《溏心3》黃宗澤慘變性無能 正式叛變？
廣告
台慶劇《溏心風暴3》今個星期起進入最後10集，大家最期待的畫面終於出現了，就係黃宗澤飾演的「阿九」終於開始變奸，性情大變後與自己最親的黃家一家人爭產打官司。究竟點解呢個花花公子角色會突然入魔？原來係因為經歷男人最痛！
撰文：東方新地
圖片：網上圖片
媾著黑幫大嫂
黃宗澤今次喺《溏心3》飾演一個玩世不恭的花花公子，食女無數，早前劇情講到佢如常去夜場媾女，點知就媾著黑幫大佬喬爺的女朋友(陳芷尤飾)！
司棋姐隊茅台
黃宗澤斗膽媾黑幫大嫂，喬爺當然唔會放過佢，隨即綁架佢去深山小屋！搞到司棋姐同夏雨要齊齊跪地求情，司棋姐仲要一個人隊晒成枝茅台要表誠意！
逃走時意外碌落山
雖然司棋姐已經請喬爺放人，不過黃宗澤喺清晨時趁機自行鬆綁逃走，不過逃走時不慎碌落山坡！
黃宗澤成個人撞落棵大樹度，狀甚痛苦！
黃宗澤慘變性無能
黃宗澤撞落棵樹導致下半身癱瘓，幸好喺翠如BB悉心照顧下神速康復，但就因神經受損而變成性無能… 周旋於女人之間的黃宗澤一下子無晒人生樂趣！
黃宗澤借醉咀翠如
灰爆的黃宗澤飲到醉晒，之後仲借醉錫落翠如BB個嘴仔度！說好的「兄弟」呢？
做個有錢人
黃宗澤本來無晒人生意義，但之後劇情講到佢突然見識到亞洲十大富豪的實力，於是收拾心情專注工作，誓要做個有權有勢的有錢人！見到佢操fit副body、造套靚西裝，重新出發！
正式叛變？
於是黃宗澤喺自己屋企的公司開始，不擇手段去賺錢，當然同家人背道而馳，最終踏上叛變之路，與外人合作，與親人對簿公堂！
