判俾一個「癲婆」!更揚言會申請禁制令一世唔俾嘉欣見個女,嘉欣聞言即刻崩潰,一邊問Bosco點解要咁對佢,一邊向佢揮拳!

Bosco喺佢耳邊講咗句:「你要煮死我,我都要你呢個癲婆一無所有」,將嘉欣逼至歇斯底里!Bosco見事情鬧大,竟然扮好人叫嘉欣冷靜,簡直人面獸心!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!