《溏心3》喊戲獲讚賞 岑麗香：多謝網民支持

撰文：東方新地

圖片：新傳媒圖片庫

岑麗香 唔敢睇留言

《溏心3》一眾演員包括李司棋、夏雨、關菊英、岑麗香、黃翠如、阮兆祥等都有出席今次祝捷慰勞宴，講到最近網上有很多網友大讚香香演技進步咗好多，尤其係喺連場喊戲上，香香話好多謝網民支持，又透露自己其實唔太敢去睇網上嘅留言：「雖然好多同事話一定要睇吓網民嘅留言，但自己就有啲驚，唔知道網民反應係點樣。當人哋講番畀我聽，話網民讚我演得好，我都好開心，都希望自己真係有進步！」問到覺唔覺得自己演技進步咗？佢就回應：「當然希望真係進步咗，我覺得自己仲有好長嘅路要行，希望可以做得更加好啲！」

馬爾代夫晒恩愛

香香在出席活動前剛和老公強強返完加拿大探親，之後又趕赴度假天堂馬爾代夫充電，大歎陽光與海灘！香香仲在網上晒出不少靚相，同網友分享佢同老公嘅甜蜜之旅，其中有部分仲係由老公強強視角出發，為靚靚人妻留下最美一刻，超sweet！